[سلطان العايضي]

بسم الله الرحمن الرحيم

أخواني وخواتي أعضاء ومشرفين ومراقبين وزوار سبكة عبس المحترمين

السلام عليكم ورحمة الله وبركاته
وبعد:
في البداية أحب أن أكتب لكم عن شاعر تجاهلوه الصحافيين والمحررين والكتاب او باصح

تجاهله الاعلام بصفه عامه . وهو يستحق الشهره لقوا معاني بيوته الجزله الذي يتميز بها

عن زملاءه الشعراء .

لهذا أطلق عليه لقب شاعر القبيله من وجها واعيان وأبناء كافة هذي القبيله .

ولعب الكثير من المحاورات مع شعراء أبناء القبيلة وخارج القبيله أمثال محمد السناني _ رشيد العلوني _ راشد السحيمي _ علي الهجلاء ..............

لا اطيل عيكم الشرح :

اريد ان أنقل لكم بعض من مقتطفات محاوراته الجميله التي انا احفظها

قال شاعر القبيلة

سلام رديت وفاء تجلاء عن القلب الهموم = والطيبه لضيوفنا وصحابنا نختارها
يابن حمد ما فالسماء غير القمر والنجوم = والمعركه بيني وبينك لا تطفي نارها

رد رشيد معدي

والله مرحب فيك وانته ضيف مثلي ومعزوم = لو الكواكب بالسماء قامت تزيد اقمارها
ياللي أتسمى بعبس شكلك صرت هم أمن الهموم = راعي التريله بالاشاره يجبره دوارها

قال شاعر القبيله

انا بعامل صاحبي حسب المذاهب والسلوم = واللي يخبر بأختطاف الطائره طيارها
انا كلامي من ذهب ياللي زرعت القاع ثوم = والمزنه اللي سيلة عند العسوس اخبارها

هنا نرى بان الشاعر رشيد ذكر عبس في احى الابيات باتجاه شاعر القبيله

قال شاعر القبيله

ياسلام الله عليكم كل يوم وكل ليله = من هجوس الشاعر اللي يلعب بيوت المعاني
ابن عازم صاحبي وش فيه عني رد خيله = عقب ما نسقيه من حجلاء على ظهر السواني

رد محمد العازمي

الله انه يقطع اللي عينك شاعر قبيله = كيف تنسى الجدي يارجال وسهيل اليماني
انت شاعر عبس ودور عليه المستحيله = مير لا ركبك هلحين على ظهر الحصاني

قال شاعر القبيله

ما أخذ علوم ابن عازم ناخذ علوم الدليله = لا نظرتك يامحمد لا حقاب ولا بطاني

كما لا حظنا بان محمد العازمي ذكر القبيله وتعيينه بانه شاعرها

هنا اختلف اسلوب شاعرنا مع الشاعر مناور الزبني عندما قال

جار العوزام طالع الباب مفتوح = كانك اعتيبي سلم التابعيه

رد مناور الزبني

باقي ثلاث ايام وسبوع ونروح = ومن صد عنكم واغتنا وهنيه

رد شاعر القبيله بحماس يقول

ان جيت ولا رحت ما منك مصلوح = سبت قبيلة عبس تثر عليه

رد الزبني

الكلمه اللي به تشفى تشتفي الروح= ما قسومتن ما بيننا بالسويه

ثم بعدها تواجه شاعر القبيله مع الزبني مره ثانيه
قال

وش قال جدك يامناور يوم سولف بأدن أبوك = لا تأمن الانذال لو تعطيك روس أموالها
متى يصل خط القريات الجنوبي لا تبوك = دام المدينه تمتلك مسجد رسول الاحالها

رد الزبني

أول قبل لا قولك قلي من اللي علموك = من شان اعلمك بالكلمه اللي قالها

لا يسعني بعد هذي المحاورات الا اشكر كم

الموضوع الأصلي: اريد الاشادة بشاعر القبيلة | | الكاتب: سلطان العايضي | | المصدر: شبكة بني عبس

[سعد الشقل]

صح اللسان شاعر القبيله

بس حيرتني انت تقصد عيد ابن مربح ولا واحدن ثاني؟

شاكر لكـ علىى المقتطفات الرائعه لشاعر القبيله

[راعي الشلفا]

الله يعطيك العافيه على الموضوع بس منو شاعر القبيله حيرتنا الشعار واجد وكلهم فيهم الخير

[الجحش]

والله مدري منهو شاعر القبيله لكن اللي اعرف ان الجحش عميد شعراء المحاوره ربما يكون شاعرالقبيله هواالجحش
هههههههههههه بيض الله وجهك ياسلطان الصحفي المعروف وصاحب الاخلاق العاليه
حبيت امزح معك
شاكرلك الطرح المميز

[سالم الزير]

الشعار واجد وشعار القبيلة كثيرين ولكن شاعر القبيلة الي يستحق اللقب برايي في هذا الوقت والي مواقفه تشرف وترفع الراااااااس فوق ابن مرسال الخياري

[شاعر الثقلين]

الشعار واجد وكلهم فيهم الخير والبركه وشاعر القبيله يطلعه شعره

ونتمنى التوفيق للجميع


تقبل تحياتي

[عبدالباري عبدالعزيز]

اقتباس من مشاركة الجحش والله مدري منهو شاعر القبيله لكن اللي اعرف ان الجحش عميد شعراء المحاوره ربما يكون شاعرالقبيله هواالجحش هههههههههههه بيض الله وجهك ياسلطان الصحفي المعروف وصاحب الاخلاق العاليه حبيت امزح معك شاكرلك الطرح المميز

والله مدري لكن هالبيوت قريبة من بيوت الجحش، ونبراته وإذا كان هي للجحش فهو ماهو شاعر قبيلة ولا الله قاله هههههههههه
بيض الله وجهك اخوي سلطان على هذا الشد للقاريء

[أبونواف]

صح اللسان شاعر القبيله

الله يعطيك الف عافيه

23232