[سالم الرشيدي]

السلااام عليــكم ورحمـة الله وبركــاته

أســعد الله جمــيع أوقااتـكم بالخـير والمـسررة

هــذي قصـيدة شفتـها ونـقلتها لـكم

قصيـدة تحـكي عـن أحـوال الشباب وعـن غلاء المـهوور


انا العزوبي واتقطع تقطاع = على زواج البنت تدمع عيوني

انا العزوبي وين مارحت مرتاع = زين العذارء يالعرب جننوني

اشوفهم في كل روحه ومرجاع = من حيث ماوليت هم عذبوني

فالبيت فالتلفاز والصوت مذياع = حتى العمل ياناس مافارقوني

وليا نويت السوق ناوي تبضاع = اروح وارجع منخطف حيل لوني

ارجع وقلبي حايسٍ بين الاضلاع = من زود دقاته تخلع امتوني

اللـي تغنـج فالمشـي بالـتـدلاع = واللي تناظرني بطرفن فتوني

وام العيون السود والرمـش قطـاع = وام الجدايل والكحل بالجفونـي

وام النقاب اللـي تمصـعك تمصـاع = قدام عيني والبشـر يشهدونـي

كنهـا تمتـع فـي عذابـي تمتـاع = وانا العزوبي كان ربي ف عوني

واهل الجـنوز الضيقه واهل الاوساع = مدري وش اللي حدهم يلبسوني

منهـم تجرعـت المـراره تجـراع = في كل يوم يزيد همي وحزوني

لو نطلع المريخ في لحظـه وسـاع = نلقى العوايـل قبلنـا يطلعونـي

من بعد طرح وجمع وهمـوم وصـراع = قررت انا اخطب بنت وانهي ظنوني

وفي ليلة الفرحه تقـول انـي مرتـاع = ومن زود مافينـي تراقـل سنونـي

ابوهـا قـال اليـوم مانـي بطـمـاع = عندي شروطن للمهر واعذرونـي

يقوم يوحـي لـي ويشـر بالاصبـاع = يبغي المهـر ميتيـن او يكثرونـي

يقول يبغى العرس في قصور واقـلاع = ونبغى ذهب لام العروس المزونـي

ونبغى الحلا والكيك من كـل الانـواع = تـبـون والا ياعـسـا ماتبـونـي

ناس ٍ تحسب البنت شروه ومبياع = تبي المكاسب لو زادت ديوني

ماهمهم لو زاد همي والاوجـاع = ماهمهم ياكود ملي البطونـي

يامؤمنـن بالله ساجـد وركــاع = بنتك امانه حاذر انك تخونـي

لا تعنس ابنيتك في سّبت اشبـاع = نفسك وجمع افلوس ماينفعوني

بكره ليا جتك المنيـه والاوجـاع = تندم ولا ينفعك دمع العيونـي

الخيمه اللي بدون عمدان وشراع = يمكن تطيرها الهبايب بهوني

انا العزوبـي واتسكـع تسكـاع = تكفون بالله يالعرب زوجوني



نــقلت لـكم

لـكم تحــيتي

سـالـم الرشيدي

الموضوع الأصلي: انا العزوبـي واتسكـع تسكـاع *&&* تكفون بالله يالعرب زوجوني | | الكاتب: سالم الرشيدي | | المصدر: شبكة بني عبس

[نــوآف الــعــويــمــري]

الله يكون في عون العزوبي
هذا قلبه اخضر

الله يعطيك العافيه


تحياتي

[عبداللطيف الرشيدي]

الله يعطيك العافيه
تحياتي وتقديري لك

[جرح الـ غ ـرام]

رووووعه ×رووووعه
اخوى قصيده جنآآآآآآآآآآآآآن
اعجبتنى حييييييييييييل وضحكتنى حييييييييييل
الله يعين العزاب والله لو هذا حالهم
يحزنوووووووووون والله
تحياتى ,,
جرح الـ غ ـرااام

[ولد حايل]

صح لسااانك اخوووي سالم العزووووبي ههههههههههههه

لو نطلع المريخ في لحظـه وسـاع = نلقى العوايـل قبلنـا يطلعونـي


البيت هذا مكسوووور >>>مسوي فيها الدكتووور غسااان

البيت روووعه

يسلمووووا سااالم ع هيك قصيده

[الـشـقـاوي]

من جد صح لسانك


ربي يعطيك الف عافيه


تقبل مروري


اخوك خلودي

[العالمي]

صح لسان الشاعر

[خاتم الرشيدي]

صح السانه وصدق

واشكركعلى انقل

وتحيااااااااااااااتي