[مسموح يالغالي]

سلمت أخوي بندر 000 أبشرك الغيرة على أعراض المسلمين موجودة
وليس لنا سوا الدعاء والتضرع لوجه الله بأن يكشف كل كرب
(((( أسمح لي بمجاراة بسيطه ))

أخوك الحسن عبد الله العامر ((( مسموح يالغالي )))


الله لنا والله لنا كــــــــــــــــــــل حزه 000 الصدر ضاق وقلب الايام مغشـــــوش
ماهي بفزعة بوش راس المعـــــــزه 000 كرهه بصدر الوقت ياخـــــوك منقوش
ياشيخ بعض الهرج بالصــــــدر وزه 000 أخاف لا يشمت بنا كـــــــــــل مربوش
أدري وتدري كم غـــــــــــراب وأوزه 000 متضاهرين بفزعة صقــــور ووحوش

[الزعيم..]

صح للسانك اخووووي بندر ونزف من صميم القلب
والله يسويها خلها على ربك
محبكم

[الغاطي]

//بندر الرشيدي//


صح لسانك..ولاهنت..


قصيدة معبرة عن واقع مؤسف/


تقبل مرور أخوك///الغاطي..

[عظيم الشوق]

صح السانك خوي بندر .....

[كهل الصباء]

الأخ بندر الرشيدي؟
يسعد صباحك.

أولا:آسف على تأخر تعليقي على هالشامخة...وأشكرك من أعماق قلبي على كتابتك التي أبرزت من خلالها غيرتك العربية والإسلامية.

ثانيا:تميزت القصيدة بتمازج إسلوب التحدي والتعجيز والإبداع من خلال قافيتها ومفرداتها...وهذا التميز لا يتمكن منه إلا شاعر كبير بكل ما تعنيه الكلمة..لذلك أنت شاعر كبير فعلاً.

ثالثاً:أرجوا من التواضع لقرأت ما تم تدوينه:

(يابوش خذ بندقك..وافزع لغزة=بالثوب والبسام لاتحط طربوش
اركب على جمسٍ يهيض مفزة=لاحاشته صدمه ولاهو بمغشوش
في (تل أبيب)الجمس يابوش لزه=مافيه بعد الله غير أنت يابوش
أولمرت تله في جبينه وحِزه=يالدفش لاتاخذْك رحمة بدفّّوش)
تهكم وسخريا في هذا الطلب من التخاذل العربي لنصرة الأقصى وقد أجاد الشاعر هذه الطريقة التهكمية الساخرة في إيصال نقده للأوضاع المزرية.

(حنا معك..يابوش في كل حَزه!!=وإن جيتنا في دربك الورد مفروش!
فعلك..تبين في العروبه محزه=أكبر رئيس بمنصبه منك مخروش
أطلق شنب فينا بعينك..تخزه=ماكنه الا فرد وعيونك جيوش
يحق لك تفعل وكفك تهزه=وتلمنا مثل الغنم داخل الحوش!
وقتٍ يعدوا به رجال المعزه=وأكثر سلاطينه هراميل وختوش
السيف شلته في يمينك..بعزه=تذبح وتسلخ سلخ..والعرض مخدوش
مايمنا يابوش نخوة وعزه= حنا(دعاة السلم)!!مانعرف الهوش!
خذ ماتبي يابوش شخصك نعزه=يامذبح الخرفان..ياراعي الغوش!!
برميل نفط يقابله ..كيس مزه=..والا بلاااااش...الرز يظهر لنا كروش!
المالبور الأصلي اللي تمزه=خفف شوي آخاف يذبحك يالبوش.
ماهو بحبٍ فيك حبٍ بغزه=خايف تروح وتصبح بيوتها نعوش!!!!
يابوش خذ علمي لربعك ودزه=إن العروبه عندنا قبر منبوش
والله مافي القبر فزعه وفزه= ألا...على انفسنا صناديد،،ونهوش
فينا الشجاع الفذ رمحه يكزه= في ظهر ابن عمه...ولاينوشكم نوش
عندي طلب واحد بحكم المعزه= مادام صرت أمون وتمون..يابوش
لبنان في حاجة رئيسٍ ترزه=عجل ترى وضعه كما العهن منفوش
يااااااااذل من يابوش تبغا تعزه=أقولها..والدم في جسمي يغووش!
خذ راحتك..يابوش واقتل بغزه=والله ماعندك..عرب كلنا طروش!!)
الموضوع رغم صعوبة تناوله بهذه السلاسة إلا إن الشاعر تناوله بتمكن متجاوزا الحشو والركاكة ومحافظاً على قوة المعنى.

تحياتي لك أيها الشاعر النادر فعلاً وأرجوا منك طرح المزيد من قصائدك لتروي عطشنا في زمن كثر غثه وندر سمينه.


دمت بووووووود

[العبسي الغامض]

قصيده جميله ورايعه

[غلا الرشايدة]

صح إلسانك
وتسلم إيدك على هالقصيدة الأكثر من رائعة
ولا تحرمنا جديدك

[قيس الملوح]

شاعر رايع بندر الرسيدي