[النمر1012]

الي الجوري
ليتني طير بسما فكرك واطير
واسبق اصوات الكناري واسمعك
ما أراقب خطوتك لكن أغير
ومن عيون الناس مااقدر أمنعك
أسمع إني في طرف عينك أسير
أسعد اللحظات دام إني معك
كل ما طلّ القمر عقب الأخير
مااذكر الا يا حبيبي مطلعك
كنك البدر الإلهيّ المنير
ليتني لو دمعةٍ من مدمعك
من كثر شوقي لشوفك يالغرير
أنوي المسفار لاجل آودعك
يا سحاب الشوق والمزن المطير
ما ألوم اللي لزينك دلعك
أنت مزيونٍ وبهجة للنظير
من جديلك يا حبيبي لاصبعك
ليتني ظلّ وظلالٍ لك أصير
وين ما تنوي وتمشي .. أتبعك

[عنقود البدو]

اون وكل يحسب اني اغني
عليل وكل يحسب اني مداااااوي

[.فيصل الذيابي.]

الضيقه الي دائماُ تالي عصير @@ وش حيلتي اردها لاتجيني

[سعد القلادي]

غصـؤن البرآك موضوع رائع من عضو اروع
بالنسبـــه الابيات اللي احب اردة كل ماضقت


صـــغري وانا اسمـــــــع يقولون الزمــــــان يدور

يعنـــي اذا بـــيــوم يضــحك لي بيجي باكر ويبكيني

وكلن شايل همـــــــه احد ضــــــايق واحــــد مقهوور

وانا بـــــــس اواسيــــهم ومـــــابــــه من يواسيــــني

وانـــــــا مــاودي اتكلم وابوح واكشــــف المستـــور

ولكن يالغــــــــلا صــدك على هالــــبوح يجــبرنـــي
انا للحـــــزن قصــــــة ولــــه في داخـــــلي دستـــور

اجــــــــامل وابتسم للناس ودمعي ســــاكن بعـيـــني

[برق الوسم]

يقولـون لاضاقـت علـيـك الوسيـعـه غــن

وانا اقول شوف مقرد الخلق وش قالت؟

[الرئيس]

خلوني اسج عن موضوعه احسن لي ... والا الغلا والله ليبطي وهو غالي

[النمر1012]

الطيّب ان جانا نشيله على الراس
ولاّ الردي لاشك محدٍ يدانيه
هذي سوات الناس مع كل الأجناس
وكلٍ يميّز يا جماعة مواليه
يا ويلي ان خاويتلي بعض الأدناس
والناس تجمع بالردي من يخاويه
لا صرت مع حرٍ من الناس قرناس
دربك خضر لو كل عمرك تماشيه
ولا الردي ينكرك لا طاح لك باس
لو هو قريبٍ لك من الناس وتغليه
ينكر فعولٍ لك قديمات من ساس
ما قدّر المعروف ولا فعل راعيه
ولا بعد يمكن يجي لابس الطاس
حاربك يومك سافهه ما تراعيه
يا راعي الدرب العوج شفت الأتعاس
درب السعد يا ميّت القلب مغديه
شفلك خويٍ تتبعه من حدا الناس
رجلٍ إلى شاف الضرر قال ما بيه
واحذر خويٍ يتبع الهرج حساس
مثل "المخفة" كل هرجه توديه
يا رب زيّن صورتي من وخا الراس
لين القدم يا رب والعيب تخفيه
أعوذ بك يا رب من كل وسواس
خناس يوسوس في صدور المداريه
نمّامةٍ في كل وقتٍ ومجلاس
ما حسبوا للعمر وآخر تواليه

[برق الوسم]

لا ضاق صدري قلت ماطولك يالليل
الله يعين اللي شكى من حبيبه