[المحامي خالد]

.

سلامي على دارن يسارن من اسعافات
مداهيل طيب ولابةٍ حيها لابه

خيارات عز ومن نطق كلمة خيارات
يشد الرسن للمجد ويعقل اركابه

خذاني لها شوق المحب وحنين الذات
وذكر الاسامي واسم موجود ومشابه

يامرسال لاعبني وكثر من الضـحكات
مكانك بنون العين وافراشك اهدابه

هقيت اني انسى والوفاء خيب الهقوات
نصيبي كذا غصبن عليه وانا ادرى به

تمر الطواري عابره بأغـلب الحـظات
سوى الطاري اللي ضيق صدري من اسبابه

عليه الله اكبر كل ماجمع الضـيقات
بصدري وخلى النار بالصدر شبابه

وعليه الله اكبر كل مامرني بسـكات
بمجلـس .. وذكـرني براعيه وغيابه

حلالاه ياوقتن مضى بالشويمس فات
جمع من اخيار القوم ربعن على ترابه

تولتهم الدنيا وقفوا هل الوقفات
ولاالـومـها لـو روحـت فـيهـم انـهـابه

عسى فالهم خير وعسى فالهم جنات
بجاه الكريم ادعـي ولاخـاب طـلابه ...

........................................*شعر : أديهم المرسال

*

الموضوع الأصلي: حلالاه ياوقتن مضى بالشويمس فات | | الكاتب: المحامي خالد | | المصدر: شبكة بني عبس

[سند الداموك]

والنعم بالخيارات وصح لسان شاعرها

لآهنت خالد على النقل

[عبدالله معزي]

صح لسانك
ونعم بالخيارات

[راسبه بالحب]

عوافي لاهنت ع الطرح


لاعدمنا جديدك

[(ابوعواض)]

والله قصيده رائعه ويستاهلون الخيارات
صح لسآنه شاعر جزل
وتسلم يالمحامي ع النقل

[ناصر الرشيدي]

ونعم بالخيارات

صح لسان الشاعر

وسلمت يمينك على النقل

[المحامي خالد]

اقتباس من مشاركة سند الداموك والنعم بالخيارات وصح لسان شاعرها لآهنت خالد على النقل

ماعيك زود يابورنا وصح بدنك يالغالي

[المحامي خالد]

اقتباس من مشاركة عبدالله معزي صح لسانك ونعم بالخيارات

صح بدنك وماعليك زود