[الذهبي الهلالي]

السلام عليكم ورحمة الله وبركاته...امابعد.
أقدم لكم محاوره شعريه جرت بين الشاعرين,فهدبن فايز والشاعر كامل الحليلي..
أليكم المحاوره:

فهدبن فايز:
هب النسيم وسجع قمري ومال الغصن=بالديره اللي ماهي حاره ولا بارده
الجزله اتباع وسط السوق بأغلى ثمن=واهل الجزيله بوسط السوق متواجده

كامل الحليلي:=
الجو ماهو مساعد والضوامي تحن=لكن عد الروى ماخيب الوارده
عطنا العلوم الجزيله يامراسل عدن=ترى المراجل تبي تكريس ومجاهده

فهدبن فايز:
لولا الرياح السريعه ماتكون مزن=والمزنه اليا نشا براقها راعده
اللي يخون الامانه مايمثل وطن=أن غاب والا حضر مافيه احد فاقده

كامل الحليلي:
لولا الرياح السريعه ماتسير السفن=والرجل وشلون ياكل لو كسر ساعده
اللي يخون الامن بالله يالربع من؟=عشان ماقلطه معنا على المايده

فهدبن فايز:
انته تقول الصراحه سر والا علن=الناس باللي تقوله كلها شاهده
لو ترضي المسلمين أعمال "بوش الابن"=ماشفت اسامه وضع تنظيم للقاعده

كامل الحليلي:
وسوس لك ابليس ثم أمسيت فينا تظن=ارجوك لاتخلط النيه مع الجايده
مالك ومال العلوم اللي تثير الفتن=ترى ليالك ماغير أعياد ومعايده

فهدبن فايز:
ترى القرى كلبوها تابعه للمدن=لو بينها زفلته ودروب متباعده

الموضوع الأصلي: محاوره للشاعرين كامل الحليلي,فهدبن فايز | | الكاتب: الذهبي الهلالي | | المصدر: شبكة بني عبس

[ابو بيان]

الذهبي الهلالي بيض الله وجهك على نقل المحاورة وصح اللسان الشعراء الشاعر فهد فايز والشاعر كامل الحليلي وبالتوفيق للجميع ولك تحياتي

[حمد البارقي]

الله الله

بيت شاعر موهوب

لو ترضي المسلمين أعمال "بوش الابن"=ماشفت اسامه وضع تنظيم للقاعده

صح لسان فهد بن فايز ولاهان الحليلي