[زلزال الرعود]

تحية ٍ عطرة للجميع
هذه القصيدة قلتها حين مريت على العدود التي كنت اقطن عليها انا والعمدة لعلي آجده او آجد من اصحابي ايام الصبا احد ، ولم آجد أحد من اصحابي، ووجدت العدود خالية ، والآثار هيضتني،وإليكم القصيدة:

الدار عقب العمدة اخلا وطاها=ادوج فيها كل ليلي لحالي
ماعندي ألا ناس ماعرف لاغاها=(ماغير الاقصى يدرق بالموالي)
ماكن ابو تركي برجله مشاها=(يقطعك دنيا مالها اول وتالي)
وردت بير(ن) ماتحليت ماها=وأنا خبر ماها قراح(ن) زلالي
لقيتها قاع(ن) ماطقطق سماها=مقطان بدو(ن).. من هم العد خالي
وردت بير(ن)بيح الله خفاها=ماشفت لاهالي ولاشفت والي
وانكفت عايف رجلي اسحب اخطاها=ماغير احسّب وش بقى وش غدالي
وش غير احوال العرب ويش جاها=عقب الطراه وعقب نزل الاهالي
يوم الحياة اللي باهلها تباها=ماضاق فيها طول الايام بالي
واليوم مدري حالنا وش بلاها=غلي الرخيص ..ورخص من كان غالي
لكن على رب الخلايق اجلاها=محيي الهشيم اللي على الارض بالي

زلزال الرعووووووووود
والمعذره على هذه التفحيطة هههههههههههههه

الموضوع الأصلي: زلزال الرعود يوجه قصيدة للعمدة | | الكاتب: زلزال الرعود | | المصدر: شبكة بني عبس

[بركه بن هداج]

صح لسانك

جزل يازلزال

جعل ربي يمد بعمرك وعمر العمده ولا يحرمنا من ابداعكم

صح لسانك

[عنتر زمانه]

الاخ والشاعر زلزال الرعد

الشعر لا يحتاج إلى دليل هو ظاهر لكل متذوق وابو تركي كلنا نستمتع بوجوده
وسجل أعجابي بهذه القصيده وايضآ بشخصك السامي

[المعزب]

صح السانك يازلزال الرعود ولاهنت

من طول الغيبات جاب الغنايم وينك طلبتك امس بعد ماشفت توقيعك هيضني ولا حصلتك

على العموم بنتضار رد العمده

[الاجهر]

صح السانك - بانتظار سعادة العمدة

[ناصر خنيفر]

اقتباس من مشاركة زلزال الرعود تحية ٍ عطرة للجميع هذه القصيدة قلتها حين مريت على العدود التي كنت اقطن عليها انا والعمدة لعلي آجده او آجد من اصحابي ايام الصبا احد ، ولم آجد أحد من اصحابي، ووجدت العدود خالية ، والآثار هيضتني،وإليكم القصيدة: الدار عقب العمدة اخلا وطاها=ادوج فيها كل ليلي لحالي ماعندي ألا ناس ماعرف لاغاها=(ماغير الاقصى يدرق بالموالي) ماكن ابو تركي برجله مشاها=(يقطعك دنيا مالها اول وتالي) وردت بير(ن) ماتحليت ماها=وأنا خبر ماها قراح(ن) زلالي لقيتها قاع(ن) ماطقطق سماها=مقطان بدو(ن).. من هم العد خالي وردت بير(ن)بيح الله خفاها=ماشفت لاهالي ولاشفت والي وانكفت عايف رجلي اسحب اخطاها=ماغير احسّب وش بقى وش غدالي وش غير احوال العرب ويش جاها=عقب الطراه وعقب نزل الاهالي يوم الحياة اللي باهلها تباها=ماضاق فيها طول الايام بالي واليوم مدري حالنا وش بلاها=غلي الرخيص ..ورخص من كان غالي لكن على رب الخلايق اجلاها=محيي الهشيم اللي على الارض بالي زلزال الرعووووووووود والمعذره على هذه التفحيطة هههههههههههههه

هلا زلزال ارعود استلم الرد وسمحلي بالقصور يالصديق القديم صاحب الجبلين اذا ماني غلطان

حي البيوت وحـي منهـو بداهـا=جتنـي بغفلـه بالليـال الخوالـي
اهلا هلا باللـي يشـوق معناهـا=مثل الذهب في عنـق زاه الدلالـي
ماواق راع الحـب عالـي بناهـا=في راس مزموم ٍ عن الارض عالي
وما دورجت رقط القطا مع نماهـا=في وسط روض ٍ والعشب كالزوالي
ومن بعد هذا حي شكـوى شكاهـا=زلزال رعدن مـا جرالـه جرالـي
دوكر بيوتـه ثـم يمـي حداهـا=ودق الخفوق اللي مسكـر ليالـي
وسريت في ليله صديقـي سراهـا=مع مهمهن مدهل لخشف الغزالـي
يـوم السـواد قلبونـا ماغشاهـا=بيـض ٍ نوايانـا ولابـه خمالـي
اخذت مع من كـن منطـق نباهـا=ذوب العسل في كاس مين زلالـي
و ارجع لموضوعك لاعل وعساها=اجـد احلولـك ياكريـم السبالـي
جلست جلستنـا بحـزت ضحاهـا=وقعت افسرهـا علـى ماطرالـي
انكان قصدك دور نـاس الوجهـا=اهل البداه اللـي تـروم المعالـي
هذيك امور احذف وراهـا رشاهـا=اقفـت ولاترسـل بهـذا سوالـي
وانكان تبغا الديـره اللـي نراهـا=اللي عليـه صـار فيهـا جدالـي
ساير ربوعك طيبهـا مـع رداهـا=ماحدن بكامل غيـر راع الكمالـي
كل البشر ماهو سـوى مستواهـا=والحشو ماتنظر خطاها الجمالـي
والدار محميـه مايوصـل حماهـا=لو غبت انا ويـاك فيهـا رجالـي
لو ماتت الشيبـان يبقـا ضناهـا=متنتهـي حتـى تـزول الجبالـي
وسلم رعاك المعتلي فـي سماهـا=الله ولا غيـره عزيـز الجـلالـي

[ناصر خنيفر]

90/00 ان زلزال الرعود معيوف ابن زهيميل ولا ابو صالح او ناصر صويان انا اعرف طرقهم بالقصيد وش تقولون

[المعزب]

يوم السواد قلوبنا ماغشاها........بيض نواياها ولابه خمالي

صح السانك يالعمده على هذا الرد الشافي شاعر بمعنى الكلمه

تحيه