[شامخ الشامخ]

:
:
:

كل عام وانتم بـ خير ..
وجمعة مباركة :)

:
:

[شامخ الشامخ]

,

مواطن سعودي.. مع طموحه من الايام
تعثر حقوقه بين.. ناكر.. و نافخ كير

لو اشعل من الغربة.. شواطي تعبه .. أحلام
غيوم السفاره .. في مطرها السفير .. يسير

فقد وعي .. يستنجدك .. ياخادم الأسلام
مادام السفير .. يحاول اثبات.. نفسه طير


حطبك الوطن.. لو غربتك يالصديق .. أعوام
مصابك كبير .. وطعنة الدار .. كانت غير


,

[شامخ الشامخ]

تركت الصور و الاوراق و المشاعر .. مع الارض ..
عندما ذهبت ابحث عن مكانا ً آخر به ما يسمى " الحياة"..

ولكن .. نسيت ان آخذ معي ..
لائحة اللغة وقائمة الكلمات وتعابير الوجوه ..
و شاحن الكاميرا !

[شامخ الشامخ]

هذا اول العيد..
دمت بخير طول العام
ياليت احبابي بخير..
واشوف العيد عاد بخير

انا استأذن بأنام شوي..
عن غالي سهر مانام
وعذرا يا عتب نظرة طفل..
واسف على التأخير

نسيت البارحة برزان والكشله وشارع عام
........... شعرت ان الشوارع كلها زحمه بلا تبرير

نسيت اشعل صباح العيد.. احاسيس ومشاعر خام
........ نسيت اعايش اول ضحكه ولحظه مع التصوير

نسيت اشياي.. من حزمة صواريخ.. وخليط ألغام
......... نسيت اصدح وأغني..
الصوت... ثم الصمت... و التفجير

[شامخ الشامخ]

ياسيدي.. عنكّ.. فيّ احلام تنفاني=وان غبت ..لو جيت صوبك لاتناديني
الوقت.. ماعاد يغريني.. مع احزاني=واللحين.. ماعاد يمدي بك .. وتغريني
علقتني.. بين ذاكرتي ونسياني= وضيعتني.. بين احاسيسي ويديني
ماعاد يقوى على تعبيري.. لساني=ياما شعرت الكلام.. يطيح من عيني
لو مر عصفور بأحلامي... تمناني =ولو طاح ..ريشة.. جناحينه تناديني
اعطيتني سيد خلاني... وخلاني=واخذتني.. قبل ما شعوري يخليني
واللحين.. شفني على ياسي وحرماني=رجعت بي.. ما نطقت: ارجوك داويني
يطويني الوقت.. والأحباب.. تنساني=لكن من اعماقهم.. تظهرني يميني
ما الله خلق بالبشر .. واحد على شاني=وما الله خلقني لأجل غيري.. يعنيني
يعني معك حق.. تذكرني وتنساني=وانا .. لي الحق.. قبل انك تخليني

[شامخ الشامخ]

شاعر يسوي بالزواج .. العصايد
وغيره .. يسوون الشعر بـ الكوراث
اعذراهم معهم .. و عطنا القصايد
الداعمة لـ افراحها .. بـ الحوادث

[شامخ الشامخ]

يا مبذرّ الليل .. بـ عيون السهر .. لـ المنام = خاف الله شويّ فيني .. و أقتصد بــ السهر
شاعر ..لا مرّ المدينة .. وفي شفاهه كلام = نادوا على اقرب جهاز .. اقرب مدينة شعر
وشلون لا مرّ .. وبـ عينه .. يلوّح غلام = يوميّ .. يبيها على أعلى مستوى بـ الخطر
فاح الجفاف.. بـ عطش صيفه .. وشح الغمام= من قبل اشرّه على الغيمة .. بـ رجوى مطر
لفحة.. نسيم الهواء ..شرقي جنوبي .. وشام = ضحكة.. مثلث برامودا .. ودمعة عبر
انا مع النوم .. عشر ايام .. ماني تمام = ومع السهر .. ما حصل لي .. غير صفقة عمر
لو كانت السوق .. بـ الشاري .. رفيعة مقام = ما قدمتّ .. بيع حاجه .. مع ضمانة فقر
ولو كان الأوقات بـ الضيقة .. تجيب السنام = ما قلت .. يمكن على وضعك .. تعيش لـ شهر
فيني كلام .. وشطبته .. و ان قريت اهتمام = عاد اهتمام البشر .. يكتب نصيحة بشر
بالأمس .. هزيت غصن .. وبان فيه الحرام = واقفيت ضحكة قهر .. والظلم نبضة قهر
يا ما اصغر العالم .. المملي .. بـ عين الحطام = ويا ما اكبر الباب .. لا جسدّ طريق السفر
شفت الآمل .. سارت اشجاره.. وطار الحمام = واللي بقى.. عشّ لـ البيضة .. و غصنٍ خضر
بكره .. نشاهد من اللحظة.. كم يموت عام = ويشهد له الزور .. من طعنة لـ غصن الشجر
كم مرّ عصفور .. في شباك ليلي .. وحام = و أقفى .. و جمرة طعونة .. فارقه بـ الجمر
الين .. وقف نحيل ٍ .. به معالم هدام= وجهه .. يتامى ى .. تصارعها صدوف الدهر
وعينه .. تعكزّ وراها .. شايب ٍ بالظلام = عجل ٍ .. يحث الخُطى .. لـ المنتظِر .. والنظر
و ارقب شموخ انحنائه .. هامته بـ الزحام = ما يختصر .. عالي القمة .. وقاع البحر
صوته .. مع اليابسات .. يبل عنق الملام = و ينبت عليها .. نوادر من نوادر .. زهر
شرعّ .. يفجّ الدروب .. المؤرقة .. لـ المرام = ويقسم لـ الإنصات .. بـ المكتوب.. وجهة نظر
حتى سكتّ .. و انحنى صمتٍ.. مداه احترام = و اتجسدتّ له .. ورى حدبي .. ملامح صور
ومديت كفي .. عسى القى .. في يدينه كلام = جملة .. ولـ المبتدأ ..فيها ابجدية خبر
و حسيت كفه يصافح .. لـ السلام .. بـ سلام =واقفى .. ولاحت على عيني .. خيوط الفجر
واطرقت لـ الباب .. واشرع لي .. طريق الختام = لأول من اخر .. متاهه عن دروب الخطر
وتركت خلفي .. سهر ليلة .. بـ غصن الكلام = لذة تعبها .. من ادناها .. قصيدة سهر *

*وبالنصّ: يا مبذر الليل .. بـ قلوب البشر ..لو تنام.. خاف الله شويّ .. والمخطي ..على اول عذر
وبـ آخرها .. " وسلامتكم اخوكم .. "

[شامخ الشامخ]

يا سارق الصبح .. من عينّ الشجر والتلال = يا عين ليلٍ .. سرقها بـ الهجر والرحيل
الشوق .. ما كان رحلة .. لـ امتداد الليال = والحزن .. ما كان ظل ٍ لـ التعب والمقيل
رحّ مع طريق الخليج .. وبالنهاية / تعال = قليّ : وش ارهف من النسمة .. بـ شطّ الجبيل