|
يابوش خذ بندقك..وافزع لغزة**مافيه بعد الله غير أنت يابوش!!!
بسم الله الرحمن الرحيم السلام عليكم ورحمة الله وبركاته عذرا على الغياب لظروف خااصة...وأعود.. بمأساة الأمة الإسلامية هنا..وكلي لوعة وحرقة.. قصيدة..كتبتها..للتو..ومازلت..أنزفها.. إليكم القصيدة....ضعوا أنتم عنوانها.. (...................)
يابوش خذ بندقك..وافزع لغزة=بالثوب والبسام لاتحط طربوش ____________________اركب على جمسٍ يهيض مفزة=لاحاشته صدمه ولاهو بمغشوش في (تل أبيب)الجمس يابوش لزه=مافيه بعد الله غير أنت يابوش أولمرت تله في جبينه وحِزه=يالدفش لاتاخذْك رحمة بدفّّوش حنا معك..يابوش في كل حَزه!!=وإن جيتنا في دربك الورد مفروش! فعلك..تبين في العروبه محزه=أكبر رئيس بمنصبه منك مخروش أطلق شنب فينا بعينك..تخزه=ماكنه الا فرد وعيونك جيوش يحق لك تفعل وكفك تهزه=وتلمنا مثل الغنم داخل الحوش! وقتٍ يعدوا به رجال المعزه=وأكثر سلاطينه هراميل وختوش السيف شلته في يمينك..بعزه=تذبح وتسلخ سلخ..والعرض مخدوش مايمنا يابوش نخوة وعزه= حنا(دعاة السلم)!!مانعرف الهوش! خذ ماتبي يابوش شخصك نعزه=يامذبح الخرفان..ياراعي الغوش!! برميل نفط يقابله ..كيس مزه=..والا بلاااااش...الرز يظهر لنا كروش! المالبور الأصلي اللي تمزه=خفف شوي آخاف يذبحك يالبوش. ماهو بحبٍ فيك حبٍ بغزه=خايف تروح وتصبح بيوتها نعوش!!!! يابوش خذ علمي لربعك ودزه=إن العروبه عندنا قبر منبوش والله مافي القبر فزعه وفزه= ألا...على انفسنا صناديد،،ونهوش فينا الشجاع الفذ رمحه يكزه= في ظهر ابن عمه...ولاينوشكم نوش عندي طلب واحد بحكم المعزه= مادام صرت أمون وتمون..يابوش لبنان في حاجة رئيسٍ ترزه=عجل ترى وضعه كما العهن منفوش يااااااااذل من يابوش تبغا تعزه=أقولها..والدم في جسمي يغووش! خذ راحتك..يابوش واقتل بغزه=والله ماعندك..عرب كلنا طروش!! أسأل الله جل..وعلا ..أن ينصرنا على من عادانا.. ويرحم شهداءنا ويجعل..لنا فرجا عاجلا ليس آجلا.. وأن يحيي..قلوبنا الميته..ويبعث فينا روح التوحد..والجهاد. هو ولي ذلك..والقادر عليه.. محبتي..وتقديري... بندر الرشيدي.. |
أخي بندر: قصيده تحكي واقع مرير للمسلمين في هذا الزمن زمن العجائب والغرائب زمن الفتن والمحن00
نسأل الله العلي القدير إن يصلح شأن الأمه أمة التوحيد وينصر دينه ويعلي كلمته ويذل الكفره الملحدين,, إنه ولي ذلك والقادر عليه,,,,,,,,,, |
صح للسانك اخووووي بندر ونزف من صميم القلب
والله يسويها خلها على ربك محبكم |
اخووووووي بندر صح لسااااانك ولا هنت على الرائعه يالاستاذ وتقبل مروري وتقديري
|
صح السانك يابندرالرشيدي
واسال الله العلي العضيم ان ينصر المسلمين تقبل تـــــــحيـــــــــاتــــــي |
الشاعر بندر الرشيدي
صح لسانك على هذه المعزوفه الرائعه وتقبل منتتتتتي فااااااايق الاحتتتتتتتتترام |
أخي الغالي.. القدير.. أبو عيسى .. شرف لي تواجدك..هنا... كلماتك..أنااااااارت متصفحي.... وبثت في نفسي الكثير..من الاعتزاز.... أسما تقدير..وشكر.... لشخصك السامي.. |
بندر 0000000000من لم يهمه امرالمسلمين ليس منهم
ضربت اروع الامثال للمسلم الغيور نصرالله الاسلام والمسلمين واذل بوش وحاشيته ابوبدر ----يعلم الله قراتها بتمعن وعجزت انقي اجملها لانها منقيه بحدذاتها هالبيتين يابوبدر جابت مابي : عنـدي طلـب واحـد بحكـم المعـزه مادام صـرت أمـون وتمون..يابـوش لبنـان فـي حاجـة رئيـسٍ تــرزه عجل ترى وضعه كما العهـن منفـوش مادام صرت تمون وامون يابوووووووووووووووووووووووش ههههههههههههههههههههههههههههههه لايدركها الا من يعرفك جيدا يااستاذ |
| الساعة الآن +4: 01:48 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
