[صفوان]

ثنيان الرشيدي

هلا يامرحبا بسم الضفر والسيف والفنجال000اقوله في لقاء الضيفان من قدام اودعها
رجالله خابره رجال وللي قابله رجال 000ورجال المعرفه والطيب ماتخلف طبايعها

رجالله الحربي

يدوم ابك البقا من راس خيالن ولد خيال 000علوم اهل الوفا والطيب والنوماس جامعها
رفيقك هو رفيقك محتفض في سيرت الابطال 000شجيع يصارع الابطال والدنيا يصارعها

ثنيان الرشيدي

توكلنا على الله والعقود يحلها الحلال000وعينن تنثر الدمعات ما نمسح مدامعها
رفيقي خابره مضبوط والدنيا وسيعت بال 000عسى حرب المدينه ترفقه داخل توابعها

رجالله الحربي

توكلنا على الله والجمل في حكمت الجمال000بعد شفنا العرب تشر على خشمك بصابعها
صبين يستحي من بنت عمه ماتجيب اعيال 000ترى الصاحبي ثلاثه وانت يثنيان رابعها



ثنيان الرشيدي

يبي يمشي هديب الشام وحموله عليه اثقال000تصغرها وسنعها تكبرها وسنعها
انا صاحبك لا حدك زمانك يم خشم الجال 000ليا وخذت ذلولك منك تنخاني ورجعها


رجالله الحربي

تقوله وانت ماولله عندك غير كوم اخبال000تحطك حرب بنيران بعد انك تولعها
اذان ام الكبائر مابها الا الخرص والخلخال000تبحلق با لعيون وطقت الاصباع توجعها

ثنيان الرشيدي

تقوله يارجالله بس بعيون الحسود اخلال000انا على ظهر الفرس ويدي ماسكتن مصارعها
لياسال القهد يصيب حرب من السيول اجفال000اخبره عام الاول لاهدر سيله يروعها

الموضوع الأصلي: ثنيان العجوني و رجالله الحربي رحمه الله | | الكاتب: صفوان | | المصدر: شبكة بني عبس

[السيف القاطع]

محاوره تعتبر قمه من الشاعر ثنيان العجوني والشاعر رجا الله الحربي رحمه الله

وبيض الله وجهك ياصفوان علئ نقل المحاوره وياليت تزودنا بمحاورات الشاعر ثنيان العجوني

تقبل مرور السيف القاطع

[قسورة الغاب]

الله الله

اول مره اشووف الحربي ضايق


لاهنت ياصفوان

[ناصر الخياري]

الله يرحمك يارجالله
والله يطول عمر ابن عجوين .
لااهنت ياصفواان محاورة رائعه فعلاً..

[حافظ]

محاورة رائعة
مشكور على النقل

[الفيلسوووف]

حرام يثنيان انك كارثه وبداايتك ماهي صاحيه والله يرحمك ياحريبي

[عازف]

ابداع كبير من الشاعر الكبير ثنيان سرور

ورحم الله رجاالله الحربي

وتشكر على مثل هذه المحاورات ياصفوووان وياليت مثل ماقالوا الاخوان تزودنا بمحاورات ثنيان


خصوصا محاورته مع سفر وزيد والقرقاح بالكوووويت العام الماضي ولاهننت يالذيب

[هاوي شعر]

رجاء الله الحربي شاعر علم من اعلام شعراء المحاوره شاعر حماسي شاعر حكيم شاعر محاوره حقيقي شاعر فتك ونقض يمتلك جميع مقوامات المحاوره اسل الله ان يرحمه ويسكنه فسيح جنته ويرحم اموات المسلمين اجمعين ..
الشاعر ثنيان الرشيدي شاعرنا الامبراطور لقد ابدعت مع الشاعر رجاء الله الحربي وانت دائما مبدع اتمنى لك التوفيق والسداد .
صفوان بيض الله وجهك على نقل المحاوره لقد اجزت الاختيار محاوره عمالقه فتل ونقض ملية بالمعاني وفقك الله واشكرك على الاختيار الموفق ولك تحياتي