[مذكر الرشيدي]

السلام عليكم ورحمة الله وبركاته

رواد هذا القسم خاصه ورواد المنتدى عامه

لعبه جديده لا أدري سبقني أحد عليها أم لا ولكني فكرت بها وأعجبتني

وأردت أن تشاركوني بها وهي .

كل واحد يكتب بيت للذي سبقه من طلب مثلاً

أنا طلبت عن (( الحب ))

اللي بعدي يجب أن يأتي ببيت أو بيتين أو قصيده عن الحب وفي نهايتها يطلب

موضوع القصيدة وطلبه


أنا ابغا أبدى واللي بعدي يجيب القصيدة أو البيت منقول أو من نفس الشاعر

نبغا تفاعل




الموضوع


(( الفراق ))

الموضوع الأصلي: لعبه جديدة | | الكاتب: مذكر الرشيدي | | المصدر: شبكة بني عبس

[صعصعة]

الصاحب اللي يوم اقفا وخلاني وحيد
...........................زادني جرح مع همومن لها ذكره قديمه
آآه ياطعنت القلب تــبــدا من جــديــد
....................خانك زمانك واليوم اموادعك وداعٍ مستقيمه

أبي عن (المكشات والبر)

[سـعود المضيـبري]

الله على جو ينشك براده
في ليلة قمرا ولا حولك أجناس



من بين ضوح النوح وعتمة سواده
النار يوقدها الحطب سمر كداس



الي بعدي....عن الغدر والخيانه

[نواف عزيز]

هواجيس لعيونك يابعد قلبي انت

ناساً تسوى الغداء بالبر مبسوطة
قنوص للصيد مدري ناس كشاته
صكوك على كبستاً بالقدر مظبوطة
وكلاً يبا يشترك فيها بخبراته
خبيرهم في يده ملاس ويصوطه
حرصاً على الشغل بين من حركاته
بخيص بالبر والمشكات وشروطه
نفسه خفيفة وهذي في هوياته


ابي قصيده غزل

[فاقد خوي]

يالي تبي فرقاي بقطع طواريك
القلب عافك عاف حتى وصالك
صحيح قلبي كان لعبه بياديك
تحركه لو كان صوب المهالك
خدعتني بالمنظر الي محليك
واخفيت مبدا ماتبي وانتهالك
ماكنت اصدق كل كلمه تقفيك
وماكنت اكذب في اجابة سؤالك
من كثر ماكنت اعشقك صرت مابيك
يالي قبل كانت حياتي حلالك
مابخسرك ياخاسره شخص مغليك
ومابندمك يانادمه عن زوالك
بندم على صدقي وكذبت تغليك
وببكي على نظره خدعها جمالك
كنتي مدينه عالياتٍ مبانيك
واتًهدم البنيان من حر مالك
كنتي اماني كنت ساحر يلبيك
احقق الي ماطرا فيه بالك
كنتي طرب لامر مزمار طاريك
كنتي موسيقة عشق من لحن حالك
حتى الموبايل نغمته ميتٍ فيك
والحين نغمة خاينه لاتصالك
كنتي بحياتي شي والحين ناسيك
هاذي حياتك روح مالي ومالك
مع السلامه ياعسى الله يهنيك
القلب عافك يامشح بوصالك

[ابن شلال]

قالوا حبيبك يسمع الشعر قلت إيه
يقراه بعيوني قبل تسمعونه


لولاه حتى طاري الشعر مابيه
ميراكتبه من شان خاطر عيونه


هو روح شعري وامنياته وماضيه
جذع الشجر وش كان لولا اغصونه


اكتب لغيره والقصايد تجي فيه
كن القصايد حالفه ماتخونه


هذاك لامنه زعل قمت اهاديه
حتى وهو مخطي تعذرت دونه


يمكن لوانه يلمس الجرح بيديه
يستغرب ان اللي لمسها طعونه


ابطى وهو غايب وزلت حراويه
وأنا من العام اتحرى مزونه


هومادرى اني في غيابه محاتيه
ليته نشّدعن حالي اللي يجونه


وقلبي اللي توه افلت عراويه
كيف انسرق وضلوع صدري حصونه


عجزت ارده كن ماني براعيه
يوم انتثر شوقه وهاضت اشجونه


يبسن عروقه لكن اللي يعزيه
ان اكثر العالم تردد لحونه


خافوا من الله لاتجيبون طاريه
لاصرت انا موجود لاتذكرونه


لو كل غالي جابه الله لغاليه
ماشفت لك مخلوق تبكي عيونه

[الوعد]

صح لسانك

ابيات رائعه