[عبدالهادي بن صبح]

كل ماذعذع هوى الغربي طرالي مانسيته=والسبايب ساعة الفرقا ولحظات الوداعي
المشاعر تحيي الجرح القديم ولاتميته=والثقه فالنفس يهدمها المجي والأنقطاعي
يالله أنك لاتواخذني على ذنبٍ جنيته=المعاصي تعمي القلب وتحدك للضياعي
مابقا شيٍ على الدنيا ظنوني محتريته=غير عفوك ياكريمٍ تستجيب لكل داعي
شلت من جور الليالي ماتحملت وقويته=وأتصبر مثل كل الناس وأمر الله مطاعي
دام رزقي مايضيع ورزق غيري ماخذيته=ماعليه لوتخطفني مخاليب السباعي
صاحبي كانه على الطرقه عزومه مستميته=الدروب اللي تفرقنا وتجمعنا وساعي
أن بداله لازمٍ عندي بلا منّه قضيته=مانقول الحق والمعروف بين الناس ضاعي
كم رفيقٍ يطلق حجاجك ليا منك نصيته=كان ماسوى جميل يعلمك خير المساعي
لي معه حبلٍ عن العد الرهاوي ماطويته=يجمع الطيب مع أهل الطيب قدر المستطاعي
والردي في ذمتي ماسوق رجلي يم بيته=والليالي معطيتني عنه فكره وأنطباعي
علمتني تالي الأيام شيٍ ماقريته=في كتاب الفلسفه وكتاب علم الأجتماعي
من يعيش العمر لابده يلاقي مالقيته=ويتواجه مع حصيله يوم تنعاه النواعي

عبدالهادي بن صبح

الموضوع الأصلي: كل ماذعذع هوى الغربي طرالي مانسيته=والسبايب ساعة الفرقا ولحظات الوداعي | | الكاتب: عبدالهادي بن صبح | | المصدر: شبكة بني عبس

[الاجهر]

صح السانك قصيدة رائعه جدا لاهنت

[ناصر خنيفر]

صح السانك هذا القصيد وانا العمده ماهو قصيد عيال النيدو عاش عاش يعلم الله انها اعجبتني جدا اخي لاتقاطع ربعك انت شاعر قوي وحضورك مهم

[سحايب]

الله الله رؤؤؤؤؤعه صح السانك عد دومدد

[أمـ الشوق ـير]

الله عليك ، صح لسانك

تحياتي لك

[راسبه بالحب]

صح السانك


لاهنت ابيات مميزه

[عبدالهادي بن صبح]

اقتباس من مشاركة الاجهر صح السانك قصيدة رائعه جدا لاهنت

الأجهر

صح بدنك

مرورك شرفني وزاد المتصفح نورا

لك التحية والتقدير

[عيد الداموك]

دام رزقـــي مايـضـيـع ورزق غـيــري مـاخـذيـتـه
مـاعـلــيــه لـوتـخـطـفـنــي مـخــالــيــب الـســبــاعــي
صاحبـي كانـه علـى الطرقـه عزومـه مستميتـه
الـــــدروب الــلـــي تـفـرقـنــا وتـجـمـعـنــا وســـاعـــي
أن بــدالـــه لازمٍ عــنـــدي بـــــلا مــنّـــه قـضـيــتــه
مانقـول الحـق والمعـروف بيـن النـاس ضـاعـي
كــم رفـيـقٍ يـطـلـق حـجـاجـك لـيــا مـنــك نصـيـتـه
كــان مـاسـوى جمـيـل يعـلـمـك خـيــر المـسـاعـي
لــي مـعـه حـبـلٍ عــن الـعــد الـرهــاوي ماطـويـتـه
يجمع الطيب مع أهل الطيب قدر المستطاعي
والــردي فــي ذمـتـي مـاسـوق رجـلـي يـــم بـيـتـه
والـلـيـالـي معطـيـتـنـي عــنـــه فــكـــره وأنـطـبـاعــي
عـلـمـتــنــي تـــالــــي الأيــــــــام شــــــــيٍ مــاقــريــتــه
فــي كـتـاب الفلسـفـه وكـتـاب عـلــم الأجتـمـاعـي

عبد الهادي بن صبح
صح لسانك ولا تنسى كتاب التذوق الأدبي
شاعر متكمن ولك اسلوبك الخاص بالقصائد
تقبل مروري وتستاهل ختم صح لسانك وتقييم خمس أنجوم