[ناصر فلاح العجرمي]

السلام عليكم

هذي قصيده تعبر عن مدى خيانة الزمن هذا

وقد عبر بها شاعرنا من كل قلبه

وهي ابيات جميله للشاعر المبدع ثامر بن شبيب الدقباسي:



مــاودي اقلبـهـا عـلـى راســك الـحـيـن
ولاودي اسكت عنك واجرح ضميري


جـونـي وقـالـوا عـنــك نـــاسٍ كثـيـريـن
كــلام يكـبـر عـنـه حـتـي الصـغـيـري


قـالـوا نسـتـك وقـلـت والله لتمـوتـيـن
وللـحـيـن بـاقــي لـــي بقـلـبـك كـثـيــري


ابـسـألـك وشـلــون يـعـنـي بتـنـسـيـن
ولحمـة كتافـك كابـره بفضـل خـيـري


قالـوا تبيهـا وقلـت يمكـن مـن سنيـن
يومـه مصـيـرك مرتـبـط مــع مصـيـري


انـتـي مـثـل طـيـرٍ كسـيـر الجنـاحـيـن
جـبـرت كـسـره عـقـب مـاهـو كسـيـري


ياكـل مـن يدينـي ســوات المساكـيـن
وصـد وتنكـر يـومـه اصـبـح يطـيـري


قـالـوا تخـونـك قـلـت طـبـع الـرديـيـن
طـبـع الخيـانـه مــن الـردايــا يـصـيـري


كــل يــوم وانـتـى ألــف مــره تخـونـيـن
مـاهــي غـريـبـه خـيـانـتـك للـعـشـيـري


ادري مـــع غـيــري تخونـيـنـي الـحـيـن
وادري بـعـد سـاعـه تخـونـيـن غـيــري

الموضوع الأصلي: الخيانه للمبدع ^$ثامر شبيب الدقباسي$^ | | الكاتب: ناصر فلاح العجرمي | | المصدر: شبكة بني عبس

[البعيد الهادي]

انـتـي مـثـل طـيـرٍ كسـيـر الجنـاحـيـن
جـبـرت كـسـره عـقـب مـاهـو كسـيـري

صح اللسان الشاعر
ثامر شبيب
قصيده جزله ومن شاعرجزل
وبيض الله وجهك ياناصر فلاح
على النقل
تحيييييييياتي

[ناصر فلاح العجرمي]

البعيد الهادي أسعدني مرورك العطر لصفحتي.

[عايض بن صالح]

لاهنت ياناصر وصح السان شاعرها

[ناصر فلاح العجرمي]

ابو صالح أسعدني مرورك اللي نور صفحتي.

[منصور غنيمان]

صح لسان الشاعر المبدع ابو شبيب وانا يعلم الله اني من المحبين للجديد هذا الشاعر

[مرزوق العجوني]

صح لسان ثامر شبيب ولا هنت على النقل اخوي

[فتل و نقض]

هنا التعبير الصاااادق الناااابع من القلب المجرووووح الى قلوب المجاااااريح ..... شكراً ناصر للنقل ,,, وشكراً ثــامر للإبــدااااااع