[عبدالباري عبدالعزيز]

اقتراح جميل و100%
لكن مشكلتي ماأقدر أتقيد بموقت معين ،،يعني فوضوي بالعربي وهذي ميزة أمقتها وهي في لكن ماأقدر اتخلص منها واللي فيهم هذا الداء كثر والله يعينا عليه ، وإذا خصص يومي الأثنين والخميس بالمحاورة ،الأيام الباقية ماأحد يدخل المنتدى ، ويحصل فتور وهجر والضحية عبد الباري وأشكاله اللي مايحبون النظام والتنظيم

[قعيد ابن قعبوب]

بسم الله الرحمن الرحيم
السلام عليكم ورحمة الله وبركاته
انا غير موافق اللي يبي ينزل الميدان بالمهرجانات والميادين حتى يفيد ويستفيد

[سعد بن عادي]

بنتظار باقي الاخوان الشعراء لمعرفه مرئياتهم حول الموضوع والاقتراح



ولي عوده


دمتم كما تحبون

[ابو بيان]

اقتباس من مشاركة عبدالعزيز الخياري هلا ومرحبا ابو بيان الفكره موجوده من قبل ولكن الشعراء يقولون نحن نأتي بأي وقت ونشارك!؟ حتى أنك لو لاحظت لوجدت بعض المحاورات تكون في العصر! والبعض منها الظهر؟! فهذا حسب وجهة نظري المتواضعه والن أنها غير لائقه.. ولكن نقول يعين الله. وننتظر رد الشعراء كي يكون هناك تنسيق ووضع بنر للمحاوره الاسبوعيه...

الاخ عبد العزيز الخياري :
لامانع الشعراء الذي يجون في اي وقت يلعبون مافيه مانع ولكن نحنوا نريد ان نكون على بينه وعلى علم ونريد تطوير المنتدى والمحاوره ونشوف شعراء المنتدى والمنتدى مفتوح اللي يبغي يلعب باي وقت وساعه يلعب بس اليومين تكون محددين للشعراء الذي يتم التنسيق معهم وتقبل تحياتي

[ابو بيان]

اقتباس من مشاركة قعيد ابن قعبوب بسم الله الرحمن الرحيم السلام عليكم ورحمة الله وبركاته انا غير موافق اللي يبي ينزل الميدان بالمهرجانات والميادين حتى يفيد ويستفيد

الشيخ قعيد اشكرك على المرور
هذا الكلام خاص في المنتدى وخاص في منتدى المحاوره فقط واللي يبغي يلعب في الميدان مالنا دخل فيه شي يرجع لصاحبه والشاعر الذي يخوض المنتديات تاكد بانه يخوض المحاوره بانواعه سواء عن طريق المنتدى ام الحفلات وتقبل تحياتي اخوك ابو بيان

[ابو بيان]

اقتباس من مشاركة المحيط الهادي أنا بالنسبه لي موافق على هذا الرأي ... وشكرا لك أخوي أبو بيان على هذا الحماس لشعر المحاورة التي أرى أنها تعيش حالة من الارتباك والعشوائية في هذا المنتدى..

المحيط الهادي بيض الله وجهك وتقبل تحياتي ولك مني التحيه والتقدير

[ابو بيان]

اقتباس من مشاركة سعد الفلاح الـسـلام عـلـيـكـمـ ورحـمـة الله وبركاته أرق وأجمل وأعذب تحيه الى أخوي أبوبيان أخي العزيز رأيك يهمنا وكما أشكر الأخوان الذينه شاركو وعبرو عن رأئيهم بخصوص هاذه الموضوع أخي أبوبيان أنت تعلم بأن الشعراء بقسم المحاوره في شبكة بني عبس شعراء كثيرون ولله الحمد وهاذه الحضور وهاذه التواجد من الشعراء يبين لنا بنجاح هاذه الصرح الشامخ ولاكن أخي الكريم من الصعب أن نسيطر على الناس ويعلم الله ودنا أن رضي الكل لاكن رضات الناس غايه لاتدرك وأنا سوف أتابع موضووعك وأنتظر رد الشعراء لكي نكون على بينه ولي عوده باذن لله دمتم بود

بيض الله وجهك وتقبل تحياتي اخوك ابوبيان

[بحــ الخليج ــر]

السلام عليكم ورحمة الله وبركاته
اخي ابوبيان هذا الاقتراح ممتاز يكون بالاسبوع يومين او ثلاثة ايام محاورة رسميه ولكن انا اشوف انه مايكون يوم عطله مثلا خميس او جمعه او سبت لان الايام هذه شتاء وبراد واكثر الناس يطلعون ومخيمات وبر وقليل اللي يكون فاضي بهذي الايام واقترح انه يكون بايام عاديه بين الاحد والاربعاء ,وانا اقول اذا مابديت بتطبيقه فعليا لن يفيد الاقتراح فقط سوف يمرون عليه وكلن يقول رايه وهو اللي ماشي ولكن انا اقترح انكم تدخلون بالتجربه على طول من بكره تختارون شاعرين مناسبين وترسلون لهم رسالة خاصه تبلغونهم وتعلنون اسمائهم بالمنتدى قبل الموعد بيومين او ثلاثه وان حضروا اهلا وسهلا وان ماحضروا الشعار اكثر من الجمهور ماشاء الله تبدلونهم ويلعبون اثنين غيرهم مافيه مشكله , خلنا نقول اول مره يكون فيها اخطاء والثانيه يكون فيها ارتباك الثالثه تضبط انشاء الله يكون تعودو على الوقت والانتظام , وعلى فكره الاقتراح هذا قريناه قبل فتره وعلى وجهه ,ياخي العزيز ادخل بالموضوع وصدقني يصير سهل ومفهوم ويجونك الشعار ركض ,الاقتراح والكلام مايجيب نتيجه الفعل والعمل هو اللي يبين النتائج ,,,,, وتشكر يابوبيان على هالاقتراح وتقبل مروري ووجهة نظري ,,,,,,,,,