[دنياك أنا]

مساء الخير

\

/

\

/


تصدق وإلا ما تِصَدِّق .. أنا عَاجِزْ عَنْ التفكير

تعَالْ وشُوفْ في عينِيً غِيابكْ وشْ عَمَلْ فينـي

حبيبي ما بُقى عِندي صَبرْ .. يتْحَمَّلْ التأخيـر

رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخيـر

وأنا لا خِير بغيابكْ .. ولا حَاجَـه .. تهنينـي

على طاريكْ كِلْ لحظه .. ولا أحتاج للتذكيـر

حَريصْ القلب ما ينسَى عيونِكْ , لا توصينـي

مَحَدْ يِقْدَر يعَوِّضْنِي لأنِّكْ .. في عيُونـي غيـر

ومَهْمَا شِفتْ أنا الفرحَه .. بدونِكْ ما تسلينـي

وكيف الحَالْ وشلوني .. جَوابٍ ما يَبي تفسير

بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير

أنا ضايع .. ولا أدري مِنْ فراقِكْ .. أنا وينـي

مِثلْ طيرٍ كِسَرْ بُعْدِكْ جَناحَه وما قِدَرتْ اطيـر

أحَاولْ أبْتِسِمْ وأنْسَى ولكنْ وشْ ينسينـي..؟!

أشُوفِكْ في صباحي إنتْ مَعْنَى يا صباح الخيـر

وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصويـر

ويشِقْ النُور في صفحة حياتي .. وما ألاقينـي

أنامْ شلونْ ومشكلتي عِجزتْ ألقى لَهَا تدبيـر

طِلَبتْ النُومْ .. لحظاته وعيَّا النُـوم يعطينـي

تغيَّر وجْهَي .. مِنْ أوَّل غيابكْ وإبْتِدَى التأثيـر

حبيبي .. مِنْ التَّعَبْ كافي خذيتْ اللِّي يكفينـي

يا أغلى مِنْ رَحَل عنِّي يا كِلْ الحُبْ والتقديـر

تعَاااااالْ إنْ كان لِي عِندِكْ مَعَزَّه وكان تغلينـي

تعَالْ: إنْ كِنتْ تعشقني وإذا فِعلاً تبي لي خيـر

تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبـي التقصيـر

أبيكْ الحِينْ .. تِرجَعْ لِي ولا تِرجَـعْ تخلينـي

أنا ما أقولْ اللِّي صَار فِيني مـا هقيتـه يصيـر

لأنِّي كِنتْ .. ( مِتأكِدْ ) .. بأنْ البُعد (ينهيييني)


/
/
/



كل الود


//
\
//


دنياك أنا

الموضوع الأصلي: رَحَلتْ .. وعِقبكْ الدنيا غلاها طاح مِنْ عيني | | الكاتب: دنياك أنا | | المصدر: شبكة بني عبس

[عبد العزيز]

مساء النور والإحساس والطيبه

ابيات روعه كروعتك فـ الف شكر لكَ على الطرح الراقي

تقبلي مروري

[ابو براك الرياض]

يعطيك العاااااااااااافيه

[مرزوق العجوني]

صح لسااااان شاعرها ولا هنتي على نقلها لنا

[ام جوانا]

صح لسانك قصيده رائعه

[غاليه]

صح السان شاعرها وألف لأهنتي ع النقل الرائع ..

[زوبعة فكر]

مؤثرة وسوف يبقي للأيام دورٌ بذلك ...


رائعه كما صاحبتها

[دنياك أنا]

الجميع

الف شكر على مروركم العطر


لاخلا ولا عدم



كل الود