[فضي البراك]

أول 2011 صدمه عسى خير ،،،

ابارك لك واودع كل دنيـا الحـب والاحبـاب=نصيبي بالهوى حبك وصـرت لواحـد غيـري

اعزي فيك حظي والخفوق الي من اجلـك ذاب=ولاطاع يتبـدل فيـك ... غيـرك يامخاسيـري

واعزي فيك شعر ماقبل غيرك وبعـدك شـاب=تقل كفك هي اللـي تامـر حروفـي وتعبيـري

واعزي فيك عين كن زولـك رمشهـا ماغـاب=وغيرك عنك لوطال القمـر ..ماطـال تغييـري

احبك حاضر عندي واحبـك لوطـواك غيـاب=واحبك مثل نفسـي ياكسـر نفسـي وتجبيـري

احبك لاجل حبي لـك وقلبـي منـك مايرتـاب=ولا يقبل غـلا غيـرك .. ولا يقبـل معاذيـري

احبك صوت احبك زول احبـك روح ياجـذاب=واحبك حب اكبر من مدى شعـري وتصويـري

صحيح اني جريح فراق روحي والجروح اسباب=صحيح اني تعديـت الحـدود وطـال تكديـري

وصحيح ان اللهيب بخافقـي ياخافقـي شبـاب=وصحيح اني بنفسي ضاع ... تفكيري وتدبيـري

بكى لك دمعي الوافـي ولا والله عليـه اعتـاب=وتلاشت يامدى صدق الهوى عنـدك مشاويـري

تفارقنا فـراق عيـون لكـن القلـوب احبـاب=وتمنيت السعاده لك ولـو مـع واحـد غيـري

جازت لي ،،،

الموضوع الأصلي: أعزي فيك حظي ،،، | | الكاتب: فضي البراك | | المصدر: شبكة بني عبس

[رسام الغروب]

صح السانك وبيض الله وجهك على القصيدة مبدع ورائع لاهنت وتسلم يمينك

[فضي البراك]

اقتباس من مشاركة رسام الغروب صح السانك وبيض الله وجهك على القصيدة مبدع ورائع لاهنت وتسلم يمينك

شكرا على المرور ،،

نورت ،،

[سحايب]

صح الســانك وعلاشانك
ولاهنت قيده راائعه

[مرآهيش]

صح لسآن شآعرهآ وسلمت يمنآك ع النقل

[مرزوق العجوني]

صح لسان شاعرها ولا هنت على النقل الرائع يالامير

[فضي البراك]

اقتباس من مشاركة دمعه صح الســانك وعلاشانك ولاهنت قيده راائعه

لاهنتي على المرور ،،،

[عبد العزيز]

روووعة كالعادة لا تاتي الا بكل ما هو مميز

صح لسانك ولسانه