[مبارك الشويلع]

ياسلام عليك يامبدع


بيض الله وجهك وبارك فيك

فالحقيقه عاجز عن التعبير لك عن احترامي وتقديري الفائق لك ياأبا اثنين


ابدعت واجبرت الشعراء على إظهار ابداعاتهم الجزله




ننتظر جديدك الجزل المفيد

[rashidhoa]

اخي العزيز كتبتها على عجل اتمنى ان تكون معبره.الصوره تحفز فعلا على الكتابه الله يرحم من ضمه هذا القبر ويغفر له.

تخيرت اجي واشم قبرك واحضنه حيل=لانه حضن حضني وعمري وميلادي
امرّغ عيوني فيه وانثر عليه النيل=محاجر عيوني نهر دجله الى انقادي
الاطفال تلقى من تحضنه مع التدليل=وانا فارقتني ضحكة ارضاي واسعادي
شربت الفراق بسن يصعب عليها الويل=شربته بكاسٍ بعثرت قلبي الهادي
اشوف النهار اطول وكنه طريق الليل=حياتي غريبه واكثر اوقاتي سهادي
وبعض الليال اصحى وانا اجر صوتي حيل= اخنق الظلام بإ اسمك العذب وانادي
انا والحزن والليل والثالث المنديل= صداقه عقدها هم فرقاك واجهادي
مهي شنطتي اللي فوق ظَهْري تهد الحيل=بقايا حزن جافا نعاسي عن ارقادي
اعد النجوم ولا تهاوت حضنت سهيل= اعلّق عيوني ف آخر اشعاعه البادي
سقى الله ثغرك كان يسقيني التدليل=سقاه الغمام اسقاني الحب بمهادي

[خالد البغيلي]

:p شكراً لك اخي الكريم

[عايض بن صالح]

وهذي مشاركه متواضعه وعلى عجل في الصوره

طرحتلك موضوع ماهو اي موضوع = صورة تهز قلوب من شاهدوها
تبكي عليها جموع وتحنها جموع = كم ليلتن من شافها مرقدوها
الي مدنقتن على الكف والكوع = من شافها عن وضعها من شدوها
يدريبها ماتشتكي من ضما وجوع = تبكي من الفرقا على قبر ابوها
تجهش عليه من البكا عيونها دموع = ياليتهم من نومها مقعدوها
وياليتها ماعندها عيون وسموع = وبالكامرة فالمقبره مرصدوها
دنيا غرابيل ومعانات ووجوع = تكفون يهل المنتدا ساعدوها

[عايض بن صالح]

الرجا من الاخوة تنسيق القصيدة

ولكم جزيل الشكر والاحترام

تحياتي

[ابوبيادر]

عز الله انك ما قصرت يابو صــــــــــــــــالح

عسى الله يكون في عونك!!!!!!!!!!!!!!!!!!

[ابوعالي الرشيدي]

يعطيك العافيه

ونتظر مشاركتي

[ابوعالي الرشيدي]

اخوي ابو صالح الشويلعي

هذا تنسيق القصيده

طرحتلك موضوع ماهو اي موضوع= صورة تهز قلوب من شاهدوها
تبكي عليها جموع وتحنها جموع= كم ليلتن من شافها مرقدوها
الي مدنقتن على الكف والكوع= من شافها عن وضعها من شدوها
يدريبها ماتشتكي من ضما وجوع= تبكي من الفرقا على قبر ابوها
تجهش عليه من البكا عيونها دموع= ياليتهم من نومها مقعدوها
وياليتها ماعندها عيون وسموع= وبالكامرة فالمقبره مرصدوها
دنيا غرابيل ومعانات ووجوع= تكفون يهل المنتدا ساعدوها