[سلطان الغرام _]

[POEM="font="Tahoma,4,darkblue,bold,italic" bkcolor="white" bkimage="" border="outset,8,deeppink" type=0 line=0 align=center use=ex num="0,black""]

*** نكبة زمـــــن ***

يامرحبا ترحيب وافي ومدبول = ترحيبة وسع الفياض وبحرها

ترحيب لاهل العز والطيب مرسول = اعداد ساعات الزمن وشهرها

واعداد مايعجز لساني عن القول = عن شكر ناس ماوفى لو شكرها

واعداد ماسجيت والبال مشغول = باسباب فرقا اللي حياتي دمرها

واعداد شوقي له من الحول للحول = وانا اتحرى جيته وانتظرها

في شاعرا ساق المعاني على وصول = يشكي من اهوال السنين وكدرها

جاني وقلبي ممتلي هم وغلول = ولم الهموم وفوق همي زبرها

باح بحقيقة صمتها كان مذلول = اعظم جريمة قتل وابشع صورها

وقصة ( بري عاجز ) بالاغلال مكبول = اخفى حقيقتها الزمان وسترها

وسرابي الهاجوس والقاف معسول = وحضرت عفريت القصيد وحشرها

وبديت اسطرها بلا جهد مبذول = نوب اتعاسرها ونوب اعسرها

يامرحبا بك جيت والحبل مفتول = وجيت انقضه واتبع بقايا اثرها

اصبرعليه واستمع كل ماقول = واحفظ وصية شاعر ماذخرها

شاعر يصول بجبهة الشعر ويجول = وليا انكسر وزن القوافي جبرها

خيال كان الشعر له ركوب وخيول = وادمح خطأ ناس وناس احتقرها

يوم ان غيري عاش محفول مكفول = عشت الضروف بخيرها وبقشرها

وما هنت نفسي عند ذولا ولا ذول = وماعاش من هان النفوس وحقرها

صاحبت بالدنيا سرابيت وزحول = وبعض الوجيه بنظرتي ما اعتبرها

ماكل ماتسمع من الناس معقول = وماكل من شاف الحقيقة ذكرها

وما كل زرع لو سقي منه محصول = وماكل شجرة ينجني من ثمرها

كم عاقل عقب العقل عاش مهبول = وياما رجال الوقت جار وسطرها

وكم سطر التاريخ فارس ومخذول = وكم عز نفس وكم نفوس ثبرها

للحكم عقل وللوعي رجال وعقول = وللخيل راكب وللمساري سهرها

للسلم حلف وللقا سيف مسلول = وللخوف ضعف وللمنايا قدرها

ومن ديرة المنفا الى دار ابا الهول = تبرق سماها والرعد مصتقرها

من علم الاطفال بحكاية الغول = واذهل فلذات الكبود وذعرها

ضاعوا رجال العرف في زحمة خبول = وراحوا صناديد الرجال بخبرها

ياخوي انا زندي من الدمع مبلول = ونفسي عن احلامي زماني عسرها

دروبنا ياخوي ماعابها وصول = وعزومنا ظيم الليالي كسرها

والدار غربة والوطن صار معزول = نكبة زمن واللي عمرها دمرها

قبلك صبرت وباب الافراج مقفول = وطالت مشاوير السهر في سهرها

واصبحت في واقع متاهات مذهول = وعجزت اميز شمسها من قمرها

تلعب بي الدنيا على كف مسطول = اغدى الدروب وللمهافي حدرها

مدري صباح احلامنا مات مقتول = ولا انتحر صبح الفرج واختصرها

لكن على الدنيا سلامي وياحول = صكت علينا خدوشها مع قهرها

وماقلت يكفي بس ابعيد واقول = نكبة زمن واللي عمرها دمرها
[/POEM]

الموضوع الأصلي: ***( نكبة زمن )*** | | الكاتب: سلطان الغرام _ | | المصدر: شبكة بني عبس

[بدر نوران]

:
:

سلطان الغرام


لاهنت على هذا النقل المميز

وهذه القصيده للشاعر الرائع والملقب بذيب الشعر

عادل الذيابي


صح الله لسانه ولاهان بيانه


تحيتي لك اخووي سلطان



اخوك


:
:

[سلطان الغرام _]

اقتباس من مشاركة بدر نوران : : سلطان الغرام لاهنت على هذا النقل المميز وهذه القصيده للشاعر الرائع والملقب بذيب الشعر عادل الذيابي صح الله لسانه ولاهان بيانه تحيتي لك اخووي سلطان اخوك : :

الله يعافيك اخوي بدر نوران على التصفح الجيد

يكفيني انك متميز على اطلالتك لمجال الشعر واهتمامك الشعري

نعم ذيب الشعر عادل الذيابي شاعر ويستاهل اللقب

تحياتي لك اخوي

[العريض]

[GLOW="CC0000"]سلطان الغرام[/GLOW]_

لله درك

على نقلك الرائع اللذي يدل على ذوقك الرفيع

كل ايات الشكر لك ياغالي

[BLINK]سلطان الغرام[/BLINK] _ [GLINT]ياحبيلك[/GLINT]
صافي الود وعاطر الورد دمت بخير

[عبدالله المهيمزي]

اقتباس من مشاركة بدر نوران : : سلطان الغرام لاهنت على هذا النقل المميز وهذه القصيده للشاعر الرائع والملقب بذيب الشعر عادل الذيابي صح الله لسانه ولاهان بيانه تحيتي لك اخووي سلطان اخوك : :

الله الله

عادل الذيابي تعجز الكلمات عن وصفه

صح لسسان ذيب الشعر

كم حنا متعطيش روائع هذا المبدع

[سلطان الغرام _]

اقتباس من مشاركة حجاج العريض [glow="CC0000"]سلطان الغرام[/glow]_ لله درك على نقلك الرائع اللذي يدل على ذوقك الرفيع كل ايات الشكر لك ياغالي [blink]سلطان الغرام[/blink] _ [glint]ياحبيلك[/glint] صافي الود وعاطر الورد دمت بخير

شاكرين لك[BLINK] [GLOW="FF0099"]ياحجاج العريض [/GLOW][/BLINK]

نورتنا بوجودك وعطرتنا بكلامك ونتمنى وجودك الدائم ولاتحرمنا استماع قصائدك وقراءة ماهو جديد لك

[BLINK]
[GLOW="FF0099"]
حجاج العريض
[/GLOW]
[/BLINK] نتمنى لك الصحة والعافية

تحياتي لك

[عبدالعزيزعلي]

:
:
صح اللســـــــانك أخوي سلطان الغرام
:
وصح اللسان شاعرها
:
يعطيك العافيه على نقلك الرائع
:
تحياتي
:
:
:

[سلطان الغرام _]

اقتباس من مشاركة ابو جلوي : : صح اللســـــــانك أخوي سلطان الغرام : وصح اللسان شاعرها : يعطيك العافيه على نقلك الرائع : تحياتي : : :

الله يعافيك اخوي[BLINK][GLOW="CC0066"] ابو جلوي [/GLOW][/BLINK]



تحياتي لك