[الشاطئ المهجور]

وين انت ياللي .. تذبح القلب بالشوق
العقل من بعد ( اللقاء ) منك ما فاق
ليتك تحس بواقعي بس .. وتذوق
من كاسك اللي منه ( نشفن ) الارياق
دنياي من دونك ترى مالها ( ذوق )
خليتني عايش على ( حد ) الارهاق
إليا متى .. ببقى اطالبك بحقوق
ماتشوف كل الكون .. في غيبتك ضاق
وراك كني تايه الدرب .. ملحوق
خايف تكون .. نهاية الحب لفراق !!
يكفي عذاب اللي ( غدا ) منك محروق
غيرك وربي بالبشر ما بعد .. لاق
جيتك جروح .. وباقي .. الحال مسروق
من سِـبّـتك ضاقت بي ( افجوج ) وآفاق
انا دخيلك .. تفهم الوضع برفوق
ما عاد صبري لو تصورت .. ينطاق !!
تعال بعدك حالتي كلها .. عوق
عقبك ودربي بالهوى صار .. منعاق
تدري مكانك ( غايتي ) دايما فوق
فيك انولد ( حلمي ) وكبرن الاشواق
تاخذني ايامك .. لها حيل واتوق
دامك هناي .. ورغبتي .. ليه مشتاق
لو تطلب اسنين العمر .. جاتلك سوق
والروح لجلك دايم الدوم .. تنساق
في عيني اكبر .. من ( غلا ) كل معشوق
مثلي لحبك ماعتقد ( مر ) عشاق

الموضوع الأصلي: تدري مكانك? | | الكاتب: الشاطئ المهجور | | المصدر: شبكة بني عبس

[الداب الارقط]

الشاطئ المهجور

انت مميز وشاعر وشخصيتك بالصوره تذكرني
ايام زمان يوم الايام حلوه الله يذكرها بالخيررر

[دانه]

صح السانك يالشاطي قصيده رااااائعه

[ابن اخزيم]

صح لسان الشاعر وسلمت على هذه القصيده


اكثر قلوب البشر بالحسد مشحونه والوقت خوان والهقوات خوااااانه

[مجبور]

الشاطئ المهجور

صح لسانك شاعرنا

دمت بود

[الشاطئ المهجور]

اشكر الجميع على المرور العذب

للمعلوميه القصيده با المنقول انا ناقل القصيده مو لي القصيده

تحيتي لكم

[سالم الرشيدي]

اختيآر ذوووق
وسلمت الايآدي

[الشاطئ المهجور]

شاكر مرور الجميع تحيتي لكم