[كبرياء امراة]

قصيدة العسكري السجين حسين الرشيدي. في امن المنشات بينبع ..قتل صديقه بالخطا .العام.
.....
عزاه للي داخل السجن مسجون.

الي بوسط السجن مثل الوداعة.

صدر علي الحكم والناس يدرون.

حكم القصاص الي فجعني سماعة.

حالي وانافالسجن من دون في دون.

حال المريض الي ماعنده مناعة.

اعيش وسط السجن لسيف مرهون.

والعقل عقل الي بسن الرضاعة.

وابوي وامي طيلة الوقت يبكون.

ولايكف الدمع لو كان ساعة.

ابوي بين الناس تايه مغبون

وامي عليها الهم ركز شراعه

قلبي عليهم ياعرب صار محزون.

ياما تجرعت المرارة جراعة.

ثمانية وعشرين ياناس مليون.

تعتق رقبتي والحياة الطماعه

الاجر عند الله محقق و مضمون.

للي سعى لعتاق نفس بقناعة

تكفى يابن براك لي سيف مسنون.

تكفى يابن سمرة منجي المراعة.

تكفون ياباقي الشيوخ المسمون.

نور الامل تراه باقي شعاعة

ياربعي الي فالمواقيف تؤفون.

بني رشيد اهل الوفاء والشجاعة.

وانخا قبايل عبس يالين يوحون.

عبس الكرم والطيب وقت المجاعة.

ياعبس في وقت الشدايد تبينون.

انتم هل الوقفات والاستطاعة.

وانخا القبايل كلها واطلب العون.

تكفون ياهل الخير فرد وجماعة.

تكفون ياهل الخير والطيب تكفون.

تكفون ياهل الجاه واهل الشفاعة.

السجين/
حسين علي الداموكي الرشيدي

الموضوع الأصلي: قصيدة سجين ينبع حسين الداموكي | | الكاتب: كبرياء امراة | | المصدر: شبكة بني عبس

[البعيد الهادي]

اسأل الله عز وجل ان يفك اسره
وبني رشيد واهل الخير فيهم الخير

[كبرياء امراة]

بارك الله فيك
اسعدني مرورك
اللهم امين

[ناصر خنيفر]

اسال الله العظيم ان يعجل فرجه ويعود لوالديه

[راسبه بالحب]

اسال الله العظيم ان يعجل فرجه ويعود لوالديه

[بعيد الطواري]

اسال الله العظيم ان يعجل فرجه ويعود لوالديه

[ساري الغدرا]

اسال الله العظيم ان يعجل فرجه ويعود لوالديه

[عيد الداموك]

الله يفك اسره


شكراً على النقل المميز