[ذيبان الرشيدي]

السلام عليكم ورحمة الله وبركاته
.
.
.
أسعد الله
اوقاتكم .. بخيره والفرح والمسره ..
.
.
الأربع الأولى ..
إرتجلتُها مُسبقاً ..
أما الخمسه التاليه .. إرتجلتُها هـ هُنا حالاً ..
.
.
[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاصــرت طـامـح .. وانثنتـبـك نـوايــاك =وارخصت قدري .. والليالي تحدتك
انـهـج ذلـولـك .. واستـحـج بمـطـايـاك =واليا .. لفاك الليل قـرب مخدتـك
وابشـر بفرقـا .. درهمت مــن خطـايـاك = مـن بعـد .. ماشفنـا غـرورك وصـدتـك
يـاعـزتـا لــــك .. يــــوم بــانــت خـفـايــاك = كـل المحـانـي .. مــن زعلـهـا تعـدتـك
وياعزتا لك .. من توالي سواياك = يومٍ تردتبك .. ظروفك وحدتك
هرجاً حكيته .. تمتمت به شفاياك = من زلته .. لدت هجوسك وشدتك
ليتك كميته .. واكتفيت بعطاياك = وأخفيت بين .. الخلق فعلك ومدتك
صهبا تثنت .. واظهرتلي حلاياك = فيها .. جثاث البيد خالط مهدتك
نَوختها .. بأقصى مرابي علاياك = يوماً .. سرت فيك القصايد ولدتك
ياهيه وقف .. قبل تلبس عباياك = وتصد ريحاً .. شعثرتبك وهدتك
امزح معك .. عوّد ونوّخ مطاياك = واليا لفاك الليل .. قرب مخدتك
[/poem]

.
.
والي عقد ..
روس الحِبال يحلها ..!

الموضوع الأصلي: ياهيه وقف قبل تلبس عباياك ... وتصد ريحٍ شعثرتبك وهدتك ..! | | الكاتب: ذيبان الرشيدي | | المصدر: شبكة بني عبس

[شاني]

صح لسانك ياخوي

[أفــراح]

يــاهــيه قصيدتك نالت اعــجابي
يعــطيك العافيه على تنسيقك وطرح القصيده .
تقبل مروري

[احمد منيف]

صح الله لسسانك اخوي ذيبان

مبدع كـ العاده

[كاتب الرشيدي]

ياشيخ انت وارتجالياتك كلك حلا

صح لسانك وعلا شانك


امزح معـك .. عـوّد ونـوّخ مطايـاك
واليـا لفـاك اللـيـل .. قــرب مخـدتـك

[كحيلة]

لله درك..صح الله لسان شاعرنا المبدع ذيبان..قصيدة راقت لي بالحييييييييييييل..ابيات ارتجاليه في قمة الروووعه..

[عاشق الطير]

امـــزح مـعــك .. عـــوّد ونـــوّخ مـطـايــاك

والـيـا لـفــاك الـلـيـل .. قـــرب مـخـدتـك

هههههههههههههه

صصصصصح لسانك واعتلا شانك

شاعر قوي ومبدع ،،

لا تحرمنـا جديدك

[ذيبان الرشيدي]

اقتباس من مشاركة شاني صح لسانك ياخوي

البقا
طال عمرك ..
وصح الله ابدنك ..