[رشيديه يا الخبل]

مو حلوه كشتتهم

تلفزيون وبلــع كثير


الله يهنيهم بس انا ماتستهويني هلنوعيه من الكشتات احب البساطه

[كبرياء امراة]

أسعدني توواجدكم

[الدكتوور]

هذى مو كشته ذولا لاجئين بس عندهم فلوس او اصحاب مخيم مقيمين كل الشتاء

وش هالكشته اللى كنك قاعد بالبيت

حنا ما تلفنا الا الكهرباء والليتات والاكل من المطاعم

حلات الكشته تكون طبيعية وانا من انصار عدم اخذ ماطور بالكشته واقترحت هالكلام على ربعى ايام الدراسة والطياشه وقلت لهم نكشت المره الجاية بدون ماطور عشان نحس انا في بر صح
ملاحظه
هؤلاء الربع قليل نشوف بعض بالسنه ولكن اذا جاء الشتاء اتصلنا على بعض ورتبنا كشته كم يوم وبعدها كل واحد يضف وجهه للشتاء القادم

ومن قلت هلااقتراح بدون ماطور ما عاد شفت احد يجيب طارئ الكشته ولا عاد طلعنا للبر مع بعض !!

وانقطعنا عن بعض يمكن خمس سنوات وقبل شهرين اتصلوا على وقالوا حنا عند فلان مجتمعين وخل اشغالك وضرورى تجى المهم رحت لهم والا الوجيه اللى انا خابر وهات يا سوالف عن الماضى وذكريات ايام الدراسة و اشياء اخرى وتمنى صاحبنا اانا ما جيناه فضحناه عند عياله وجيرانه من ضحكنا العالى وتعليقاتنا اللى خلاه يقفل بيبان الديوانية << سكارى من غير خمر

فالكشته حلاتها تكون طبيعية والاكل يكون طبيعى ولا ترد على احد يبى ياكل اهلا وسهلا مو عاجبه الاكل يصوم :)

لا عصاير ولا بيبسى ولا كاكاو ولا معلبات ولا غاز ولا اى شئ له علاقه بالمدنية

عشان تعرف النشمى من ربعك والارفل واللى ما ينفع بشئ تخليه يغسل الصحون

اما العاشق الولهان ودك تخليه يجيب الحطب ويشب النار واذا تفلسف تولع بشماغه وتربطه بعقاله


وبس


الدكتور

[كبرياء امراة]

وانا مؤيد. .لك
وﻻ تعجبني هنوعيه من الكشتات

يعطيك العافية

[اسير الظلام]

والله هاذ الجوو الوناسه

بس رايح نسوي مثلهم

يعطيك العافيه

[كبرياء امراة]

يعطيك العافية
ع المرور

[أنفاس الفجر]

ماشاء الله عليهم يعطيك العافيه كبرياء

[كبرياء امراة]

أسعدني تواجدك
غلاتي. .انفاس الفجر..