[ادري طيبتي غلطه]

>> هههههههههههههههههههههه

ربي يعافيكم على هالحضور الطيب

[رشيديه و أفتخر*]

مشكوره على الهرج الحلو
بس مو كل المدينه يتكلمو كذا

@@@تحياتي@@@
رشيديه و افتخر
............بنت المدينه

[صقربني عبس]

اقتباس من مشاركة ادري طيبتي غلطه تعالوا شوفوا بحث عن الكلمات المدينية طبعا مهي كلها لأنو مرررة كتير مافيا اهرج اكتر هيا تعالوا شوفوا والله مرة حلو هذه بعض الكلمات المدينية بعضها قد يكون متواجد حولنا في جدة أو مكة والبعض منها فسر حسب كل عائلة في تفسيرها وبعض العوائل مازالت تستعمل هذه الكلمات............ هرج=كلام ,انطق= أتكلم, الهرجة كلام بين أتنين كلمة راس....وايش الهرجة=يعني ايش صار. تبع=لي..مثلا(هذه تبعك السيارة اللي واقفة هناك...يعني هل هيه تخصك). مو=هل..مثلا(مو أنت اللي جيت داكا النهار=يعني هل أنت جيت قبل فترة). قرنبع=خردة(ما تنفع بشي)وللمؤنث مقربعة(مثلا واحد يقول:سيارتكم قرنبع أو مقربعة)وتصغيرها (عزقة). عبال= حتى= لما (مثلا واحد يقول جهز نفسك عبال ما أسخن السيارة و أجيك). تريقه=مزح. عبي=ملي(مثلا فلان ياخد سيارة يعبيها بنزين)(وعبي نفسك أنا الربوع جي=يعني جهز نفسك). القش=الأغراض مثل كلمة(عفش). أندر=أخرج(على قول الكلمة المشهورة جدا أندر ندرت عينك)وحل=روح عني...وطس=اختفيت,,مثلا(فين أنطسيت)يعني فين أختفيت. ينغبر=بمعنى أنه يبحث ويدور. حلني=يعني يا من يعيش يعني أستنى الفرج لفظة ساخرة المراد بها إقناع الشخص بعدم الاعتماد على شي معين(حلني لو زودوا الرواتب....حلني لو جبنا كأس العالم ). مربرب=متين. يكد= يمشط ,,,,كُد=مشط شعرك (أكد شعري). صبت=للسوائل...وصبلي=أسكب لي ...وأمس صبت مطره=يعني أمس هطلت أمطار. دوبي=توي=دحين=الآن....مثلا(دوبي جي من البيت) يعني الآن . دردب=كانت بمعنى راح لكن الآن تعني يأكل مثلا(فلان يدردب أي شي يعني ياكل أي شي). أتحير=بمعنى أتأخر...مثلا الأم تقول لولدها(لاتتحير عليا وتلطعني ورانا القصر دحين)القصر=قصر أفراح مثلا قصر الشموع زمان وقصر هبه...وكلمة تلطعني=تأخرني جدا... وورانا=عندنا. طشت=هو صحن كبير يستعمل لغسيل الحوائج(الحوائج=ملابس). جك=مايو ضع به الكثير من السوائل مثلا(جك موية أو جك شراب توت). ترمسا=هذه طبعا موجودة بكثرة عند الحرم...وهو إناء أكبر من الجك وأصغر من البرميل توضع فيه المياه ويوضع فيه في الحرم موية زمزم وله بزبوز=صنبور بلاستيكي. مدردم=الشكل شبه البيضاوي أو دائري. دَنْدُرْمَه=ايس كريم. كافتيرا=ما يوضع به ويسخن الماء لتحضير الشاي. بكش=نصب=مبالغ مثلا(فلان بكااااااااااااااش يعني مبالغ كتير في كلامه). الريس=الأذان الأول للفجر. حارق رزك=معصبك. فاتك= يعني يا ريتك كنت في. الجِلا=منور=فتحة زي البير وسط العمارة (طاقة=نافذة). المِرَكَّبْ=المطبخ. صينية=صحن مستطيل أودائري توضع فيه الكاسات(الأكواب)والفناجين والبراد(البراد=آنية حديدية يوضع بداخلها الشاي أو الحليب. مَنو=ليس...مثلا فلان أعطوه قسيمة عشان منو رابط الحزام..و تستخدم منت...حينما يسألك واحد يقلك ليش منتا رابط الحزام=بمعنى لماذا أيضا.وتقال خارج الحجاز منت مثل قول(منت رايق فيك شي ومضايق). صقع= صدم أو اصطدم أو دعس...وانفقش=بمعنى أصابته ضربة في رأسه...وتأتي بمعنى الانكسار أحيانا. الفجعة=الخوف الشديد والاندهاش..والمفجوع=هو إنسان خائف..وتأتي في الأكل بمعنى الشره الكثير الأكل. التلوت=الثلاثاء....الربوع=الأربعاء. يقيل=يتغدى مثلا( تعالوا يوم قيلو عندنا اليوم )وتعني خارج المملكة وفي اللغة أنه ينام بعد الظهر يأخذ(قيلولة). غبني=قهرني. صرفدني=أزعجني. هيا خدلك=هيا كلو=يعني شوف هذا إيش يقول...وتستعمل الكلمة للاستغراب. سخرك=جعلك...مثل الأخ يقول لأخووه الله سخرلك تجبلي عيش اليوم. تجبلي=تحضر لي. قاعد لو=جالس لوه=معقده جدا..مثلا(أنا نجحت بس جالستلي مادة عند دكتور) يعني معقد تني. فيلو=يعني فيه ماصخ=بدون سكر(نفس الكلمة عند بعض دول الخليج)وقد تعني ماله طعم..وقد تستخدم لانتقاد شخص. يعل=علة=ينحل=يتعب ويقهر..مثلا الأم تقول لولدها(ناحلت قلبي وأنا أقومك من النوم)بمعنى تعبتني حتى استيقظت من نومك. نستكري=يستأجر...مثلا(طلعنا نستكري بلاد)طلعنا أتستأجرنا استراحة. دروخة=دوخة. ياهو=تأتي بمعنى ناس أو ياعالم..في النداء..وفي الفرح تعني مين قدك..مثلا(ياهو عندك أرحامك اليوم مين قدك). منسدح أو مسدوح=متكأ وقد تأتي بوصف حالة النعاس..مثلا(هل نام أبوكم؟؟الرد:لا والله مسدوح في الصالة يبغى ينام). متصروع=مستعجل..مثلا(فلان متصروع على الخرجة يعني نفسو يخرج بسرعة)..مصروع=دائخ. يخمر= تستعمل للطبخ . عشتي=دعوةبمعنى يطولي عمرك..على قول التونسيين(يعيشيك)لكن عندنا تستخدم لطلب..مثلا(عشتي لاجيت رايح ناديلي( السواق)ناديلي=أي قم بنداء..وعشتك أرخي صوت التلفزيون...بمعنى لو سمحت قفل الصوت أرخي=أخفض.. تزغر=تنظر بدون أن ترمش..مثلا واحد يتحركش بواحد..(يتحركش=يريد التنكيد عليه ومشتهي الشر بنية المضاربة أو بنية المزح بين الأصحاب)يقول له :إيش فيك تزغر..؟؟ماني عاجبك ولا مضيع مفتاح في وجهي. جيتبك وأتصل تبك ومالقيتبك=هذه الكلمات ماهي من المدينة لكن تعارفوا عليها الناس وأظن أنو مصدرها من مكة مثل كلمة(أيشبك=مابك)بينما الأصل عندنا أننا نقول(إيش فيك=أيشبك). مروق=يعني هادئ ومبسوط وزادت عليها من جدة كلمة(مروق المنجة)يعني فرحان مرة. منكد=هادي و زعلان. نكد=مشاكل وأخبار مزعجة. زغرطة=زغردة=قول كلمة وليليليليي في الفرح( تستخدم للنساء دائما). لغوصه=بمعنى توسخ أو الاختلاط وحينما تستخدم للأكل مثلا(فلان أكل ملوخية ولغوص السلطة بالملوخية)بمعنى خلاها شربة..وحينما تستخدم للأطفال مثلا(كل كت كات بس لاتلغوص توبك مافينا نطلعلك حوايج)وحينما تستخدم للذم..نقول فلان ملغوص=لقلوق...بمعنى ينقل الهرج بين أتنين ولا يحفظ الأسرار. .............. هذا الجزء الاول وكونوا في انتظار بقية الاجزاء ^ــ^

ههههههههههههههههههههههههههههههههه
ههههههههههههههههههههههههههههههه
هههههههههههههههههههههههههههههههههه
الله يرجك
والله اني اول مرة اسمع هالكلام
وانا من اهل المدينه
صح فيه بعض الكلام موجود بس الاغلبيه اول مره اسمعها
مشكووووورة يالغلا وفري فري قود انك نبهتينا على الكلام صدق اول مره اسمعها وان شاء الله راح استفيد من هالكلام