[أثير الصمت]

يا ذهب.. يا عقد مرجان.. يا فضه
==============
للشاعر الكبير / جهيم الذيابي



لو عيوني تذرف الدمع وتكضه

* وش يفيد العين من كثرة بكاها

السبايب كلها جادلٍ غضه

* جل شان اللي خلقها وسواها

يا ذهب.. يا عقد مرجان.. يا فضه

* درةٍ لا جيت أو صف حلاياها

يتعب السباح في الموج ويخضه

* يمكن الدره ورا الموج يلقاها

إن لقاها قالت الناس من حظه

* وإن غدت تصفق يمينه بيسراها

ذكريات العين يوم الشعر فضه

* وبان بدرٍ مكتمل في محياها

في ملمٍ وسطه الناس مكتظه

* حارت الأقدام عيت تعداها

قمت أفرك راس الإبهام واعضه

* لحظه لا يمكن الفكر ينساها

ما يلام القلب لو جض له جضه

* كل ما يطري على البال ذكراها

مض سيفك يا مليح البها مضه

* خل عين السحر تكثر ضحاياها

الموضوع الأصلي: ياذهب .. ياعقد مرجان .. يافضه | | الكاتب: أثير الصمت | | المصدر: شبكة بني عبس

[بنت العبسي]

صح لسان الشاعر

:

.

كلمات رائع تدل على ذوقك الراقي لاخلا ولا عدم ياخوي

من النقل المميز

[ابو براك الرياض]

يعطيك العافيه على النقل