[كهل الصباء]

السلام عليكم ورحمة الله وبركاته ..

إلى من قادهم الفضول إلى تصفح هذا الموضوع والإطلاع على محتواه؟
أسعد الله مساكم بالخير والمسرات.

إليكم ردي على قصيدة الشاعر الدكتور/شامخ الشامخ...
مسبوقة بقصيدة التي قرأتها من نفس المنظور الذي كتبها فيه...أتمنى لكم التمتع بما تقرأون:



http://www.bani-3abs.net/aa/showthread.php?t=35640

وهنا ما جاء بقصيدة شامخ الشامخ :
بعض القصائد .. لا يثق الشاعر من فهم الاخرين .. اتجاهاتها ..
ولذلك .. يخاف من نشرها !

:

وقف بين الذهول .. وطعنة الخبجر .. يردد ( ليه ! ) = سماه من الغضب .. يخطف هواه .. وعمق نظراته
يخذله .. عن تباشير الصبر .. دمع ٍ سكب راعيه = نزف فيه انكساره.. والبياض.. وبسمة اشفاته
سألني .. وش بقى لك من طموح .. يحق لك تبديه! = ما دام ان الخناجر .. قصة اوصالة مع امواته!
سؤال .. وفي دهاليزه جواب .. وشفره وتنويه = سؤال .. وينثر اوراق الشكوك .. وفيض شرهاته
أجل .. دام السؤال .. انشودة العاجز على قاريه!! = أجل .. كيف الجواب .. يكون اضافة لأنتصاراته
غريبة !! من نقش حرف السؤال .. ولا تمعن فيه = غريبة!! من رضى بَرد السؤال .. ومعه اجاباته!
غريبة!! صارات الدنيا جروح .. وما تبي تمليه = غريبة!! والفكر .. كهل بصباه .. وفضّل انصاته
ترى .. لو ضيقة القيض .. بسرابه واحتضار التيه = ترى .. ما يذود عن صبره .. سوى ريحه ونسماته!
وانا .. بيتٍ سكنته .. واحتضنك .. وجسدّك واليه = ومنك .. آخر حروفي .. والرفيق .. وسر طعناته!
مسافر .. في ربوعك .. ما نبض قلبي .. بلا توجيه!! = مسافر .. يحمل ادروب السفر .. و البُعد ..رحلاته
اسافر .. في فضاك .. استلهم الواقع على وجهيه = و آلاقي .. ما ملك لقمان .. سابح مع مجراته
واذا .. ضاق الخفوق .. بزحمة العالم .. على الترفيه = اسافر .. في فياضك .. عن صرع الجهل .. واصواته!
واسافر .. في محيطك .. وادفن اسراري على شاطيه = وأنقيّ .. من درر عمقه .. حروف الشعر وابياته
واسافر .. في جبالك .. لا انكسر قلبي .. على غاليه = و انا ظر عن كثب .. زرع الاحبة .. وانكساراته
هنا .. سر السكوت .. اللي سكنيّ .. يوم اررد ليه = وانا .. فيني السؤال .. يصيح .. دثرني بأجاباته!!

:

يُقال .. ان الجبال تثير ما بالنفوس .. فقد يكون ما يتبع .. خارج إطار النص ..
:
:

اسافر .. في جبالك .. لا انكسر قلبي .. على غاليه = و اناظر عن كثب .. زرع الاحبة .. وانكساراته
هنا .. زرع ٍ زرعه اللي زرعه .. ولا نوى يسقيه = ومات الزرع .. واحرق داخلي .. رحلة متاهاته
واشوف هناك .. زرعٍ .. يدهش الناظر قبل يغريه = على كشف الغموض .. اللي ورى سوره وغاباته
زرعه اللي عطاه من اهتمامه .. قدر ما يكفيه = وطالت .. من بعد طول انتظار .. اوسع مساحاته
نضج فيه الثمر .. والله كتب .. عقب الفرح ما اجنيه = سطى سيف الفراق .. وغنت الورقى .. نهاياته
بزغ .. نور الفراق .. وحانت اللحظة .. وانا اعزيه = توداعنا .. وكل ٍ ينزف الضيقة .. و زفراته
رحل .. ياطى على درب ٍ كره .. وتكرهه رجليه = رحل مجبر .. وتبكيه الورود .. وحزن شجراته!
رحل .. يحبس دموعه .. والضياع تصوره عينيه = رحل .. ينزف على درب العذاب .. اصدق عباراته
وقف .. بآخر طريق .. ولدّ لي .. نظرة حزن تعنيه = وسالت فوق خده .. دمعة الفرقى .. وعبراته
وقف .. يبكي على حب ٍ من اعماق الوفاء يرويه = نزف .. صرخة عتاب .. لحظة القاسي .. وعثراته
رحل .. يحمل معه .. حجة غياب .. وعذره بيديه = وقفت .. ولا سمعت .. الا الطعون .. ونبرة اهاته
هنا .. سر السكوت .. اللي سكنيّ .. يوم اررد ليه = وانا .. فيني السؤال .. يصيح .. دثرني بأجاباته!!

وهنا ردي على القصيدة ..

عفى الله عن سبات الحاضر وعن صحصحة ماضيه=عفى الله عن خطأ قلبي ونسيانه وسجاته
عفى وقتي على كتابٍ إلى منه طرى راعيه=تراخصت الزمان اللي تغالينا ملذاته
رعاك الله يا خطٍ تمتع به نظر قاريه=وعزاي بمن رحل...تخليد ذكره فوق صفحاته
يا بكاي الحبر؟ سجن الأنامل حاجته:راجيه=لذا؟ سجن المشاعر حرر لذارفك أسيراته
وقف حرفي على منبر شموخ الحرف يا مناديه=وترى اللي ما يثمن منطقه؟ ما يثمن سكاته
فديتك يا شموخ الشامخ...آمر عبدتك لبيه=زهاها قدر عملاقك وصارت حل ستاته
ألومك؟ كيف ألوم اللي شقاته من نعم واليه!=خذت عقل...وعطت حكمة ثمرها:صمت شماته
علامك يا نماء فرز الوغى...راع الضحى لباغيه=تركت الغرس من عقب التعب ليدين بتاته؟
علامك يا ولد ذيب السرايا تشكي من التيه؟=وأنا بمعساس قفرك ما لقيت آثار خطواته
لقيت أرض النعيم اللي ذكرها من ذكر غاليه=عقب مدة فراق...ويأسٍ إستأسر لأمنياته
لقيت أطلال نجاع الهيام ومن سكن واديه=ولقيته صحصحٍ يلقى به الوجه إتجاهاته
علامك يا بعد حي القصيد...ومفخرة هاويه=تنقض للكهل جرح الصباء...وترد ما فاته؟
تسببت بتأهب مستقرٍ قبل ما تدعيه=يجول بعالمٍ راكد...ولا يسترعي إنصاته
على صيحة نذيرك ما توهن...شالته رجليه=وهو وقت الرخى:واهن كبر...ومبيت وصاته
نهض لك في نشاط إصباه...هاك العمر من داريه=رهن عمره لإشارة يدك من كبر وسمو ذاته
تربع لعن أبو حي القصيد...وهاجسٍ يمليه=تربع في روابع فكري...وخذ نقوة أبياته
أنا لماح تلويحة نذير القوم...قبل أجيه!=أنا نطاح طلقين اللحى...يا مجندل عداته
أنا من يارد العد الرهية في بياض وجيه!=أنا من يبهج المستبشر ببرهان هقواته
يا شامخ...من رجاء المجهول؟ يخشى عاقبة تاليه=وأنا لساني نوى القول الصريح...وفضل إكباته
يا شامخ...ودي أوضح...ولكن يكفي التنوية=لعل المانشيت يقوم بالواجب...على شاته

عنفوان/كهل الصباء

الموضوع الأصلي: تحدي الدكتور شامخ الشامخ...وعنفوان كهل الصباء! | | الكاتب: كهل الصباء | | المصدر: شبكة بني عبس

[حــزام]

كهل الصبا
الله يبيض وجهك انت وشامخ
ورب البيت اني قعدت اقراء الابيات بصوت عالي ودخلت فيها جو
جوهرتين مابها كلااااااااام
صح لسانك ولسان الشاعر شامخ الشامخ
قصيد كايف
احيان القصيد اليا طال يسمج
لكن هالقصيدتين تمنيت انهن اطول اي والله
لاخلا ولاعدم

[بندر الذيابي]

الله واكبر صح الله لسانك مشرفنا القدير


وصح الله لسان شاعرنا الرائع شامخ الشامخ


دائماً يكون للقصيد باب نجاه لا يدخله إلا المبدعين


وانتم بتلك الدرر إقتحمتم أبواب الإبداع وأخرجت لنا


درر تستحق التمعن رغم عجزنا عن إصابة الهدف إلا أن


عزاءنا بالإستمتاع بها.

[مسندالعويمري]

عمالقة الشعر صح الله لسانكم

يبدعون بكل ماتعنيه الكلمة ولا يجيد هذا الحضور الشعري إلا الكبار كبار الشعراء

إنني أشد المعجبين بحضوركم وشعركم للأمام وبتوفيق من الله

[الضرغام اليافع]

أنـا لمـاح تلويحـة نذيـر القوم...قبـل أجيـه!
أنـا نطـاح طلقيـن اللحى...يـا مجنـدل عداتـه
أنا من يارد العـد الرهيـة فـي بيـاض وجيـه!
أنـا مـن يبهـج المستبشـر ببرهـان هقـواتـه
يا شامخ...من رجاء المجهول؟ يخشى عاقبة تاليـه
وأنا لساني نوى القول الصريح...وفضـل إكباتـه
يا شامخ...ودي أوضح...ولكـن يكفـي التنويـة
لعـل المانشيـت يقـوم بالواجب...علـى شاتـه

ونعم ونعم مليون نعم فيك ياكهل الصباء

شاعر قادر على صنع المستحيل
والحر تكفيه الأشاره
وليّ عودة اخرى على تلك الدرر

[شامخ الشامخ]

كهل الصباء ..


بـ أختصار :

لـ كل عقل ٍ تفكير .. ولـ كل تفكير ٍ .. حدوده !!
أرى هنا .. تفكير يتجاوز اللا محدود !!



:)

[مهل الرويضي]

علامك يا ولد ذيب السرايـا تشكـي مـن التيـه؟
وأنا بمعساس قفـرك مـا لقيـت آثـار خطواتـه



كبير والكبير الله سبحانه


تقديري لكم

[مرزوق العجوني]

صحت اللسنتكم ولا هنتوا يالاساتذه غلى الابداع تقبلوا تقديري واحترامي