[داخل الرشيدي]

شباب انا جديد في هذه الشبكه حبيت اشارك ب قصيده اعجبتني واتمنى ان تنال اعجابكم


طاح العتب .. ما هيـب لحيـة مشاريـه
خل الكـلام .. و حبـل الأعـذار طـوّه

ما راح اقول أشلون .. او كيف .. او ليه ؟
تـرى السـؤال بـدون أجابـه مـشـوّه

العذر مااات .. و مـات همـه و رااعيـه
و الجرح جف .. و جـف غيمـه و نـوّه

صاحبك ضاع الهـرج مـن بيـن أشافيـه
مـا كنّـه اللـي كـان قبلـك .. مـفـوّه

يجمع لـك مِـن الشعـر فاخـر معانيـه
و يمـوت عنـدك قبـل فـيـه ايتـفـوّه

ليـه أنصـدم ؟ و تخـون قلبـي هقاويـه
و يطيح نجمـي .. و أنخـذل فـي علـوّه

أصدق مع الواحـد و احبـه .. و اثاريـه
طـوول الليـالـي معتبـرنـي عــدوّه

لا يـا بعدهـم .. و أول الغيـث تالـيـه
و أنت اتعرف قلبي .. و خيـره و سـوّه

يمكن لو انك قلت غلطـان .. قلـت أيـه
مير البـلا انـك قلـت .. ناقـص مـرّوه

قل لي متى شحيـت فـي شـي ٍ أعطيـه
و قل لي متى صـارت محبتـك .. خـوّه

يصعـب علـى الرجـال يثبـت مباديـه
و ان كانه اثبـت .. كيـف يثبـت سمـوّه

الله يبيحـك عــن خـطـاك و تمـاديـه
و يبيـح قلبـك عـن خـطـاه و غـلـوّه

ما دام حبـك خالطـه شـك .. مـا ابيـه
حب العتب و الشك .. مـا اعيـش جـوّه

ما كنّـي اللـي كـل مـا تلمـس ايديـه
يغمـرك بأحسـاس و حـنـان الأبــوّه

و ما كنـي اللـي كـل مـا مـر طاريـه
ضج الفضـا باسمـه .. و عكـر هـدوّه

يـا مرحبـا بالـجـرح .. و الله يحيـيـه
لا صـار مـن يمنـاك و الجـرح تــوّه

بعض الجروح ان صابـت القلـب تنهيـه
و بعض الجروح .. تـزوّد القلـب قـوّه

الله كتب .. و القـوس فـي كـف باريـه
و اللي تشوفه يا أبيـض الوجـه .. سـوّه

الموضوع الأصلي: السلام عليكم ورحمة الله وبركاته | | الكاتب: داخل الرشيدي | | المصدر: شبكة بني عبس

[ابوتوتو]

بعض الجروح ان صابـت القلـب تنهيـه
و بعض الجروح .. تـزوّد القلـب قـوّه


الله الله عليك
صح لسانك ولسان شاعرها واختيار موفق
وحياك الله بين اخوانك وخواتك وعلى الرحب والسعه

[سند الداموك]

حياك ياغالي

وقصيده راائعه صح لسان شاعرها وتسلم

تحياتي

[داخل الرشيدي]

مشكورين اخواني ابو توتو وسند على المرور ولي كل الشرف ان اكون بين اهلي واخواني في هذه الشبكه وشكرا

[جاك العبسي]

يعطيك العافيه على النقل

[تعبت منك]

يعطيك العافيه على النقل

[فهيد الشويلعي]

حييييياك الله