[خياااله]

ليلك نثر عطره على شاطي النيـل..وانا ضواني ليـل نجـد وسريتـه
يامطوّل الغيبات يامااطـول الليـل..توّي دريـت انّـه سـواد وجفيتـه
أثر النجوم اكثر من الجدي وسهيـل..نجـمٍ كتـب همّي..ونجـمٍ محيتـه
ياصاحبي عطشان..عطشان لك حيل..مظمـي وهمّـال السهـر ماقويتـه
رد السـلام لمترفـات المنـاديـل..كحل العيون ودمعـك اللـي نسيتـه
الدرب ميـت والخطـاوي مقاتيـل..وان لاح طيفك مـت فيـه وحييتـه
الله على الضحكه نهار المواصيـل..هاك النهار اللـي بعمـري فديتـه
قبل اتقهوى مـن كسـالا مظاليـل..قبل السـلام وقبـل جانـي وجيتـه
ضم الحشا واكسر جمود التفاصيـل..ماعندي اغلى مـن خفـوقٍ كويتـه
لمصافحك كف وقصيـد وهلاهيـل..امـا زبنـك القلـب ولاّ خذيـتـه
لويغـري القمـرا ذبـول القناديـل..بعـت النهـار لجيتـك واشتريتـه
يوم انتثر عطرك على شاطي النيل..انا ضواني ليـل نجـد وسريتـه!!

مساااااااااااااااعد الرشيدي

الموضوع الأصلي: قصيدة للشااعر المبدع مسااااعد الرشيدي | | الكاتب: خياااله | | المصدر: شبكة بني عبس

[بن هادي الرشيدي]

صح لسان مساعد ومشكوره على الذوق الرفيع خياااله لا هنتي.

[سيوف بني عبس]

صح لسان شاعرهاا وتسلم يمنج ع نقل
واتمني ان تنقل لقسم شاعر

[الزعيم..]

هذ الزعيم وهذي معااااااانيه .
يعطيك العااااااافيه.

على الطرح

[كحيلة]

ضم الحشا واكسر جمود التفاصيـل..ماعندي اغلى مـن خفـوقٍ كويتـه لمصافحك كف وقصيـد وهلاهيـل..امـا زبنـك القلـب ولاّ خذيـتـه لويغـري القمـرا ذبـول القناديـل..بعـت النهـار لجيتـك واشتريتـه

صح الله لسان الشاعر المبدع مساعد الرشيدي..وتسلم يمينك ياغلاي ع النقل الطيب..
مشكووورة..ولاخلا منك ولاعدم يابعدي..

[سحايب]

صح الســـان الشاعرمساعد
وسلمت يمناك على حسن ختيارك

[محمدالعجوني]

صح الله لسانه شاعر قمة الأبداع أبوفيصل
ومشكورة ياخياااالة على الاختيار الجزل

[ابوتوتو]

أختيار موفق
لشاعر مبدع
شكرا