[ياسر العرعري]

الأخوه الأعزاء أعضاء هذا الصرح العملاق .. السلام عليكم ورحمة الله وبركاته ..

وأسعد الله أوقاتكم بكل خير .. " هامات السحايب " مصافحه متواضعه يشرفني أن أضعها هنا بينكم "

أه من لجت خفوقن شبت بقلبي لهايب = ذكرت " ياسر " بـ ماضي والليال الأوليه
بعد ما أعلنت اعتزالي .. قلت أنا ياناس تايب = ردت أفكاري تصافق بالدروب السرمديه
كيف اسافر والمدى محكوم في روس النصايب = وين أبرحل والديار برؤيتي صارت خليه
الطواري عودت للبال من كل الصوايب = لوحت .. والصدر ضايق .. والصبر أقفى شويه
أنكست والملح شايط .. ساقت الذكرى ركايب = نوخت بين الضلوع وجددت فتح القضيه
حرت أوجه .. وين أوجه ؟ والحكي عود طلايب = والزمان يسوق قصة طعنت النذل لخويه
قصتن فيها جروحـ (ن) ما أبرحت مني عطايب = من يداويلي جروحي قبل ماتلحق عليه
من بداية مبتداها أبرقت معها المصايب = أرعدت ثم أمطرت في جوف قلبي نار حيه
ايه يادنيا العجايب صدق سموك العجايب = يوم ولد الاش قال العرف كله في يديه
البنادم وان تردى ياقف بـ ميقاف عايب = ماله أبدا ً أي مكانه عند راعين الحميه
يصبح بحاله كسيفه وأن حضر عدوه غايب = ما اختلف وجود مثله مالحقهم مشرهيه
وأنت يالي غصت في بحر الغرابه والغرايب = تضحك ولمعة سنونك كلها خبث وخطيه
ودك بصوره جديده مير معروف انك خايب = منكتب اسمك مع الزوار مجهول الهويه
لو تقول الي تقوله ماتطول الا الذهايب = ولا أنا ماني بـ مثلك لي مقام ومقدريه
عزتي هي راس مالي بالرخاء ولا الصعايب = وأن تعدى الصبر حده ماتحملت الأسيه
رافعن راسي تفاخر فوق هامات السحايب = غيمتن في أستظل وغيمتن ليه مطيه
كلي امجاد وفخر وان عدوا اهل الطيب طايب = من سلايل عبس .. تيجان الفخر .. زبن الونيه
لابتي هم عزوتي وان شب دخان الحرايب = ياردون الموت عطشى مايهابون المنيه
الأسود الي تسود أن كبر الوقت بـ نشايب = هم عمى عين الحريب الي بنفسه سوء نيه
فزت المظلوم .. مزبان الدخيل .. أهل الغلايب = الزحول .. أهل الشكاله من عصورا ً جاهليه
جاك ردي وأستمع له طيب ِ وان لزمت غصايب = ماحسبنا للعقول الناقصه .. والعنجهيه

الموضوع الأصلي: " هامات السحايب " | | الكاتب: ياسر العرعري | | المصدر: شبكة بني عبس

[عادل بن هون]

عودا حميدا ياسر

راع انت وماتكتب

وأنت يالي غصت في بحر الغرابـه والغرايـب

تضحك ولمعة سنونـك كلهـا خبـث وخطيـه

ودك بصوره جديده مير معروف انـك خايـب

منكتب اسمك مـع الـزوار مجهـول الهويـه

توقف كثيرا عزيزي
عش رجبا ترى عجبا

[منور العويمري]

الله يعطيك العافيه

وبيض الله وجهك

[خلف العايضي]

ياسر العرعري

صح السانك على هذه الدره الراااائعه التي تعبر عن جمال الأبداع في الفكر والمعني


لاهنت لاهنت يالعرعري على الابداع


تقبل التحية والتقدير

[عبداللطيف العايضي]

كيف اسافر والمدى محكوم في روس النصايـب & وين أبرحل والديار برؤيتـي صـارت خليـه
الطواري عودت للبـال مـن كـل الصوايـب & لوحت .. والصدر ضايق .. والصبر أقفى شويه

ياسر لا هنت

قصيدة جزله من شااااعر جزل

تقبل مروري

[مرزوق العجوني]

صح لسانك ياياسر ولا هنت على الرائعه وتقبل مروري وننتظر منك المزيد

[بندر الذيابي]

ابو مفلح صح الله لسانك

قصيده جميله وغير مستغربه من ياسر العرعري

دائماً اجدك تحاكي الواقع بكلماتك وحروفك

عشت لنا شاعر

[فارس بن علي]

ياسر
صح الله لسانك
وبيض الله وجهك