[بدر ابو فهد]

لله در امورد الجيب فكسار.....ولله در اللي من السوق يشريه
انا اشهد ان الجيب ياناس صبار.....وانا اشهد ان الله عن الغير محليه
الناس كلٍ له طواريق وانظار.....وانا مشقا فيه ومولعن فيه
ياماحلا فوقه شغاميم الاحرار.....كل ابلجٍ صدره من الطيب ماليه
لاروحو في خايعٍ بعد الامطار.....تو السحاب من اخضر الوسم مسقيه
يازين طشت فرشنا يمين ويسار.....في عثعثٍ قلبك يحبه ويغليه
ويازين قولت يالربع شبو النار.....وسووا لهذا الراس شيٍ يداويه
بجوٍ بعيدٍ مابه ارسال واقمار.....ولاذبذبة هاتف ولاليه ماليه
ولا فرفرت موجه ولا امتابع استار.....ولامشاهدت سامي ولا مشاهد ابليه
ولا قيل هذا فيه وفلان جبار.....ولاقيل هذا فيه وفلان مافيه
البعد عن بعض المجالس والاوكار.....مايلحقك صاحبك فيها مشاريه
مشاهدك لمسلسل الاخ غوار.....تسوا رديٍ حاضرة مثل ماضيه
هذا هواي وفكرتي ياهل الافكار.....وكلٍ فكر راسه وعقله مقديه

الموضوع الأصلي: منيف زايد الرشيدي (الجيب فكسار) | | الكاتب: بدر ابو فهد | | المصدر: شبكة بني عبس

[سالم المظيبري]

بجوٍ بعيدٍ مابه ارسال واقمار.....ولاذبذبة هاتف ولاليه ماليه
صح السانك يابو فهد على هذه القصيده الجزله الله يعطيك ااالف عااافيه
وتقبل مروري

[بدر ابو فهد]

اقتباس من مشاركة سالم المظيبري بجوٍ بعيدٍ مابه ارسال واقمار.....ولاذبذبة هاتف ولاليه ماليه صح السانك يابو فهد على هذه القصيده الجزله الله يعطيك ااالف عااافيه وتقبل مروري

الله يعافيك ياسالم وصح لسان قايلها

[أمـ الشوق ـير]

الله الله عليه منيف زايد الرشيدي شاعر متمكن ويعجبني كثيراً

صــح لســـــانـــه على هالقصيده الجــزله

لاروحو في خايعٍ بعد الامطار.....تو السحاب من اخضر الوسم مسقيه

رآآآق لي كــثــيراً هذ البيت

ولاهنت أخوي بدر على هالنقل الرائع وسلمت

[بدر ابو فهد]

اقتباس من مشاركة أمـ الشوق ـير الله الله عليه منيف زايد الرشيدي شاعر متمكن ويعجبني كثيراً صــح لســـــانـــه على هالقصيده الجــزله لاروحو في خايعٍ بعد الامطار.....تو السحاب من اخضر الوسم مسقيه رآآآق لي كــثــيراً هذ البيت ولاهنت أخوي بدر على هالنقل الرائع وسلمت

لاهنت ياامير الشوق