[بدر بن محمد]

بسم الله الرحمن الرحيم

مشكور اخوي سعد على المبادره الطيبه
نتمنى الاضافه من جميع الخوان

وكذلك نتمنى توثيق جميع الفرسان بني رشيد
ودمت بصحه وعااااااااااااااااااااااااافيه......

[(ابوعواض)]

بيـــض الله وجهك وجه كل اللي اضااافوو

مافيــكم قصووور

[alseefmm]

السلام عليكم ورحمة الله وبركاته
هذي قصه جرت مع الشيخ قاسم ابن براك شيخ بني رشيد ومع الفارس المشهور سحلي ابن سقيان
( راعي العليا ) من قبيلة مطير العريقه
وهذه القصه لها سالفه
وهي ان احد فرسان بني رشيد وهو الفارس المشهور حنيان ابن شعيب ذهب الي العراق ومعه رجل من بني رشيد بعد حكم عبدالعزيز طيب الله ثراه بفتره وكان الرجل مريض وقال لحنيان ودني للعراق عند مداوي يذكرونه وانت لك معارف بالعراق ثم ذهب حنيان والرجل وفي طريقهم الى العراق كان فيه قبائل وكانت احدى القبائل هي قبيلة الظفير العريقه ثم لفوا عند هذه القبيله الكريمه ورحبو فيهم واكرموهم وماهي غريبه على هذه القبيله المعروفه بالكرم ثم اخذو يتبادلون الحيث بينهم وكان هناك شايب من شيبانهم كبير بالسن جالس في صدر المجلس وكان هناك مجموعه من الظفير جالسين ثم دخل عليهم رجل من الظفير وقالو اللي جالسين حيا الله راعي العليا ثم طالع الشايب وابتسم وسكت ثم دخل رجل اخر وقالو اللي جالسين حيا الله راعي البويضا ثم نظر وابتشم وقال من هو راعي العليا قالو فلان بن فلان من الظفير قال ونعم ومن راعي البويضا قالو فلان بن فلان من الظفير قال ونعم بس اللي اعرفه ان راعي العليا سحلي بن سقيان فارس وعقيد من مطير قالو ونعم نسمع فيه قال وراعي البويضا شيخ بني رشيد قالو ونعم بس مانعرفه

ثم قال انا اعلمكم عن قصه جرت بينهم
القصه يقول الشايب انا خوالي مطير وكنت مع خوالي ومره من المرات قال سحلي غزينا ندور لنا حلال نلفه قلنا معك ياراعي العليا ثم غزينا ولقينا اباعر وضح ماعندها احد الا رعيان وانحاشو ويوم اخذنا شوي وحنا مقفين بالحلال الا هاك الخيال يوم لحقنا قلنا ياسحلي هذاك خيال لحقنا شفه قال اصبرو شوي نشوف وش عنده والا ابروح اذبحه يقول الشايب وحنا نوقف ونطالع هاك الخيال الا يوم انه نزل من ظهر فرسه وقعد يقدح غليونه الا دخان الغليول قام يعجعج يوم دخن وخلص وصفا غليونه ركب فرسه واقبل علينا قلنا رد الخيال ياسحلي يوم قرب وخلا سحلي على يمينه وجانا يبي الحلال قال سحلي دوبك ياخيال انا اكفيك فيهم يوم سمع سحلي صبها الخيال على سحلي وقال( خيال البويضا واناقاسم لا لحقنا شولهن كد عطْف)
وبعدها سمعنا سحلي يقول خلو الحلال وجا واخذ حلاله وجو الرعيان وساقو الحلال وراح الخيال وكل اشوي يلتفت حتى قفا عنا ورجعنا قلنا ياسحلي ليه مانطحت الخيال قال والله انه من يوم اقبل وانا الكز فرسي وانها عيت لا تمشي جافله ويوم جا قلت ياخيال اناكفيك وانتخى وقال خيال البويضا وانا قاسم عرفت ان هذا قاسم اللي يقولون وانه معه حظ وهيبه وقال الشايب هذ راعي البويضا عرفتوه قالو ونعم ايوالله عرفناه[you]

[طامي الجعيثن]

يالله أنك ترحم من مات وتعز قبيلتنا برجالها الموجودين وأن نكون خير خلف لهم وأن نمشي على دربهم ونجسد شجاعتهم وكرمهم في قلوبنا وقلوب أبنائنا ,,,,,,,,,,, ونريد كل جديد عن قصص أبطالنا السابقون والحاضرون من أفعال أعمال ومواقف مشرفه ترفع الرأس لنا ولمن بعدنا ،،،،،وشكر موصول مني لكم جميعاً

[فايز العويمري]

مشكور على النقل وتقبل مروري

[ابن صقعان]

الشيخ قاسم فارس واشهر من نار على علم رحمه الله
وتصحيح للقصيده التي قالها شاعر عنزي لم اعرف اسمه ولكنه رجل يعد الحق وكانت
هذه القصيده عقب معركة شريفه وكانو في حفل ويلعبون الرقصه على طاروق الدحه
فقال شاعر عنزه

يهبوا هبيتم خلق الله يبوني اجحد ثنى الله يبا زعيم انه قوماني
ثناهم مجحد ثناهم متدان الخيل ملاقاهم شطير عيون ويماني
ماشفتينا يامل النجم يوم التدرقنا بالرجم يوم الملح يهجمنا هجم حادينا حس النوناني
خيلنا للابرق فضت وخيلهم لتالينا عضت بني رشيد الشجعاني

وكان الشاعر يخاطب في قصيدته الحاشي وهي احد النساء التى تلعب بين الصفوف لتشجيع الرجال
بالملعبه وتسماء الحاشي
ارجو اني وفقت فيماقدمت تحياتي للجميع

[(سالم العويمري)]

مشكور اخوي لى الموضوع

[(سالم العويمري)]

مشكور اخوي على الموضوع