[ناصر المظيبري]

طيب طيب انتظر

[سعد بن عادي]

السلام عليكم شعراء

حضرت للترحيب فيكم والمتابعه


مع تمنياتي لكم بالتوفيق

[السيف القاطع]

الرحب تراحيب المطر يا سعد عادي حضورك يسعدنا ويشرفنا

[ناصر المظيبري]

اللي جهل سلم القبايل لو يدياته نظاف
محدن يصافحها بيمناه الكريمه ياخرى
الظاهر انك من رجالن لاتضيف ولاتضاف
فرق النشاما عنك يافرق الثريا والثرى

[السيف القاطع]

انت عيونك ما تشوف وفكرتك فيها اختلاف=با الله قلي ويش عندك بعد ذقت الشقرى =

حنا رجال المرجله والطيب ما نبغى اعتراف=ابحث وتلقنا اومرى ونشد وتلقنا اومرى =

[ناصر المظيبري]

لاصرت تجهل بالسلوم اللي كما حد الرهاف
يحرم علي اقولك عليك مردود البرى
لابالله الا ماعليك ومنك ماحاصل خلاف
واليا نزلنا ساحه الميدان لاترجع ورى

[السيف القاطع]

ما يجهل الا ناصر الي ضاع في وصط الطواف=الظاهر انه يوم يكتب مايعرف الي قرى =

الله يبارك فيك با الميقاف جعلك ما تخاف =لاصرت في سوق المعاني بين بيع ومشترى =

[ناصر المظيبري]

انا عطيتك علم مفعوله مثل ضرب الشلاف
وانته لياهالحين ماتدري وش اللي لك جرى
كم واحدن قبلك نزل للسوق ومن السوق عاف
ماكل من ينزل بسوق اهل الوفى باع وشرى