[بنك الشعر]

اقتباس من مشاركة ابن وايل بليت بواحد" مثلـك يزيـد الهـرج ثـم يعيـد معن السالفه مـن فـوق راسـه تقـل طاقيـه الله الله هذا الشعر ولابلاش تمتلك موهبه شعريه فذه يابنك لله درك

شكراا ابن وايل على المجامله الحلووه

[محمد العبسي]

اقتباس من مشاركة بنك الشعر بليت بواحد" مثلك يزيد الهرج ثم يعيد= معن السالفه من فوق راسه تقل طاقيه يارااع البندق اللي قاصره من دوون ريع الصيد=ماندري خوف ولا نيتك شينه وملويه

ترا الطاقية تظلل عن الشمس وعن التبريد=لكن انت اصلع وراسك مدرمح تقل رقية

قبل تتعب وتشقى لك بشيٍ منه مالك فيد=ترا قدرتك ماتشفع لك ونظرتك دونية

[محمد العبسي]

حمد البارقي وابن واايل الله لايهينكم على التشجيع

[حمد البارقي]

ترى الطاقيه تظلل عن الشمس وعن التبريد = لكن انت اصلع وراسك مدرمح تقل رقيه

ماشاء الله عليك يامحمد

البيت هذا نقض احترافي من الدرجه الاولى ترى هذا من فنون نقض الشعار العمالقه صدقني مثل ابراهيم الشيخي والزلامي

ووالله اني صادق

ياخي انت ذكي عليك لوي للبيوت عجيب صح لسانك يالعبسي واعتبرني من جمهورك

[محمد العبسي]

صح بدنك ياحمد والله لايهينك بس لاتعطيني عين ههههههههههه

كثير من الناس لو كان فاهم الموضوع يظن اني بالبيت هذا طلعت من المعنى لكن انت ماشاء الله معي على الخط

أتشرف والله فيك ياحمد

[بنك الشعر]

اقتباس من مشاركة محمد العبسي ترا الطاقية تظلل عن الشمس وعن التبريد=لكن انت اصلع وراسك مدرمح تقل رقية قبل تتعب وتشقى لك بشيٍ منه مالك فيد=ترا قدرتك ماتشفع لك ونظرتك دونية

الاصلع ياوسيع الصدر فيك يشيد ثم يشيد=ولا ينسى تفاعلك وحركتك الحماسيه
قدرت اكتفك وعرقلك وربطك يابو زيد=بقدرت سيفي البتار وسلوب" ساسيه

[حمد البارقي]

اقول رد على اللي جاك وخل عنك السوالف

[محمد العبسي]

صح لسااانك يابنك الشعر والله لايهينك

تشرفت باللعب معك

تصبح على خير