[خابت هقاويك]

موضوعي عن اللقافه !!!!









السلام عليكم ورحمة الله وبركاته



اليوم نتكلم عن اللقافه .. المهم

في حياتنا الممله .. نسمع الكثير من الكلمات .. ولكن في بعض الكلمات تمر علينا بشكل شبه يومي .. مثل .. الل************ ,, الرخمه ,, النشبه ,, الملقوف .. و و و .. لكن نوقف عند اخر كلمه واللي هي الملقوف .. ونشرح لكم هالكلمه اللي ينطوي تحتها بحور من المعاني !!

وفي المواضيع الجاية أنشالله راح نتكلم عن الرخمة والل********ة والنشبة

نرجع لمحور حديثنا { تعريف الملقوف}

اللقاقه لغة : كلمه عادة ما نرددها ونستخدمها من ضمن مصطلحاتنا اليوميه

مصطلح اللقافه : هي كلمة نقصد فيها الشخص الذي يتدخل في امور لا تعنيه ويريد معرفة كل شى

والمطلوب في اختبار الفقة التعريف لغة .. واذا تبون ملخصات ارموآ الفلوس

مثال :

قالو لآحد الملاقيف نبي نعطيك نصف الكرة الأرضية ؟


رد الملقوف طيب النصف الثاني لمين !!




درجات اللقافة :

يبلغ المرء ذروتها وتسمى هذه الدرجة ( الشفاحة ) ، وتختلف درجة اللقافة بحسب اهتمامك باللي عند الغير ، فمثلاً لو ( شفت ولد جآركم الطفرآن واقف عند البيت وعنده سيارة جديدة )

ف أول شيء راح يدور في بال الملقوف !! من له هالسيآرة

ولكن هالاهتمام يخف اذا ما كنت تعرف ساكن البيت وحالته المادية .

وترتفع درجة اللقافة في القرى عنها في المدن ، إذا أن نظرية التناسب الطردي تنطبق هنا ، فكلما أوغل الإنسان في الجهل .. .. وصارت هالدمجة ( تخرفش ) ولم تستعمل إطلاقا فيما يفيد ، فهذا مؤشر إيجابي لارتفاع درجة اللقافة .

فوائد اللقافة :


1 مصدر معلوماتي ( خطير ) جدا يؤمن لك المعلومة بأيسر السبل ، ومن اللقافة تطورت وسائل نقل المعلومات العلمية ووكالات الأنباء ، وما مراسلو وكالات الأنباء إلا ملاقيف ( لهم رواتب على عملهم )

اذاً ,, اذا جاك سؤال في اختبار الحآسب .. !!

ليه ضللت النص .. كل هذي شفآحه ( من اشد انواع اللقافة خطورة ) بس ما اقول الا الضرب في الميت ****

س " علل // تطورت وسائل نقل المعلومات العلمية في القرى ؟

راح تكتب وبدون لا تاخذ وقت كثير ولا تتعب حالك ..

ج / لانهم ملاقيف مثلك

نرجع ونكمل فوائد اللقافة


2 تشعر بسعادة غامرة ونشوة فرح كبرى تسيطر على مشاعرك .... اذا حصلت اشياء دقيقة وصغيرة تخص غيرك

3 الشعور بالعظمة والكبرياء وإشباع غرور النفس ، وذلك حينما تعرف بأسرار الناس ، فتشعر بأن كل مالديهم أنت على معرفة به .

4 اذا عرفت اسم الشخص صاحب اليوزر معك في المنتدى ، تصبح تتلاعب بمشاعره ( وتذب عليه ... )


أضرار اللقافة :

1 قال صلى الله عليه وسلم من حسن إسلام المرء تركه مالا يعنيه ..


2 تنحرق أعصاب الملقوف وخاصة المشافيح اذا ما حصلوآ على المعلومة باسهل الطرق


3 اللقافة أعضم من الحبوب والمخدرات !! ( علل ) لان الملقوف اذا قآل اللي لقطه راح يزيد عليه من الكلام وتنفتح عنده الشهية وبالاخير يسبب له عدوان مع عيال الجيران


4 اللقافة النسائية من أشد أنواع ( اللقافة فتكاً ) .. ولنا في قصة الشريب بزة خير مثال


5 قد تنهي اللقافة حياة صاحبها ... فمثلا لو شاف الإنسان حادث في الطريق الثاني من الخط ... ( ودق فرامل ) ونزل من سيارته بيتفرج ..والا يطآلع طريقه .. يمكن يصدم .... وكثير ما حصل ...


6 اللقافة قد تتسبب في خسائر مادية ... اذا شريت أي جهاز ولا تعرف تستخدمه .. وقمت تعبث فيه .... وخرب فهذي من ثمار اللقافة .




ترى اللقافه مهي زينه

الموضوع الأصلي: خاص للشباب >>> رجاء ممنوع دخول البنات | | الكاتب: خابت هقاويك | | المصدر: شبكة بني عبس

[دانه]

يووووووووووووه انا داخله بالغلط بدخل الموضوع الي قبله ودخلت بالغط ههههههههههههه ترا مو ملقوفه وانتم تشهدولي صح


يعطيك العافيه خيوووووووه ولا تقول لحد اني اول مادرعم فيه انا هههههههه

[مفارق حائل]

انت من حطيت العنوان ممنوع دخول البنات بتلقهن صااافات طابور هنا كلهن ملاقييييييف مدري ليش


مشكور يالغلا

[خابت هقاويك]

انا كنت صريييييييييييييييييييييييييييح


عشان أبين لكم معنى اللقافه عمليآ


هههههههههههههههههه

[مفارق حائل]

شفت كيف اولهن دااااانه درعمت اهب ياوجه الملاقييييف

[خابت هقاويك]

لا تلومها اللقافه من طبيعه المرأة

هههههههههههههههههههههه

[دانه]

هههههههههههههههههه ابكو اسكتو لا تفضحوني محدن درا بروح امسح ههههههههههه

[مفارق حائل]

محدن درا وانتي اول من درعم اخصص يالحريم

الي ذابحني محد منهن يعترف مدري ليش