[شاعر الصعاليك]

محاوره صارت قبل شهر تقريبا ..!!

بين حبيب العازمي ومحمد السناني ، ومشاهدة ممتعه ..!!

حبيب العازمي
اثر السناني يجيه الرزق مثل الطيور .. ما غير يمشي على فاله ويفتح فمه
لكن هذا السنه يمكن زمانه يدور .. والحد داخل يده و الجمر تحت قدمه

محمد السناني
الرزق يامر به الله كون عبدن شكور .. العازمي يا عتيبه ويش محرق دمه
لأجل ايش تبدي علامات الفرح والسرور .. تمسي على مظلمه تصبح على مظلمه

حبيب العازمي
الله يزيدك شعر والله يزيدك شعور .. يا شاعرن ضيقته ما غير في برطمه
يا كثر حزنك وحزن محفرين القبور .. صعبن تفهم عرب والعلم ما تفهمه

محمد السناني
يوم استمع كلمتك فالشعر ماني فخور ... عندك تساوى وجود الادمي و اعدمه
يا اصحابنا اللي عجزتم تعبرون الجسور .. ما عاد يا الربع فيها اسرار متكتمه

حبيب العازمي
يالله عليك الخلف في اخر بقايا الغرور ... دوك الشحم واللحم يا راعي الملحمه
انته على الجسر تمشي مير مشيك حدور ... اول جبل تطمره واخر جبل تصدمه

محمد السناني
يالله عليك الخلف بمخلفات الظهور .. من كثر الاعمام ضاعت هيبة العمعمه
نظرت لك تحت وابغى استخرجك في سطور .. حتى يقال السناني كاتبك بقلمه

حبيب العازمي
اللي وزوا فالزهاب عيال سبعة شهور ... حتى التمر ياكلونه فالصحن بعجمه
بيني وبينك تفاوت عند نقطة مرور ... والعازمي ما لزمك ولن لزمك إلزمه

محمد السناني
ان كان ما معك حيله فالزمان الدبور .. اللي بنيته رياء ومجاملات اهدمه
ما نتفق لين يجمعنا البعث والنشور .. ما يمكن نوخر التوقيت ونقدمه

حبيب العازمي
والله ما لي حسافه في كثير الامور .. تبقى الشجاعه لأهلها وانت منت رخمه
صحيح ما نتفق واللي يطيح معثور .. هذاه محكوم والثاني محد يحكمه

محمد السناني
في ساعة الموقف اللي منت منه معذور .. نبه على اهل الكراسي تربط الاحزمه
قدام برقا و روق يقسوم الجزور .. من قال منكم عسى الله يحسن الخاتمه



[youtube]

الموضوع الأصلي: حبيب العازمي ومحمد السناني// جديد | | الكاتب: شاعر الصعاليك | | المصدر: شبكة بني عبس

[حمد البارقي]

المعنى هو الاستديو التحليلي اللي يقدمه محمد السناني في قناة الساحه والابيات تدور على هذا المعنى

اثر السناني يجيه الرزق مثل الطيور = اختاروه من بين الشعار وقالو تعال حلل المحاورات

ماغير يمشي على فاله ويفتح فمه = ماغير يتوقع ان هذا المعنى يضرب المعنى مع كل مكان ويبربر على كيفه دون عرف

لكن هذا السنه يمكن زمانه يدور = يركزون عليه الشعار ويعطونه مقسومه عقاب له

[ابو براك الرياض]

اثر السناني يجيه الرزق مثل الطيور

[شاعر الصعاليك]

اقتباس من مشاركة حمد البارقي المعنى هو الاستديو التحليلي اللي يقدمه محمد السناني في قناة الساحه والابيات تدور على هذا المعنى اثر السناني يجيه الرزق مثل الطيور = اختاروه من بين الشعار وقالو تعال حلل المحاورات ماغير يمشي على فاله ويفتح فمه = ماغير يتوقع ان هذا المعنى يضرب المعنى مع كل مكان ويبربر على كيفه دون عرف لكن هذا السنه يمكن زمانه يدور = يركزون عليه الشعار ويعطونه مقسومه عقاب له

ما بعد هالكلام كلام يالبارقي ، وبيض الله وجهك
واثرك متابع السساحه ههههههه

[بيطار الشعر]

صح الله لسان الشعار
محمد السناني وحبيب العازمي من الشعراء العمالقه
ولاهنت ياشاعر الصعاليك على نقل الطاروق المميز ويستأهل الختم

[حمد البارقي]

ووجهك ياشاعر الصعاليك

ميزة الشعار الكبار رسم المعنى صح مليون بالميه

تركيبة البيت تجي صحيحه توضيف كلماتهم صح والجزاله ايضا

فالمتابع يجد المعنى من اول الابيات

مو مثل الشعار المتوسطين او الصغار اوبعض شعار المنتديات

لونك عارف قضايا المنتدى كلها رسمه للمعنى ماهو صح فتحتار فيه واذا سالتهم قال هذا معنى عميق

وانا اقول مافيه اعمق من معاني حبيب والسناني والشعار الكبار

اذا كنت متابع للقضايا

تقبل احترامي وتقديري لك

[ابوبيان]

مشكور على نقل المحاوره وحسن الاختبار بارك الله فيك وصح اللسان حبيب العازمي والسناني وتقبل مروري اخوك ابو بيان