[العريض]

نختار لكم قصيدة لشاعرنا الكبير رشيد بن زيد الزلامي..
والذي تطرق فيها إلى مراحل حياة الإنسان:



قالوا تعلمت.. قلت عناد وفراسه

* أجاهد النفس والدنيا واصارعها

ودرست في مدرسة من شيبت راسه

* دنيا العنا اللي قصيفاتٍ مطامعها

تلميذها دايم تكتب بقرطاسه

* تعطيه جملة دروسٍ ما يضيعها

والله عطانا نظر وشعور حساسه

* ناخذ علوم المعرفه من مراجعها

ونساير الوقت ونقيسه بمقياسه

* ونواجه النفس بالواقع ونقنعها

وترى حياة الفتى مهما قوى باسه

* محفوفةٍ بالخطر والموت تابعها

من مبتدأ العمر حتى يلفظ انفاسه

* يمر في مرحله تكثر زوابعها

أول حياة الفتى مشوار وعساسه

* مسافةٍ في عجاج العمر يقطعها

وثاني حياة الفتى يرجع على ساسه

* النقطه اللي بدا منها يراجعها

ياصل لسن الهرم ويضيّع الطاسه

* ويزحف مع الارض ويخطط شوارعها

وليا تلاقت متونه وارتخى راسه

* ضاعت جميع العلوم اللي يجمعها

الموضوع الأصلي: قالوا تعلمت.. قلت عناد وفراسه | | الكاتب: العريض | | المصدر: شبكة بني عبس

[نشمي الرشيدي]

صح لسان الشاعر الكبير رشيد الزلامي
ويعطيك العافيه على النقل وختيار موفق

[البحري]

سلمت يدينك على النفل

[العريض]

اقتباس من مشاركة نشمي الرشيدي صح لسان الشاعر الكبير رشيد الزلامي ويعطيك العافيه على النقل وختيار موفق

لاهنت يانشمي الرشيدي

مرورك يشرفني تحياتي لك

[زهو الايام]

صح السان الشاعر ....

وسلمت يد الناقل....

[العريض]

اقتباس من مشاركة البحري سلمت يدينك على النفل

لاهنت البحري على المرور تحياتي

[العريض]

اقتباس من مشاركة حجاج العريض لاهنت البحري على المرور تحياتي

اخوي راشد رباح
مرورك يشرفني هلابك ياغالي

[العريض]

اقتباس من مشاركة زهو الايام صح السان الشاعر .... وسلمت يد الناقل....

صح كلك زهو الايام
سلم الله غاليك تحياتي