[بشير الزبني]

أخواني الإعزاء إليكم هذه المشاركة التي شاركت بها في شاعر المليون النسخة الثانية وأجيزت من قبل جميع اعضاء اللجنه للمرحله الثانية ,
.
.
.
.
.
.
.
.

جيتني وأبرك ليال العمر ليل الربوع = والله , الله بالمواصل ترى الدنيا متاع !
جيت , واستقبلك قلبٍ على وصلك يفوع = والمشاعر لفهّا البعد وأمست لك جياع
لي ثلاث شهور بين التوجد والدموع = كملت فيه وأنا اشيل فوق المستطاع
من غيابك سيّل الدمع وديانه سبوع = وأمتلأ صدري من الضيق وطعون الوداع
رحت والباقي معك والقطاعه للقطوع = مير عذرك خابره والعتب للأنقطاع
مرحبا بك من هنا لين يطريك الرجوع = لا يصيك شك وايديك للأمر المطاع
هب لك ريح الغلا والهقاوي في طلوع = من قدومك والسماء غيم والبارق شعاع
أسترح عن طرقة الشوق في روض الضلوع = طب واتخير على كيف وأنسى مايباع
الغلا , والشوق , والولف ياذرب الطبوع = تمتنع لكن عليك أنت لا للأمتناع
سقتها : من طيش وإلا من القلب القنوع = والله أنك جد وأنته على حد الضياع
قلت لك غالي على ساس وإلا من فروع = المهم أنك من القلب رئيس للأجتماع
تعقد الأرياء وتبت وتقود الجموع = لين تصعد بي على الروس مال الروس داع
إن طلعت من الغلا معك دليت السنوع = الله اللي سخرك طوع يالصيت المشاع
عن كلامٍ يربك الشوق قفلت السموع = وألتزمت الصمت وأصغيت معك الأستماع
والخفوق ان مره الوقت وأغرته الشموع = مانقض معك المعاهد ولا حل الطبع
أستحرح في روض الشوق والسور الضلوع = لا يمرك شك وأيديك للأمر المطاع

الموضوع الأصلي: قصيدة شاعر المليون . | | الكاتب: بشير الزبني | | المصدر: شبكة بني عبس

[بشيرالشويلعي]

درر ياشاعرنا المتألق بيض الله وجهك وفالك المليون أن شاء الله 0

[سعد الشقل]

صح اللسانكـ يالزبني

وبالتوفيق انشالله وفالك المليون

[بشير الزبني]

اقتباس من مشاركة بشيرالشويلعي درر ياشاعرنا المتألق بيض الله وجهك وفالك المليون أن شاء الله 0

فالك التوفيق , وبيض الله وجهك على المرور
ودمت بود

[نايف سليمان]

صح لسانك وأن شاء الله نراك في المرحله القادمه

[بدر الرشيدي]

صح لسانك

وان شاء الله انك من ضمن الـــ48

بالتوفيق

[بشير الزبني]

اقتباس من مشاركة بدر الرشيدي صح لسانك وان شاء الله انك من ضمن الـــ48 بالتوفيق

بيض الله وجهك , شكرا على حضورك هنا

[بشير الزبني]

اقتباس من مشاركة نايف سليمان صح لسانك وأن شاء الله نراك في المرحله القادمه

صح بدنك ,, شكرا على مرورك