[رياح الشرق]

الجحش

لعيون ابو تركي زعيم الشواعير

وين انت ياحزب الفلس والهزايم

حنا الرجال الي نقود الطوابيـر

في ساعتٍ فيها تطيـر العمايـم

ناصر صويان

لعيون حزب ٍ مايهاب المخاسير

جيناك ونصحيك لاصرت نايم

أخر زمان العمده يخاوي العير

والعير ماهو مثل باقي البهايـم

الجحش

خسران من ياثق ويبدي على الغير

بعض العرب مايحفـظ السردايـم

خلاص0 مافيها علوم ومعاذيـر

قلته ولانـي خاشـيٍٍ لـوم لايـم

ناصر صويان

اقسم برب ٍ يرزق الحوت والطير

ان الامانه من ورا بحـر عايـم

بس انت جبت العيد ياقاسمت خير

صدقتلك مفطر وكذبـت صايـم

الجحش

قبلي شكى عنتر وأبوزيـد والزيـر

حتـى رسـول الله تلقـى الشتايـم

اصقور قدامـي تحـوّل عصافيـر

والطير الابرق في سماء الصقر حايم

ناصر صويان

وقعت فيها ماتفيـد المعاذيـر

خذ لك بهالدنيا دروس وقسايم

حولت مثل مقيط ورشاه بالبير

بانت على وجهك جميع العلايم

الجحش

الدرس مني ياخذه بوش وبلير

ماني بحاجة درس والحظ قايـم

عزمي يهز جبال والبير ياعمير

ماطاح فيـه إلاّ ردي العزايـم

ناصر صويان

يالجحش شافك واحد بديرة مطير

تسرح وتمرح مع هبوب النسايم

يابو عزوم الصبح لاتجيني مغير

من عقب ذبك للفجوج الخرايـم

الجحش

الحر الاشقر يسبر الجول ويطير

صيده من الجزلات ماهي هلايم

تحمّدالله كان جـوك المناعيـر

لوان قايدهم على اربـع قوايـم

الموضوع الأصلي: ناصرمرسال(الجحش) ناصرصويان ايام زمان | | الكاتب: رياح الشرق | | المصدر: شبكة بني عبس

[المحامي خالد]

هلااابك رياااح الشرق

محاوره قديمه وذكرتنا بايام زماااان على

قوووووولتكــ

تحياااتي لك يالامير

[سالم الرشيدي]

محآوره رآئعه بمعني الكلمه ..
وصح السنت الشعآر..
تسلم رياح الشرق

[ذابحه النوم]

صح لساااااااااااانهم

[غــ زمانك ــرك]

محاوره جميله جداً

مشكور الى النقل المجدد

[رياح الشرق]

مروركم اسعدني الله يعطيكم العافيه

بس لي طلب ابغا مشرف يرتبها ومشكورماجت معي

[المميز]

صح اللسانهم
والف شكر لك ريااح الشرق على النقل الراااائع والجميل
دمت كما تحب

[سالم النرجسي]

صـــــــح يا ابن مرسالـــــــــ