ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
عسى الله يبيض وجه عبدالله بن عبيد .. سلمان بن عمار
السلام عليكم ورحمة الله وبركاته صباح \ مساء الخير للجميع لا أجيد المقدمات لكن هذا الخبر المنشور وهذا شعوري تجاهه مع أن الخبر قبل مدة لكن الفعل الطيب ليس له تاريخ صلاحية وانتهاء واعذروني لأني لست بشاعر ولا أسميها قصيدة لكنها تعبير عن مشاعر وثناء لمن يستحق الثناء والشكر
عسى الله يبيض وجه عبدالله بن عبيد=وعسى الله يكثر في ربوعه من أمثاله هذا والله اللي يبهر المدح والتمجيد=وهذا والله اللي يطرب الراس بأفعاله تنازل عن المعسر تعالٍ عن التشديد=وعلاٌ تنازل طيب الذات منزاله كذا يفعلون كرام الأنفس هل التوحيد=عفاف الجناب متربة لحية العاله وإذا الدين مهما ثقل يمكن له التسديد=ترا الطيب دينٍ ينكسر ظهر حماله وعبدالله بليا تشرط ولاتقييد=عفا عن خصيمه وأكرمه وأطلق حباله لعله فداه مجمع الكاش والتقصيد=بخيلٍ عن المحتاج مقصورٍ رياله بخيلٍ يعيش الهم والذل والتشريد=لو إنه جمع من كل مايطري بباله هذي حالته يتعب ويشقى على التحصيد=ويجمع وهو نفسه مع الوقت رحالة ريالٍ يدخٌل خزنته .. يحكمه تابيد=إلى يوم تفرح في خبر موته عياله ليا انهالت الأتراب في حفرة الرعديد=وفكت خزاين تجرته جتك منهالة تفلت مثل مايفلت الجافل من القيد=ذبحها البطا ومن البطا الحال يرثاله هذا ماجنا من فايدة جعل ماله فيد=حصيله لغيره والدعاء ماتهياله يحسبون جمع الأرصدة للمقام يزيد=ومن ماارتفع بالطيب مايرفعه ماله وهي لو تطارد من هرفها سراب البيد=من البيد رحالة .. وبالبيد نزالة عليهم يسوقون الأراذل قصيد وصيد=قصيدٍ تجيك قصاره تباري طواله نفاق..وخداع..ومسح مشلح..وتقبيل إيد=عسى الله يذل الشاعر اللي هذا حاله وأنا والله إني ماتعودت للتعبيد=ولا أهفيت شعري مدح في عفن وحثالة ولكني أمدح كل طيب لو إنه بعيد=من أبسط حقوق الشعر مبناه لرجاله وعبدالله الله يجعل أيام عمره عيد=ويجعل جزاه الجنة ويقبل أعماله جذبني بفعله لين جات البيوت الغيد=تقل صف ما اكتب بيت وأدور بداله وأنا كل فعلٍ طيب يشدني وآشيد=براعيه..لو ماياصله غير برسالة ليا زان قاف الشعر في دلة التقنيد=أصبه..وأعدي عن هل النقص فنجاله وأسوقه لمثل معرب الجد بالتحديد=هو اللي عليه ضروب الإبداع ميالة بيوتٍ نتاج أفكار ماتقبل التقليد=تجي من طغا بدع الأناشيد مختالة ولاهو غريب الطيب يحضابه الصنديد=لكن الغريب ليا تراخى ولاناله كريمٍ يناظره البخل نظرة التنديد=يبا يحتويه ولاعرف وين مدخاله وينظر له الجود من الإعجاب والتاييد=تقول إنه يقول الله يعز مرساله ليا ضاق صدر الطيب من كثرة التعقيد=وشحت به نفوس البخيلين يلجاله على سمعته راع الحوايج يجيه مكيد=ويلقا على بابه مناويه وآماله له من المكارم مايجرد عن التعديد=علومٍ تسجل في رصيده وتبقاله يجود..ويزود..وينتهز فرصته ويعيد=ولا قيل من للمشتكي قال حنا له ولاقال قول ودق صدرٍ سواة الحيد=من الحزم بيض أفعاله اترجم أقواله صدا الطيب يبقى لو نفوس الرجال تبيد=مصير الزمن يحييه لو يفني أجياله ماماتت فرس حاتم وتصويتة ابن مهيد=لهالحين تصدح في صداها هل الطالة مواقيفٍ الها بالمجالس من الترديد=مايثلج صدورٍ لابيض النور شياله ختام الكلام وزينة القول يابن عبيد=لك الشعر يبسط كفه ويرفع عقاله وسلاامتكم واعذروني عن القصور أخوكم : سلمان بن عمار
الموضوع الأصلي: عسى الله يبيض وجه عبدالله بن عبيد .. سلمان بن عمار | | الكاتب: سلمان | | المصدر: شبكة بني عبس
آخر تعديل بواسطة كاتب الرشيدي ، 07-11-2012 الساعة 02:58 PM.
|
|
|
وأنــــــا والله إنــــــي مــاتــعـــودت لـلـتـعـبـيــد ... و لا أهفيت شعري مدح فـي عفـن وحثالـة ولكـنـي أمــدح كــل طـيـب لـــو إنـــه بـعـيـد ... مـن أبسـط حقـوق الشعـر مبنـاه لرجـالـه صح اللسانك القصيدة والله يعجز عنها المدح .. لان معانيها كلها سامية فيما يخص المقصود بالقصيدة وفيما يخص شاعر القصيدة وهذه من القصايد المفقوده اللي صار لنا مده نبحث عنها
|
|
|
قصيده شامخه وشاعرها شامخ
والممدوح يستاهل ومافعله من تنازل يستاهل الاشاده بيض الله وجهه يستاهل دواوين من الشعر على هذا العمل المشرف فمن ترك شي لله عوضه الله خير منه كثر الله من امثاله وشكرا سلمان على هذه القصيده المعبره والذي تحمل معاني ساميه وموضوعها يستاهل هذه الشامخه من شاعر له بصمه معروفه صح السانك وبيض الله وجهك وتقبل خالص الود والتقدير
|
|
|
عسى الله يبيض وجه عبدالله بن عبيد=وعسى الله يكثر في ربوعه من أمثاله
هذا والله اللي يبهر المدح والتمجيد=وهذا والله اللي يطرب الراس بأفعاله يستاهل رجل علمه وفعله مشهود بالطيب وفعل الخير تنازل عن المعسر تعالٍ عن التشديد=وعلاٌ تنازل طيب الذات منزاله كذا يفعلون كرام الأنفس هل التوحيد=عفاف الجناب متربة لحية العاله الله يجزاه خير وإذا الدين مهما ثقل يمكن له التسديد=ترا الطيب دينٍ ينكسر ظهر حماله هنا الإبداع في الوصف والتمثيل وعبدالله بليا تشرط ولاتقييد=عفا عن خصيمه وأكرمه وأطلق حباله لعله فداه مجمع الكاش والتقصيد=بخيلٍ عن المحتاج مقصورٍ رياله بخيلٍ يعيش الهم والذل والتشريد=لو إنه جمع من كل مايطري بباله هذي حالته يتعب ويشقى على التحصيد=ويجمع وهو نفسه مع الوقت رحالة ريالٍ يدخٌل خزنته .. يحكمه تابيد=إلى يوم تفرح في خبر موته عياله ليا انهالت الأتراب في حفرة الرعديد=وفكت خزاين تجرته جتك منهالة تفلت مثل مايفلت الجافل من القيد=ذبحها البطا ومن البطا الحال يرثاله هذا ماجنا من فايدة جعل ماله فيد=حصيله لغيره والدعاء ماتهياله يحسبون جمع الأرصدة للمقام يزيد=ومن ماارتفع بالطيب مايرفعه ماله وهي لو تطارد من هرفها سراب البيد=من البيد رحالة .. وبالبيد نزالة عليهم يسوقون الأراذل قصيد وصيد=قصيدٍ تجيك قصاره تباري طواله نفاق..وخداع..ومسح مشلح..وتقبيل إيد=عسى الله يذل الشاعر اللي هذا حاله وأنا والله إني ماتعودت للتعبيد=ولا أهفيت شعري مدح في عفن وحثالة ولكني أمدح كل طيب لو إنه بعيد=من أبسط حقوق الشعر مبناه لرجاله وعبدالله الله يجعل أيام عمره عيد=ويجعل جزاه الجنة ويقبل أعماله جذبني بفعله لين جات البيوت الغيد=تقل صف ما اكتب بيت وأدور بداله وأنا كل فعلٍ طيب يشدني وآشيد=براعيه..لو ماياصله غير برسالة ليا زان قاف الشعر في دلة التقنيد=أصبه..وأعدي عن هل النقص فنجاله وأسوقه لمثل معرب الجد بالتحديد=هو اللي عليه ضروب الإبداع ميالة بيوتٍ نتاج أفكار ماتقبل التقليد=تجي من طغا بدع الأناشيد مختالة ولاهو غريب الطيب يحضابه الصنديد=لكن الغريب ليا تراخى ولاناله كريمٍ يناظره البخل نظرة التنديد=يبا يحتويه ولاعرف وين مدخاله وينظر له الجود من الإعجاب والتاييد=تقول إنه يقول الله يعز مرساله ليا ضاق صدر الطيب من كثرة التعقيد=وشحت به نفوس البخيلين يلجاله على سمعته راع الحوايج يجيه مكيد=ويلقا على بابه مناويه وآماله له من المكارم مايجرد عن التعديد=علومٍ تسجل في رصيده وتبقاله يجود..ويزود..وينتهز فرصته ويعيد=ولا قيل من للمشتكي قال حنا له ولاقال قول ودق صدرٍ سواة الحيد=من الحزم بيض أفعاله اترجم أقواله صدا الطيب يبقى لو نفوس الرجال تبيد=مصير الزمن يحييه لو يفني أجياله ماماتت فرس حاتم وتصويتة ابن مهيد=لهالحين تصدح في صداها هل الطالة مواقيفٍ الها بالمجالس من الترديد=مايثلج صدورٍ لابيض النور شياله ختام الكلام وزينة القول يابن عبيد=لك الشعر يبسط كفه ويرفع عقاله لم يسعفني التعليق والإطراء في هذه المعلقة الراقية من شاعر تعجز الكلمات عن إعطائه حقه وشهادتي فيه مجروحه ابدعة واجزلت حيث اجتمعة في هذه الشامخة الجزالة والمفردة والوصف والحكم صح لسانك وعلا شانك وبيض الله وجهك ويستاهل عبد الله بن عبيد صاحب الطيب
|
|
|
من كان باحث عن شريان الشعر سيجده فعلا في قصيد الشاعر سلمان بن عمار
وخير دليل هذه القصيده. الشاعر سلمان بن عمار صح السانك وعتلا شانك تقبل مروري واعجابي.
|
|
بيض الله وجه عبدالله بن عبيد على الفعل الطيب والله يكتب له الأجر وفعله غانم
ويستاهل هذه القصيده الشامخه بيض الله وجهك يا سلمان قصيدة أكثر من رائعه أستمتعت في قرأءتها قصيدة في قمة الأبداع وفيها من الحكم الشي الكثير صح لسانك ولا تحرمنا يا بن عمار من جديدك
|
|
|
[b
]نسأل الله العلي القدير ان يجعلها في ميزان أعماله
وهذي الشيء يفرحنا ويفرح الأمه الأسلاميه بأكملها بأنه مازال أهل الخير موجودين في عصرنا هذا ولا يسعني الا أن اقول الى الشاعر الكبير وانا من معجبينه في ميادين المحاوره والنظم سلمان بن عمار بيض وجهك وصح الله لسانك قصيده نحتت من صخر ولا ليست مستعربه من شاعرها المخضرم وفقكم الله لما يحب ويرضى [/b]
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| سلمان بن عمار يدعوكم لحفل زواجه ((( حياكم الله)) | سلمان | منتدى اخــبار القبيلــة | 44 | 03-07-2011 12:25 PM |
| سلمان بن عمار | محمد بن فـايد | منتدى المحــــــــــــــاوره | 7 | 01-09-2010 08:13 AM |
| سلمان ابو عمار قرب | الاشقر | منتدى المحــــــــــــــاوره | 13 | 18-09-2008 02:59 PM |
| سلام الله سلامٍ مصدره سلمان بن عمار | سلمان | منتدى المحــــــــــــــاوره | 30 | 23-08-2008 03:35 AM |
| عبدالباري × سلمان بن عمار | سعد الشقل | قسم المحاورات المنسقة | 4 | 25-07-2008 04:40 PM |
الساعة الآن +4: 01:12 PM.
جميع الحقوق محفوظة شبكة بني عبس
