[رسام الغروب]

يا طير ياللي بالجناحين طاير

ليتك اتسلفني جناحيك واطير

واصير بالدنيا مثل منت صاير

واعانق ادروب الفضا عنك ياطير

مير أنت وضعك غير ماصرت حاير

وإلا أنا لاضقت ماوضعي بخير

ليت الدموع اللي تسيل وعباير

ماتنسكب مع كل طاري وتفكير

اكافح الضيقة وافك الزراير

وابكي من الفرقا ابليا معاذير

ماباح صدري علته والسراير

إلا من الدنيا وحكم المقادير

كم لي وأنا أنطر من يزف البشاير

وطالت ولا عينت زف التباشير


وشحيلتي بالوقت والوقت جاير

أصعد درج والحظ ينزل اصانصير

الموضوع الأصلي: ياطير ياللي بالجناحين طاير | | الكاتب: رسام الغروب | | المصدر: شبكة بني عبس

[سحايب]

كم لي وأنا أنطر من يزف البشاير

وطالت ولا عينت زف التباشير


وشحيلتي بالوقت والوقت جاير

صح السان شاعرها
وصح ذوقك واختيارك
مبدع بما ينتقي قلمك

[رسام الغروب]

شكرا لك الدمعه دائما سباقه

لك مني اجمل التحيه