[نوماس5]

هذه القصيدة اعجبتني و نقلتهالكم
اتنمى ان تنال اعجابكم

؛
؛
؛


ياويل قلبي كل ماشتقت لقياه
وشلون ماتشتاق عيني لعينه

أنا أدري إني حيل أحبه وأهواه.
وأنا أدري إن القلب صار بيدينه

أموت أنا به في غيابه وأحياه
وشلون أجل لو صافحتني يمينه

حاولت أنا اكتم عبرتي يوم فرقاه.
وألملم جروح الزمان الطعينه

واعطيه من قلب المعنى معاناه.
وآخذ من جروحه ولو هي دفينه

وأضيع به في زحمة الناس وأنساه.
وأنسى معه ذكرى السنين وحنينه

لقيت نفسي كل ما حل طرياه.
عروق قلبي كلها تقول وينه

يامر على قلبي ولا شك ينهاه.
كلي أنا تحت الإشارة رهينة

ما كل من يضحك سعيد بدنياه.
وما كل من يبكي دموعه حزينه

أحدن بكى .. والكل يدري عن بكاه.
وحدن مع الضحكه تحس بونينه

ياشين فرقى الحب وياشين بلواه.
والمشكلة دنيا بلا حب .. شينه

والزين ما يكمل ولو كان ماحلاه . .
إلا حبيبي ماتغير بزينه

ماجيت أسولف عن حلاه ومزاياه ..
يكفي أحاسيسي وقلبي عارفينه

الشعر يعجز وصفها في قفاياه.
لكنها بعيني تساوي كل زينه

كن الفضا في غيبته ضاق مسعاه.
وكني غريق ينتظر له سفينه

شف دنيتي ياصاحبي عقب فرقاه.
مثل الظلام اللي حصل بالمدينة

باكتبه أنا في صفحة الشعر واقراه
وباذبحه بزود الغلا دون سكينة

وبارسمه في لوحة الشعر وانعاه.
وبادفنه بين الضلوع الحنينه

بوسط الحشا في داخل الصدر مثواه
إما يسار القلب وإلا يمينه

(( صحيح إن الحي يعطيك الحياة.
مير البلا حي وزادك غبينه ))

وسلامتكم

الموضوع الأصلي: ~ صحيح إن الحي يعطيك الحياة ~ مير البلا حي وزودك غبينه~~~ | | الكاتب: نوماس5 | | المصدر: شبكة بني عبس

[النمر1012]

صح اللسان شاعرها وتسلم يمين ناقلها
واختار منها
باكتبه أنا في صفحة الشعر واقراه
وباذبحه بزود الغلا دون سكينة

وبارسمه في لوحة الشعر وانعاه.
وبادفنه بين الضلوع الحنينه

[نوماس5]

اقتباس من مشاركة النمر1012 صح اللسان شاعرها وتسلم يمين ناقلها واختار منها باكتبه أنا في صفحة الشعر واقراه وباذبحه بزود الغلا دون سكينة وبارسمه في لوحة الشعر وانعاه. وبادفنه بين الضلوع الحنينه

صح بدنك يسلمك ربي

منووووور

[ميلاس]

قصيده رااائعه ..
سلمت ع النقل المميز ..

[النقيشى]

تسلم اخى على النقل

[نوماس5]

اقتباس من مشاركة ميلاس قصيده رااائعه .. سلمت ع النقل المميز ..

الاروع توجدكــ
يسلمك ربي
المميز توجدك
منووره

[نوماس5]

اقتباس من مشاركة النقيشى تسلم اخى على النقل

يسلمك ربي
منووووووووور