[هداج]

هداج ليل ً سرى في ليلة ً غدرا
................... أعمى له الليل حتى شوفة كفوفه

تلمع عيونه وغطت سنحة ً سمرا
............... وجه ً تعود جفاف الوقت وصروفه

على ذلول ً تسمى الناشز القشرا
............... ما أحد ً شعفها ولكن جات مشعوفه

أتلى عهدها ثلاث سنين بالمسرى
................. وأتلى عهدها مع الرعيان مردوفه

العام حنت على بوً بذا الغبرا
................... مقطوعة الكبد والأضمار مليوفه

لو نجمة سهيل خاوت نجمة الشعرا
................... ثم حولن له لقن منزال في جوفه

لو ضيع النجم دربه قال أنا أدرى
.............. من وقعة الخف كل الأرض معروفة

إن هاضه الشوق حركها على المجرا
.............. وإن هاضه الشعر غنى منه معزوفة

خاواه ذيب ً مغير عيونه الصفرا
................. في ليل ً أظلم وزاده دق سرجوفه

فالبال قمرا ولا ذا الليل به قمرا
................. وزهر الأماني ببرد الليل مقطوفة

يشحذ عزومه وينخى الهبة الأخرى
..................... ويدفع ذلوله تهولك هزة كتوفه

كنه نواها ولو هي موتة ً حمرا
............... يومه ذكرها غرس سكين في خوفه

خلا مداها حبيبة قلبه الشقرا
................ وقف نظرها على شقراه في شوفه

يا خيـّل البلّ- فيها جادل تبرا
.............. لألف ً من الذود وألف ً عدة سيوفه

إن ماشت الريم ما تجفل له العطرا
......... وإن جاء خشيف ً تقوده يا أزين خشوفه

وإن نادت الذود خلى الروضة الخضرا
.......... وإن نادت الروض جاها بشوق مزفوفة

لا نيب أنا أكتب ولا تكتب ولا نقرا
............... هو عشق فطرة نعلم غيرنا حروفه

ذهب / فهد بن محمد

الموضوع الأصلي: هــ _ _ _ _ _ _ ـــــد ا جـــــــــــ | | الكاتب: هداج | | المصدر: شبكة بني عبس

[عبدالعزيزعلي]

:
:
والله ذهـــــــــــــــــب ياهداج
صح اللسان الشاعر /فهدمحمد
وشكراً لك اخوي على النقل
:
تقديري لك
اخوك
عبدالعزيز
:
:
:

[عمران]

على ذلول ً تسمى الناشز القشرا
............... ما أحد ً شعفها ولكن جات مشعوفه



صح السانك يالشاعر هداج

[هداج]

اقتباس من مشاركة ابو جلوي :

اقتباس من مشاركة ابو جلوي : والله ذهـــــــــــــــــب ياهداج صح اللسان الشاعر /فهدمحمد وشكراً لك اخوي على النقل : تقديري لك اخوك عبدالعزيز : : :

اشكرك على المرور



ولاهنت

[هداج]

اقتباس من مشاركة عمران على ذلول ً تسمى الناشز القشرا

اقتباس من مشاركة عمران ............... ما أحد ً شعفها ولكن جات مشعوفه صح السانك يالشاعر هداج

صح لسان شاعرها


ولاهنت على المرور

[عبس404]

قصيده رائعه وصح لسان شاعرها مشكور على نقلها

[حــزام]

بيض الله وجهك اخوي هداج
والقصيدة جزله وتفرررض نفسها
وانا اعجبتني
صح لسان شاعرها
ولاخلا ولاعدم

[رائد الذيابي]

صح لسان الشاعر


وتسلم يمينك على النقل


تقبل مروري
وغفير امتناني