[عيد بن عبيد]

يسعدني ان انقل لكم هذه الردية ارسل الشيخ رشيد بن جمعان قصيدة للشيخ سماح بن غنيمان

والقصيدة تفسر ما تتضمنه ... امل ان يكون نقلي موفق لذائقتكم.



الشاعر الشيخ رشيد بن جمعان

قم يا نديبي جعل بلأمر خيره=وصل سلامي لبو محمد وفارس
بين له اللي خافيٍ بالسريره=لانه بخيص وبالتجارب ممارس
أنا بلايه يوم تطر المديره=تحت ادارتها ثلاث المدارس
أبوه والله من شيوخ العشيره=من محكمين الدرج يوم المتارس
وجدانها مروية السيوف الشطيره=معدود واحدهم عن الفين فارس
ليا صار ياجاري مديره وأميره=والباب عنه دايم الدوم حارس
لاهي طويل ولاغليظ قصيره=الله عطاها عيون سود خوارس
أن وافقت ماهي علينا عسيره=جاك الخبر منا قبل شهر مارس

الشاعر الشيخ سماح بن غنيمان

ياعمر شب النار والهب سعيره=وهات الدلال وهات نجري ومحماس
صلح الفنجال بفكري واديره=واليا استوت ياعمر دنيت قرطاس
جاني جوابٍ من قصير لقصيره=اقراه واحطه على العين والراس
جابه وليد الله يسهل مسيره=منحره سماح من بدت الناس
جاري مدير وباغي اله مديره=اصحاب علم مربيت كل الاجناس
نمسي بديره ثم نصبح بديره=ادور اللي كنها عين قرناس
ابا اتمشى فديار صقر الجزيره=والله لفادي دونها واشرب الكاس
وانكانها بالمال لبو ناصر لجيره=واسحب لها المبلغ من البنك بكياس
وان طعتني يارشيد تكفي منيره=تكفيك عن لباسة العقد والماس

نقل من الشعراء بواسطة عيد بن عبيد
مع التحيه

الموضوع الأصلي: ردية رشيد بن جمعان وسماح بن غنيمان | | الكاتب: عيد بن عبيد | | المصدر: شبكة بني عبس

[كهل الصباء]

أخوي عيد بن عبيد؟
حياك الله.

شكراً على هذا النقل المميز...والشبه نادر في منتدانا...وصح لسان الشاعرين...لكن يبدو إن القصائد تعرضت لخلل ما أثناء النقل...إما سوء حفظ أو أخطأ مطبعية...وسوف أقوم بتحديدها لتتمكن من مراجعتها وتعديلها...تحياتي.

[مرزوق العجوني]

صحت اللسنتهم ولا هانوا ولا هنت ياعيد وتقبل مروري

[العمدا]

صح لسانهم ولسانك يا عيد

والله يعطيك العافيه والصحه على النقل الرائع

[نوكيا]

بيض الله وجهك يابو عبيد
وهذا ماهو غريب عليك

[كهل الصباء]

اقتباس من مشاركة كهل الصباء أخوي عيد بن عبيد؟ حياك الله. شكراً على هذا النقل المميز...والشبه نادر في منتدانا...وصح لسان الشاعرين...لكن يبدو إن القصائد تعرضت لخلل ما أثناء النقل...إما سوء حفظ أو أخطأ مطبعية...وسوف أقوم بتحديدها لتتمكن من مراجعتها وتعديلها...تحياتي.

أخوي عيد بن عبيد؟
قد أكون حملتك لعبء أخطأ غيرك...أو ربما هذا ما فمهت...لكنني سأبقي المشاركة مثل ما هي...بدون تعليق...لا أقول إلا كثر الله من أمثالك.

تحياتي

[ابن سعيد]

صح لسان الشيخ رشيد

والشيخ سماح

وما هي غريبة عليهم

الرديات

وبيض الله وجهك يا أبو عبيد

على هالنقل الجميل