[الجارح]

السلام عليكم ورحمة الله وبركاته

أيها الاخوه الأعــزاء صباحكـــم ومسائــكم معطـر بكـل الخيــرات ......

لقد بحثنا عن اخر أبداعات هذا الشاعر العملاق الذي يمتلك الجزاله والقوه والمعني الحقيقي في الشعر ...


فجمهوره المتعطش دائماً لجديده داخل وخارج القبيله...يبحثون دائماً عن حروف وابداعات هذا البحر الميت الذي لم يكتب قصائده لكي ينشرها بالصحف والمجلات


والبحث عن الشهره وأنما يكتب هذا الشاعر من احساس وهاجس شعري..فهناك من يقوم بسرق قصائده هذا الشاعر وينسبها للشاعر اخر مثل


سر ياقلم مالي عن الصبر طاقه // صبر تعدي الحد ماعاد ينطاق


فهذه القصيده قد نسبها احد الاشخاص للشاعر الكبير بندر بن سرور رحمه الله وهي للشاعر عبدالله باتل والشاعر بندر غني عنها فهو شاعر عملاق رحمه الله


والشاعر عبدالله باتل والشاعر بندر سرور اسلوبهما متقارب من بعض في الشعر...







ونترككم مع أخر حرورف الأبداع لهذا البحر الميت علي أمل أن تنـــال إعجـــابكــم.........

صدق وقال القول والقول ذمه=الكذب عيب ولا كسب خير راعيه
وأقلبي اللي كل همً يخمه= اللي يخمه خم واللي يناديه
واللي يحدره تحت واللي يزمه= واللي يصوت له علي وادي التيه
واللي يصفق له علي راس قمه=واللي يسوي له حواجز تمويه
يسبح لحاله بالبحور المطمه=وتعبت يديه من السباحه ورجليه
وشمل تشتت منهو اللي يلمه=وحبيب أبعد منهو اللي يدنيه
وين الحبيب اللي بصدرك تضمه= او وين الصدق او وين تبغا تلاقيه
ومن لايشم الورد خشمه يصمه=يصم خشمه صم ويسكر أذنيه
وجهً يعد من الوجيه المرمه= وأهل الوجيه البارده مالها وجيه
ويطلع صديقك في نهار الملمه= وإن ماطلعلك مابقي شي ترجيه
ومن يقترب من شر يمكن يعمه= لو إن هذا الشر ماله دخل فيه
الداب فارق رمثــته قبل سمه= فرقاه خير من تحذر حواليه
وأن صادفك من حط راسه بكمه= لاتناقشه في شي والا تناحيه
ولافيه للقمام غير المقمه= ولافيه للمجنون ياغير أهاليه
ومن لايروم العـز وإالا يشمه=خله يولي لـعنبـو من يماشيه
ولاخير في رجال مايفور دمه=ولاخير باللي مايقدر بناخيه
ولاخير باللي كل شي يهمه= ولاخيربالرجال لابان خافيه
ولاخير باللي مايوايق علي امه= وإيعرف ماتبغاه قدام يشــريه
ورجلً بليا إيمان مافيه ذمه=ولاهو بـويا الربح رجلً يخاويه
ومن فيه حسد بذمتي فيه نمه= ومن فيه نمه يقطع الله طاريه
ولاتمدح الرجال ثم ً تذمه=إن ماحصلك مطلبك قمت تشنيــه
رح للذي يرتح لارحت يمه=ومن لايبـيلك يوم تزعل منه ليـه
وعسي الردي مايفرج الله همه=وعسي مريض القلب مالله يشفيه
وأم الليـالي ليلةً مدلهمه=وأم الخبائث خمر يختل حاسيه
وحـلو الحـرام يصير بعـدين غمه= ولاربح بياعه ولاربح شاريه
وحرف بلا فتحه ولافيه ضمه= يغلط بنطقه بعض الاحيان قاريه
وتبي الحديد يذوب بالنار حمه=وتبي الكلام يزين عمق معانيه
وأنا أشــهد إن الوقت هذا مطمه= ليا فكر الرجال باللي حواليه
والفضل لله والله اللي يتمه=والله عظيم وكل شيً يسويه

تقبــــلواا اجمل وأعطـــــر التحايــا

اخـــــــــــــــــــــــوكم

الجــــارح

الموضوع الأصلي: أم الياللي .... وأم الخبائث..... جديد .....( عبدالله الباتل ) | | الكاتب: الجارح | | المصدر: شبكة بني عبس

[مسندالعويمري]

صح السان البحر الميت

ومشكور على النقل

[عيسي الرشيدي]

اخى الجارح احسنت الاختيار

[ابو بيان]

صح السان الشاعر الكبير عبد الله بن باتل واشكر ك على النقل وقصيده اكثر من رائعه ومليه بالحكم ولاتحرمنا من جديد الشاعر البحر الميت وتقبل تحياتي وفقك الله

[خلف العايضي]

شكرا على نقله هذه القصيده الرااااائعه للبحر الميت

ولاخير باللي مايوايق علي امـه

وإيعرف ماتبغـاه قـدام يشريـه

ورجلً بليا إيمـان مافيـه ذمـه

ولاهو بويا الربح رجلً يخاويـه

[دايم العز]

صح لسانك ولسان الشاعر عبدالله باتل

تحياتي وتقديري لك

[بدر نوران]

:
:

ولاخير باللي مايوايق علي امـه
وإيعرف ماتبغـاه قـدام يشريـه
ورجلً بليا إيمـان مافيـه ذمـه
ولاهو بويا الربح رجـلً يخاويـه




اشهدانه مبدع


مشكوور اخووي على النقل

[الجارح]

اقتباس من مشاركة مسندالعويمري صح السان البحر الميت ومشكور على النقل

مسند العويمري

لاهنت علي هذا المرور اكريم .....