[هـمـــس]

قالت وش احلى مايقول المحبين؟

قالت: وش أحلى مايقول المحبين ؟ ...... ساعة لقاهم بعدغيبه طويله..!!

قلت: اصبري ، قالت : انا اقولك زين ؟ ....... قلت : اتمنى ماتكوني بخيله..!!

قالت: عسى موتي على يديك هالحين ...... إن كان قيلت بين خل وخليله..


قلت: احبكيها صح ياقــرة العيـــن ...... قلبي يبيها صدق تشفي غليله.

قامت تفكر !! قلت: يالله ، وبعدين ....... كن اصبعك طوّل بلفّ الجديله.

قالت : "كليب".. !! وقلت : خير.! شتِقولين ........ قالت : رجع !! وشهو شعور "الجليله".


قلت : اليمامه ! ماهي اقوى تحسين ؟ ........ من يوم غاب " جبير" صارت هبيله .

وش بك سكتي ؟ ليه قمتي تلفّين.؟........ قالت : اخاف ان قلت تطلع ثقيله..

أخاف اقول وكلمتي تجرح الدين ..!! ........ واشيل ذنبٍ مقدر اني اشيله.


استغفر الله وين وصلتني وين ..؟ ....... وانت تعرفني والاصيله أصيله.

ضمت يديني .. قلت: توك تحنين .؟ ....... قالت يدينك .. بس ؟ هذي قليله.

يوم احضنتني دمّعت ، قلت : تبكين ؟! ........ قالت : اظن الدمع (أصدق وسيله).


ردّت ، وقالت : وش عذاب المحبين.؟ ........ قلت : " الغياب " .. وفي عيونك دليله

:

الموضوع الأصلي: قالت وش احلى مايقول المحبين؟ | | الكاتب: هـمـــس | | المصدر: شبكة بني عبس

[راسبه بالحب]

وااااااو


سلمتي غاليتي


كلمات رائعه >>راقت لي


لاعدمنا ذوووقك وابداعك

[هـمـــس]

شاكره لكـ مروركـ خيتوو

[هـمـــس]

................................

[تعبت منك]

اسمح لي ابدي اعجابي بقلمك وتميزك واسلوبك الراقي وتالقك

[الزعيم..]

جميلــ مانقلتيـ

سلمت الانامل

ع هيك طرح

[system-love]

كلمات قـمه بالجمال
واسلوب رائع جميل جعلني اعيش لحظات جميله كـ جمال الجليله
ـــ تقبل مروري وردي بــود

[سـعود المضيـبري]

الله يعطيك العاافيه اختي


كلمات رااائعه وذائقه رااائعه



لانحرمنا منك