[عايض بن صالح]

السلام عليكم ورحمة الله وبركاته

اسعد الله مساكم /صباحكم بالخير

اليكم هذه الابيات التي وجهتها للشاعر عبدالله ابن مرهب البقمي فارس الصحراء بعنوان (ريح المواجيب)

يامنتدى الفارس ولد مرهب القوم=ياكوكب الليل العتيم ومجره
صدرك سنام المجد وعلومك علوم= قرناس وكري من غزابه يسره
حراً على كبد السماء يكسر الحوم= مالد في لؤلؤ بحرها ودره
لو السماء محضور وملبد غيوم= ماحد من مغزاه مثقال ذره
عنده على الصعبه مشاريه وعزوم= هو مات فارس قوم لله دره
خيال صحراء المجد والعزوه بقوم=ياطاء على ناب الحنش مايضره
والمسلم المؤمن حريصاً على الصوم= لكن يجي في بعض الايام غره
وانا اعتبرني ضيف مدعي ومعزوم=لو السفر ماشفت جوه وبره
موقع لقانا العام يفرق عن اليوم= على قمر ماهي تضاريس حره
يدفني ريح المواجيب وقوم= ولح اصدقانا اللي تحب المبره
للناس عادات وتقاليد وسلوم= وانا اشهد ان الطيب هذا مقره
وانا ولد من سيفه اجرد ومسموم= ياخذعلى الفرسان كره وفره
بني رشيد الياعتزاء كل شغموم=تلقالهم في ساحت المجد جره
الله يدوم الامن بالدار ويدوم=حكم السعود اللي على الظلم شره

وهذا مرد عبدالله ابن مرهب

يامرحبا ترحيب مايعرف اللوم=اقولها مليون مره ومره
البارحه والعين عيت عن النوم=يقودها سلك الحرير وتجره
جتني مثل غيداء تهنفل من الزوم=قصيدتاً ملح القصايد تذره
تبخترت في جيدها الدر منضوم=البيت تلو البيت دره ودره
فرايداً غنابها كل زيزوم=من طيباً درب العلا مايغره
لبسني من الطيب تيجان ونجوم=وثوباً يباهي من لبسه ويزره
شاعرمن الجزلات ماهو بمحروم=له بالقصيد الجزل فره وكره
بضاعته بالسوق ماتقبل السوم=مثل الذهب مكنوز في وسط صره
من روس عبس اللي الياصارت خصوم=خصيمهم بالحرب يبطي بحره
وانا على شرواه بالرد ملزوم=لو شاب قافه مالحقنا تشره
جيت البحر وانا مضرا على العوم=وسفينتي على البحر مستقره
والطيب وهبة رب والعز مقسوم=في مجلساً فيه النشاما تبره
مدهال شيخان وطحاطيح وقروم=ومن دور الشعر الحقيقي يمره
قلته وانا من روس ودروع وسهوم=امجادهم منها تضيق المجره

الموضوع الأصلي: ابيات وجهتها لفارس الصحراء ابن مرهب وردها | | الكاتب: عايض بن صالح | | المصدر: شبكة بني عبس

[سنام عبس]

صح السانك
ويتساهلون ربعنا البقوم الـمدح وزود مـن عايـض بـن صـالـح
وابن مرهب ماعلاه زود مدح عبس وتستاهل عزوة رشيد
والله لا يهينك وبيض الله وجهك

[الموج الازرق]

صح السنتكم ودام الابداع يابن صالح وليهون فارس الصحراء بن مرهب

[احمد منيف]

صح الله لسانكم عز الله انك قصدة ورد طيب لاهنت اخوي

[محمد2009]

صح الله لسانكم عز الله انك قصدة ورد طيب لاهنت اخوي

[محمدخالدالشباح]

صحت لسان من قام بالبدع والجواب بدع وجواب شافيات ومتقنات من شعراء متمكنين يعطيكم العافيه ولكم خالص الشكر والتقدير ؟؟؟

[عايض بن صالح]

اقتباس من مشاركة سنام عبس صح السانك ويتساهلون ربعنا البقوم الـمدح وزود مـن عايـض بـن صـالـح وابن مرهب ماعلاه زود مدح عبس وتستاهل عزوة رشيد والله لا يهينك وبيض الله وجهك

لاهنت ياسنام عبس على المرور المشرف

[عايض بن صالح]

اقتباس من مشاركة الموج الازرق صح السنتكم ودام الابداع يابن صالح وليهون فارس الصحراء بن مرهب

صح بدنك يالموج الازرق