[رائد الذيابي]

للصمت في بعض المواضيع حكمه=وما للحكي في بعض الاحيان داعي
كم عالم(ن) عيا يكفيه علمه = وكم جاهل(ن) قلبه مع الوقت واعي
بعض الكلام يصير للقلب لطمه = وبعض الكلام يصير للقلب ناعي
وبعض البشر ماينعرف كيف سلمه = متلخبط(ن) ماينعرف له طباعي
هذا الزمن يياناس ياصعب فهمه = عجزت لا القاله مع الناس ساعي
درب(ن) طويل وليل يزداد عتمه = زادن به الخطوات كثر المساعي
لابد ماينقص من الحمل حزمه = ولا بد ماينشد عن العلم رااعي
ومن لا عرف للوقت يزداد شتمه= وزادو عليه الناس مكر وخداعي
كل(ن) يحاول به وكل(ن) يعزمه= لين انه يطيح ابها بليا دواعي
وليا وقع ياهيه مافيه رحمه = يجكم عليه الوقت حكم الضيااعي
[ومن يعرف حساب الزمن شد عزمه = لو جاه من درى زمانه وجاعي
يحسب لدنياه القشيره بهمه =يحسب لها من قبل شين المذاعي
ومن قبل لا يزداد بالوقت همه=ويلقى بها من كثر همه مراعي
وياكثر ناس(ن) فيهم النفس زمــه =ماتعجبه لو كان منه السماعي
متعلي(ن) فوق البشر فيه قمه = يحسب الدنيا بكثر المباعي
ويحسب الدنيا بمال(ن) يلمه = ويحسب الدنيا بجمع المتاعي
مايدري ان الموت يلقاه خمه = في وسط قبره كنه تراب قاعي
ومسكين من يمشي بدرب المذمه=يبقى وسط ربعه قليل المطاعي
يذوق من وقته هموم المسمه= ويشوف بأنه عن هوى الناس ضااعي
ويعيش في حلمه ويغشااه حلمه = وهقوته بأن الناس بالحلم تاعي
والناس ماتعلم ولا الناس يمه= والناس ماتدري عنه لو يجاعي
والناس ماتنفعه لو ضااع دمه = مافكروا به لو يزيد اندفاعي
كلن يعيش بدنيته لو يضمه = هم الزمان ولو يصيبه رواعي
والحر مايفتح للايام فمه = ولا عاد ينفع غير علم الشجاعي
وللصمت في بعض المواضيع حكمه = وبعض الحكي مافيه ياناس دااعي

الشاعر
صالح بن سعود الفريدسي الرشيدي

الموضوع الأصلي: للــصــمــت في بــعــض الــمـواضـيع حــكــمه | | الكاتب: رائد الذيابي | | المصدر: شبكة بني عبس

[العريض]

الله الله عليك فلسفة ذهن

صح لسانك والسان الشاعر

تقبل مروري لاهنت

[حــزام]

بيض الله وجهك اخوي فلسفة ذهن
واسمحلي بالتعديل وذكر اسم الشاعر
وهو الشاعر صالح سعود الرشيدي
قصيدة جزله ومتثبته نفسها
صح لسان شاعرها
ولاخلا ولاعدم

[كهل الصباء]

أحسنت ذيب الحجاز...قصيدة عرف بها الشاعر صالح سعود....شكراً لك ولفلسة ذهن.

[ادري طيبتي غلطه]

الله يسلمك ومشكووور اخي فلسفة ذهن على نقلك المميز

[رائد الذيابي]

اقتباس من مشاركة حجاج العريض الله الله عليك فلسفة ذهن صح لسانك والسان الشاعر تقبل مروري لاهنت

بيض الله وجهك على المرور


ماهو غريب عليك الطيب

[رائد الذيابي]

اقتباس من مشاركة ذيب الحجاز بيض الله وجهك اخوي فلسفة ذهن واسمحلي بالتعديل وذكر اسم الشاعر وهو الشاعر صالح سعود الرشيدي قصيدة جزله ومتثبته نفسها صح لسان شاعرها ولاخلا ولاعدم

ذيـــــــــــب الــــــحـــــجـــــــــــاز


شكــــــــــــرا لكــ كــــــل الشكر


وحلال عند اهله

[رائد الذيابي]

اقتباس من مشاركة كهل الصباء أحسنت ذيب الحجاز...قصيدة عرف بها الشاعر صالح سعود....شكراً لك ولفلسة ذهن.

كهل الصباء


مررورك اسعدني

وشكراا لك