[ذيبان الرشيدي]

.
.
بعد السلام ..
أبدأ بنظم الكلام ..
وترتيبه ورصفه .. وإعرابه وصرفه ..
.
.
تغريدات مُترامية ..
أطرحُها بينكم إلتماس القبول ..
.
.

عَلم العذال و الوقت الشحوب = و الظـروف / البائـسة و البـايـخه
شوفتك / تّذبح بدايات الغروب = و الحياة / بدون شوفك ماصـخه

.

تدّعي / حبك و حلمك بالوصال = و أن / من دونك تحيل العاصفه
و أنت / لو تبـلغ نهايـات الكمال = ما بلغت / أدنى حدود العاطفه

.

لاصارت .. الضيقة بعيني طوابير = دكت .. دويلات الفرح وأستحلت
لاتعذلوني .. يا الزحول المناعير = لاحارت .. الدمعه بعيني وهلت

.

ليه / أدوّر حـاجتي عـند السراب= و الحـوايج / تشتكي جـور السنين
أسرّج / ركابي و أنادي للسحاب = و السحاب / أبـعـد نهايـات الحنين

.
.

أعذريني / إن مضيتُ راحِلاً = و أرتضيتُ / البُعد و أصنافِ العذاب
عاجِلاً / يا صاحِبه أما أجِلاً = سوف أُضحـي ساكِناً تحت التُراب

.

يكـفي / أني لا تباطيت الحضور = يخـتلف .. جـو الشوارع و المُـدن
و أن / تعديت المداين و القصور = تبـكي / البصـرة و تزهـمني عَـدّن

.

ما يزيح / البرد و يشب الحطب = غير / ضمت من تحب و تشتهي
و لا يجيب البرد و يزيد الغضب = غير صاحٍ / مشتهيك و مستحي

.

ياصاحبي .. شفت الخلايق وصدقت = أن الخلايق .. لو صفت لك ما تصفي
ناظرت بالدنيا .. وشفني تأكدت = أن الزمن مقفي .. والأعمار تقفي

.

أسئل / عيونك لعلك للعمى = بلكي / تلقاني بوحـده منهن
رُبـما / تعرف مكاني رُبـما = و رُبـما .. أعرف مكاني بينهن

.

تعال / علمني عن أخبار دنياك = يا من / نسيت أحلامنا و المواعيد
هل دلعك / وقـتك و جـمّع بقـاياك =و الا بكت / عينك و شفت التناكيد

.

فيك أنفلاته .. وأنقلاب ومصاعيب = وأشكال .. وأنواع الغدر والتنافر
مثل البحر .. غدار مالك صواحيب = ياما غرق .. بغباك مسلم وكافر

.

دام صدري / ما حقر قـدر العشير = و أنتـمائـي .. لـلثريــا و السحـاب
ليه ابـزّعل/ من سوالـيف الحقير = و أشتكي/ ظلم الثعالب و الكـلاب

.

عـلمـو .. ليـل المـفــارق و الـوداع = و الكدر / و الضيق و الهم القديم
ما عشق/ ليل الحزن غير الشجاع = و لا كره / ليل الحزن غير اليتيم

.

طالبك ..قبل انتفارق ضفني برّحل معاك =ماجنيت ..امن المفارق غير تعذيب وتعب

.

الجـرح / مضـني و المقـادير دكتور = و الليل/ مشفى وأكثر الخلق مرضى
و يا عاذلي / هرجك فلا يمنع النور =ترضـى عساى .. والا لـعـلك ما ترضى

.

يا سلوة الخاطر/ وحبي ومشهاي = ليــه .. اللـيـالي و المقــاديـر صلـفه
مثل / الهوى و الماي يا سبة بكاي = مـا نلتقي في شرع الأحباب صدّفه

.

أقترِب .. و الحُبُ يأتي غالباً = بعـد / بُرهة من سويعات اللِقاء
إقترِب / فـالحُبُ يأتي خِلسةٍ = دون .. إذنٍ و أرتِيــابٍ أو حـياء

.

تُسبلُ / الدمعَ و تأتي ضاحِكاً = بئٍـسما / تُخـفي و تُبدي بئِسما
أن أردتَ / الخـيرَ جئت ناصِحاً = و أن أردتْ / الشر حاصرتَ الحِمى

.

يأخذك / فكرك و يقتلك الخيال = و أن بغـيت / تحب ما تعرف تحب
تعرف / الفرقا و تجهل بالوصال = و الطريـق / السهل تجـعله الصعب

.

بين سجاتي / و صكات السنين = و أنفلات / الحال بالشام و مصر
هـالنـي/ قولٍ لـرب العـالمـين = إنـهـا / و الله ( نَذِيـرًا لِّـلْبَـشَرِ )

.

كل جـرحٍ .. لا خذا وقـته يروح = إلا جـرحك .. ما نـزح عني و راح
فارقٍ / جرحك على كل الجروح = لا تناسـيته .. رجـع يمي و صاح

.
.
.
.
دُمتم ..
على خيرِ حال ..
.

الموضوع الأصلي: أنقطع حبل المواصل يا الحبيب ... لا وصال و لا أتصال و لا خبر ؟؟ تويتريات 3 | | الكاتب: ذيبان الرشيدي | | المصدر: شبكة بني عبس

[ذيبان الرشيدي]

.

أنقطّع / حبل المواصل يا الحبيب = لا وصال / ولا أتصال و لا خبر
شانت / أطباعك و عجّلت المغيب= الله أكبر / كـيف غـيّرك الدهر

.

[بروفسور الشعر]

ما يزيـح / البـرد و يشـب الحطـب

غير / ضمت من تحب و تشتهي

و لا يجيب البـرد و يزيـد الغضـب

غير صاحٍ / مشتهيـك و مستحـي

ختيار جميل وانت اجمل


تحياتي لك

[صعصعة]

صح لسانك يا ابو محمد
وابيات رائعة من شخص رائع

[المحيط الهادي]

رغم انقطاعي عن شبكة عبس الا أنني تصبحت صدفة
بجمال بلا حدود بقلم الرسام والمهندس ذيبان الرشيدي
فكان لابد من تسجيل الدخول لابداء أعجابي الشديد
بما تطرح ايها المبدع ..

[رمح عبس]

صح السانك ابيات جميله

تحياتي لك

[ذيبان الرشيدي]

.
.
لــ الرفـــع ..
.
.

[ذيبان الرشيدي]

اقتباس من مشاركة بروفسور الشعر ما يزيـح / البـرد و يشـب الحطـب غير / ضمت من تحب و تشتهي و لا يجيب البـرد و يزيـد الغضـب غير صاحٍ / مشتهيـك و مستحـي ختيار جميل وانت اجمل تحياتي لك

حياك الله و عافاك
.
مرور و أنتِقاء أسعدني ..
.
بوِركتَ عزيزي
.
.