[وضاح اليمن]

اقتباس من مشاركة رويشد لو انها معاملة حكومية يمديها خلصت ههههههههههههههههه

لاوالله يارويشد معاملات الحكومه فيها امل انها تخلص لكن ادارة شبكة عبس مالك امل بالمخلاص انا مدري هو مع البران ولا يدرون عن شي ولا خباثه

[وضاح اليمن]

نتحول الى احدى الفنون الشعبيه أي فن المحاوره الماجود يستلم

اه ياحقي اللي ضاع عند فلان= ويش اسوي بعد ماضاعة حقوقي
واخذو حق خمسه والمخفا بان= لو نشد ماحد يرد منطوقي

[فازع الرشيدي]

اسمع والله انك جبرتني على الرد

لا تحسر على اللي فات يازوينان ** كل مطرود عند الناس ملحوقي

يمكن ان الجماعه عندهم برهان ** واعرفم علم طاروقك وطاروقي

[مرزووق]

قال ايش قال نبرطم
مافيه برطمه فيه
اعلان الجهاد ياحوثي ههههه
انا احط يدي بيدك بس من بعيد ههههه

يااااووووه
انت وربعك المذكورين معروف عنكم الخيانه لأن جذوركم تنحدر من الادارة الراحله بمشيئة الله قريباً

صحت السنتكم

[عساف الرشيدي]

السلام عليكم
الله المستعان ياوضاح تطالبون بالترقيات وحنا ماعطونا خدمة الأقتباس،اسمع يامال الغنيمه:
وضاح لا تهرج لنا وألا بعد قل=بعض العرب ماهو مع الوقت يندار
يامخرج المسرح ياكاتب ممثل=يامرقص العمياء علي عزف مزمار
المشكله واللي ترا ماله حل=ان صدق العاقل سواتك بالاداور
كثر المرايا ماتزيد شخصن ولاتقل=ريح دماغك واطرد عنه بعض الافكار

[مرزووق]

ياااووووه يالاسعاف
ابك انت اجودي لا تهنش ولا تنش ولانت معنا ولا معهم يعني ضايع مع الخليان ههه
شف انا عطوني اقتباس وهم مايدانوني ههههههه

صح لسانك

[مرزووق]

غلطة الجاهل سهاله ماتستوجب وقوف
بس من باب النصيحه توضح له خطاه

وغلطة العاقل بحجمه تطوف أو ما تطوف
بين مفهوم التعمد وتركيبة غلاه

يا ملقحت الحكي أص وطويق معروف
من متى وطويق يهتز من ضربة حصاه

المراجل مثل برد الشتاء والطيب صوف
ومن لقى كشميري العز ينعم من دفاه

المراجل نورها نور ما حولك خسوف
الخسوف أن صد عونك وبين لك جفاه

لا تجامل في الحقايق وتعميك الألوف
كلمةٍ في وجه ظالم تسجل لك زكاه

[رويشد]

والله ونعم يابو رزق ان اشهد انك راعي حق وراعي فزعه هههه