[السيف القاطع]

اقتباس من مشاركة محمد العبسي الله لايهينك يابن هني هلا يامرحبا وإن كان بنك الشعر جاب العيد=حرام إني ماجنب عنه لين أعطيه عيدية تبسط هرجتك ولا تعقدها معك صنديد=تقدم مدتك وتجيك مربوعة ومثنية

صح السانك يامحمد العبسي
وين لغيبه ياغالي

[محمد هني]

لاهنت يامحمد العبسي بيض الله وجهك ولايهون للجميع

[محمد العبسي]

اقتباس من مشاركة السيف القاطع صح السانك يامحمد العبسي وين لغيبه ياغالي

صح بدنك

موجوود لكن أشغال الدنيا الله يعين عليها

[بنك الشعر]

اقتباس من مشاركة محمد العبسي الله لايهينك يابن هني هلا يامرحبا وإن كان بنك الشعر جاب العيد=حرام إني ماجنب عنه لين أعطيه عيدية تبسط هرجتك ولا تعقدها معك صنديد=تقدم مدتك وتجيك مربوعة ومثنية

يدوم الك البقاء والبنك يابغاء الذيب بالتحديد=على لقياه باع الشاه في سوق الشريطيه
لقيت القصه اللي حولها التاييد والتمجيد=ورائي بالزوم ابديه ياسيد الحراميه

[بنك الشعر]

اقتباس من مشاركة حمد البارقي لاوالله ماادس الرابط عن عيون الناس الا خلهم يشوفون وان بغيت نعرض الطاروق للتحليل من قبل الشعار عرضناه عشان يكون اعم للفائده عشان بعدين تختار عناوين لمواضيعك فيها احترام للشعر والشعراء والذوق العام ولاتكون قد كلامك ولك حرية الاختيار تحياتي

اذا ودك تعرضه اعرضه لتحليل ماعندك مشكله

واذا لتصويت افضل ههههه

اما الاحتراام نعرفه قبل تدخل المنتدى انت وشكالك



واما الشعر فانت شاعر مشتشعر شويعر الوكاد ماعندك سالفه

تحياتي

ايه بالله خلك بصفي ترى رايك يهمني هههههه

[محمد العبسي]

اقتباس من مشاركة بنك الشعر يدوم الك البقاء والبنك يابغاء الذيب بالتحديد=على لقياه باع الشاه في سوق الشريطيه لقيت القصه اللي حولها التاييد والتمجيد=ورائي بالزوم ابديه ياسيد الحراميه

ليا منك بغيت الذيب الأشهب لاتجي رعديد=تراك مجربٍ فعل الذيابة بالنعيمية

وأنا مثلك لقيت القصة اللي تربطك بالقيد=عليك موثقة وبروقها فوقك سماوية

[حمد البارقي]

مايحتاج انك تسبني لاني انا رجل مااحتاج اخوض معك في مواضيع تشكل عليك

لكن الطاروق سوف يعرض للتحليل

واشهد الله واشهد اللي موجودين اني لن ادخل باي اسم مستعار حتى امجد نفسي وايضا لن اوصي احد

للعلم بس

[محمد العبسي]

حمد البارقي تعوذ من الشيطان وخلنا نكمل طاروقنا على خير

وانت يابنك الشعر تلعب طاروق مع شاعر خل الكلام الجانبي بعدين