[بدر الوهيداني]

عزي لقلبي تولع في كويتيه
ونا سعودي عنه الحد حاديني
طوف جوازي ودون الحد دورية
وان كان هربت اخاف الجيش يرميني
ولا اتورط بالالغام العراقية
وتشيلني لين اجي دون الكليبيني
ويصير عشقي عذاب ولقطتن سيه
يالله ياربي من شر البيض تنجيني
احسلي ارجع الداري راحتن ليه
وسلم من الحب ودروب المحبيني
مادام الالغام منها الارض ممليه
والجيش مثل الدباء بين الحدوديني
ماعاد انا والغلا يارادع اشفيه
اليا سمعت الرصاص اعذرت بالزيني
ان كنت انا حي وانتي باقيه حيه
نبي انتواجه لونه عقب حوليني
وان كان عيو عليك اهل الصليبيه
لعل ربي عنك يابنت يغنيني
وان كان حجو هلك لو عقب حوليه
مري على ارض الرقب دار الوهاديني
تلقيني بارقب ماعاد الي نيه
وروح معكم اليا رحتي اتلبيني
احط لك من ورى لعبوب ماريه
برجن مشيد علشانك تدليني
واذا غديتي مهف امقيط ورشيه
تصلين مكه ومن مكه تعوديني

الموضوع الأصلي: بنت الصليبية | | الكاتب: بدر الوهيداني | | المصدر: شبكة بني عبس

[سـلطآن]

واذ غديتي مهف مقيط ورشيه

تصلين مكه ومن مكه تعوديني

صح اللسانك ونعم بهل الرقب ونعم بالوهيدآني

بنتظآر قصآيدك القآدمـه

[سيوف بني عبس]

صح لسانك قصيدة رائعه

[ناصر الرشيدي]

صح لسان ابو بدر على هالقصيده

وتسلم يا بدر على النقل المميز

[سيف المهيمزي]

صح لسانك على هذه القصيده الجزله لاهنت

[مساعد الشويلع]

صح لسانك وبالتوفيق

[غـــلاءنـــجـد]

يعطيك الف عافيه على القصيدهالذي ابدعت فيه
تسلم اناملك على الطرح الجميل والرائع
لك مني اجمل تحيه تقبل مروري

[(ابوعواض)]

ههههههههه مآلقيت الا صليبيه

بي قطعه ترا عرفهم كلهم ههههههه

كلأآآآآآم كبير والله لاهنت يالشاعر